Galatas 3:1 - Nuevo Testamento Toba Maskoy

¹ Asketlhekmoske lhta ko'o alhnakho nke aktemakha lhta apketsepma Jesucristo neten iamet aktenneskama kakpota antangkokhak nengelpeivomo napaqtek Eniapom Neten ma'a, koka ketlhengkap apkelvatesaiangkek ania'a aktaqmanma nak. ¡Malha apiolhma meihamolhma ntemak apnaqtevaskama apqatko'ok anak ketlhengkap Galatas, mamma apqatko'ok!

Galatas 3:1 Iomraidhean Croise

Lucas 24:25

Ka aptemo lhnak Jesús apkellanemo m'a: —Koka mankotlheiangvakhok apvalho'ok ketlhengkap apketlheianmo lhnak nanek apkeleltennasemmap ania'a nnenga ngkotnek hata m'a,

Hechos 16:6

Pablo kakpota nhan apketlhelhma'ak apkenmahai'avek na niekhe elpaiaksek ania'a aktaqmanma iokhalhma Asia, koka Espíritu Santo lhnak meltemok ma'a. Ka apkeliekai'o lhnak konne iokhalhma Frigia kakpota nhan Galacia,

Hechos 6:7

Niangveiakmek nak nema alhpankeskama apaivoma Apveske, aplhameiangkek nak na nema altamesaikamok natemma Jerusalen, aplhaniek nak na sacerdotes meliaskeiam ania'a aplhenammap Jesús.

Romanos 10:16

Koka have aplhamakho apkelleliehekho ania'a aktaqmanma, lhna ntemak na aktalhesammalhka vakkahak Isaias: «Apveske, apkanetek enenlhet aptaikamok meliaskeiam aktemakha netlheianma», lhna aptemak apkeltennasemmap ania'a Isaias.

Romanos 2:8

Koka eienientak hata apiaqmongkasekha aploma takhaplhet'ok apkellelto apkenmeiavkesammakpo pankek qaselhaha, apkellammelhma nhan akto akpeivomo, koka apkellasekhavek ma'a mankopeivomo nak.

Romanos 6:17

Lhennenga lhta ketlhengkap allasennaikama nema apkelianmoma ankok ngkollatsekama, kolhva koka apvanka'a eleliehekhok hengetlhekmoskama aktaqmanma apketlhevai'a lhta aniem'o apkelpasmoma Eniapom Neten.

1 Corintios 11:26

Ka ngkeniemai'ak apkelpasmakho la mota aptekamok pan kakpota nhan apienaikamok vino, etlhene mota apketsepma lhta Apveske, ellanamo ta m'a akvakmo aknem apvektanlha ta.

1 Corintios 2:2

Vanlha lhta mota askeleltennaskamo akietemo nkek aklheianma evalhok ania'a aplhenammap Jesucristo apketsepma neten iamet aktenneskama.

2 Corintios 10:5

Apmopvana nhan enaqtevaskesek akpaivoma akmovana ania'a akmahai'a la nkoiennenkesek enenlhet, apmopvana nhan enaqtevaskesek apkelammakpo apankavek enenlhet'avok apkeliasekamo na lhma enenlhet apkenmahai'a nak eliekpelkok Eniapom Neten. Apvankek na eliaqmongkaskesekhak alketamekama apvalho'ok apkellammelhma la Cristo, eltemeskasekhak atlhenaikama apvalho'ok eleliehekhok Cristo m'a.

2 Corintios 11:3

Nkak'avek ko eneniek nkoliennenkeskak menasma nkolienieskasekhak Cristo aptaikamok apkelleliehekho iokhalhmek ankek, akiennengkeskamo lhnak nanek na Eva m'a.

Galatas 1:2

Ko'o kanhan elialheng'a hengke'e nketlhenkek engelvalho'ok aplhamakho iglesias akieto ham Galacia.

Galatas 1:6

Avanhek akiemaskama evalhok ketlhengkap aslengai'o ania'a apkelvatesaikamok kolhvavek ankek apkelieplavkeskama Eniapom Neten ham, apto lhta apkellavekama, apkelvetaskeskama lhta nhan apkellamelaiam aniem'o m'a apkellapaskeskama Cristo kakpota eltaqmelkeskesek apkellangiemhaikama ketlhengkap ma'a. ¡Koka apkelvatesaiangkek na lhta ania'a aktaqmanma apkelieplavkeskama ketlhengkap, apkelieplekho lhna lhta m'a mo'ok ania'a iama aktaqmanma!

Galatas 2:14

Asiennave lhta nhan askellan'o napaqtavek enenlhet'avok ma'a ngkanek ma lhta eieplavkasak ania'a aktaqmanma akto nak haveniapak anke, lhta stak askano m'a: —Judio apanke lheiap, aptakhek koka malha metno judio ¿Se lha kto apkeliatengko nak lheiap metnangko nak judios etnangkokhak malha aptaiangkolha nak judios, he?

Galatas 3:3

¡Malha metka apqatko'ok la ketlhengkap! Kolhva koka apkeleltavek elieplavkesek aptaiangkolha apankave nak henganemakha enenlhet apankave, mok aktemakha m'a apkelempai'osekha lhta aniem'o Espíritu.

Galatas 4:9

koka kolhvave nak apkeliavek aptemakha m'a aniem'o apmahai'a apanke lhta etnek apkeliekpelkemo napaqtavek ketlhengkap ma'a. ¿Se lha ntemak na ketlhengkap apkeleliehekho nak mokhom qaselha neniava nak mangkoliennaktema, metka akmovana nhan, he? ¿Se lha ntemak na apkenmahai'o nak mokhom etnangkok allasennaikama ankok nema apkelianmoma, he?

Galatas 5:11

Elialheng'a, nlho lhta askeleltennasengka la eliaqtemenek nekha tkok apkellammelhakha ketlhengkap, manghemenlhenama nlho lhta judios, melleve nlho lhta nhan hellanhoho alheno la ania'a aktemakha iamet aktenneskama.

Efesios 3:8

Hai, nalhepek anke niekhe ko'o, moientalhnemo nhan apieseksek anak apkelpokkenammap, nkaqhok koka heiaiangkek aktaqmanma nkek asmakmekama apieseksek anak metnangko nak judios, askeltennaikama ania'a aktaqmanma aktemakha akiavai'a nkek qaselha altaqmelo apmahai'a hengellangkok ma'a Cristo.

Efesios 4:14

Nkomaskok ma'a nentangko malha nematka nak mankoliennaktema apvalho'ok kolhvavek anke nak akiaqmoiekha mo'ok alketamekama apvalho'ok. Kolhvavek ankek na eiaqmonkasangkok mo'ok nematlhekmoskama ngkolatsekama apketsokmo la enenlhet apkenmopvanka'a nak heniennengkesek, koka malha al·hanemmalhka m'a.

Efesios 5:15

Ka nkeniemai'ak na m'a eltaqmelkasakpok neksa apkellangiemhaikama ketlhengkap ma'a, metnamo nkek aptaiangkelha enenlhet anak metka apqatko'ok, etnamok koka nema apkeliamoho.

2 Tesalonicenses 1:8

Evatak hata kakpota ellangkok akiaqmoiekha apkellelto nak menmaikamok takha Eniapom Neten kanhan meleliehekho lhta ania'a aktaqmanma aplhenammap apveske engankok Jesús.

1 Timoteo 6:4

koka apto m'a apkammakpo enenlhet anak, meihangveiakmo nhan, vanlha aptenia mota apkeliamenammap po'ok, netamen ma'a alvo'o neniasepkeskama, nennapommalhka, nentaknongkoma emmo'ok, mantemeskeskama iokhalhmek emmo'ok,

Hebreos 11:8

Mang nak nanek na ei'askeiakmok Abraham aktemakha apaivoma Eniapom Neten apkanemo apkeltemo etiepok apnemakha m'a apkeltemo emhangkok mo'ok iokhalhma. Koka aplhengangkek noka apanke' neksa meihamo iokhalhma m'a.

Hebreos 5:9

Ka nhan aptemo apenesammap apmopvanko nhan aptemo apkelvonkeskama tep mankotnengvaianlha nnelha aplhamakho apkellelto la apkelleliehekho m'a.

1 Pedro 1:22

Kolhva koka ketlhengkap malha alalhnai'o apvalho'ok aniem'o apkeleliehekho ania'a akto have niapak anke, apvanka'ak na ellasekhok apkelialheng'a iokhalhmek ankek. Hai, ellasekhakpo mota apankavek ketlhengkap

1 Pedro 4:17

Ngva'ak aknem akientalhnema nkek nemakha aliekpelkemelha nentaiangkolha ennengko'o nengelelto nak Jesucristo apkennemolhema, koka tep ankek hato ka nkotnek ma'a akientalhnema nema aliekpelkemo aptaiangkolha apkellelto nak meleliehekho' ania'a aktaqmanma aniem'o Eniapom Neten.

2 Pedro 2:18

Etlhenakpo apankavek apkelammakpo, koka aqhemo m'a, apkenmopvanka'a ania'a, apkeliennengkaskek ma'a atlhenkeskama nak apkelvatesaikamok meliamolhma kakpota etnokhak mokhom alleniem'o nak ma'a aliaspongkomakha nak apvalho'ok.

Apocalipsis 18:3

Nnek aktevasakho m'a ngkanek nkelieieskangke lhma aplhamakho apkelveskai'e lhmankek ham aniem'o allaikamok vino anmensangveiam alhma ankok ma'a. Lhamakho macatero nhan aptangke nkeskama patakkom apanko'ok ngkanek alanai'a mota allangkemmalhka ankok ma'a ngkolatsekama, ntevaskangkek na patakkom ankok ma'a —lhta aptak apiennakteso apaivoma ángel.

Apocalipsis 2:20

Koka mankoleklemok evalhok apmamo takha lheiap ngkelvana nak Jezabel, aklhenammalhka nke mota aktema altennasemmalhka ania'a, koka vanlha akteniaikama nkoliennenkesek askellasennaikama nak ko'o, aliateiangko nhan ntasek etavangkok apkennapekamok apnaqtoskama apkellaikamok qaselha akiokha alanemmalhka, kanhan apkellanaktema.