Galatas 2:2 - Nuevo Testamento Toba Maskoy

² Eniapom Neten alhta heteskeskama apkeltemo aniakhak ma'a, nengaqnakhe lhta m'a mok engankavek ennengko'o m'a apkelientalhnakha apkelemhama apmaniaie nemakha allai'o m'a, askeleltennasema lhta ania'a aktaqmanma aktemakha askeleltennasekama mota apieseksek ma'a metnangko nak judios kakpota elvetak iokhalhmek ankek ma'a nkotno aqhemo m'a asmakmekama.

Galatas 2:2 Iomraidhean Croise

Hechos 15:12

Lhamakho enenlhet nak apkelvanmeiangkok apkeltakmelkeskamavek nak apkelailheiangko m'a. Ka apkelempai'o lhnak na apkeleltennasekama Pablo kakpota nhan Bernabe lhamakho aktemakha apkellanai'a qaselha mongenatkeskama, qaselha hempelapkeskama nhan alleniem'o Eniapom Neten apieseksek metnangko nak judios ma'a,

Hechos 15:2

Koka nkoihek nak apkellatemommap Pablo kakpota nhan Bernabe m'a, man nak nkolleklemok apvalho'ok aktemakha nak apketlhekmosekamok ma'a. Ka apkelvetai'o lhnak apkelemhama apmaniaie iglesia m'a, apkellapaskamo lhnak Pablo, Bernabe kakpota nhan aplhamakha apketlhelhma'ak akieto Jerusalen kakpota elpaqmetkasakpok nema allapaskamo kakpota nhan metno apketko'ok ma'a aktemakha apketlheianma apkeliaqtemenaikamok nekha tkok apkellammelhakha m'a. Ka apkeliekai'o lhnak iokhalhma Fenicia kakpota nhan Samaria, apkeleltennaseiangko lhnak ma'a nak hanet iokhalhma nak neksa apkeliekai'a ania'a aktemakha apkelvatesaikamok qaselha ngkolatsekama apkellanekamok metnangko judios kakpota meliaskamek na Eniapom Neten. Nkelpaihekhek nak apvalho'ok apkelialheng'a apkellengai'o ania'a m'a.

Hechos 15:4

Netamen Pablo kakpota nhan Bernabe apketlhengekho lhnak mokhom apkelvekho Jerusalen. Ka apkenmaiangko lhnak takha apkellelto iglesia m'a, nema allapaskamo nhan kakpota nhan metno apketko'ok. Apkeleltennaiangka nhan Pablo kakpota nhan Bernabe lhamakho aptemakha apkellanekamok qaselha aniem'o Eniapom Neten.

Hechos 18:9

Lhema pelhasep na ntemak Pablo apvetai'o apaqtek Apveske, lhna aptemak: —Meniaga nkek Pablo, elhen hata apankek ania'a aktaqmanma hengke'e apieseksek enenlhet anak.

Hechos 23:11

Po'ok pelhasep na lhta aptemak ma'a, apteiapvei'o lhna lhta Apveske napaqtek Pablo ma'a, lhna lhta aptemak apkanemo: —Eiennekho Pablo, ntasek helheianmo lheiap asvesai'a hengke'e aktemakha lhta nhan hetai'a Jerusalen anak, hata nhan emhangkok ma'a akieto Roma, elheianvomok na asvesai'a m'a —lhna lhta aptemak.

Hechos 5:34

Koka apkenmekho lhnak neten lhema fariseo m'a apvesai'a Gamaliel akieto konne apkaqnekhelha mota apkelientalhnakha apkelveskaie. Apto lhnak na hengetlhekmoskama ley Moises ma'a, avanhek ankek nak na apkelleliehekho enenlhet'avok ma'a, apkeltemo lhnak ngkolhek alentepkaso sekhe konne iaqvatakho nema alapaskamo.

Romanos 9:16

Apietnai'o pankek napa'at Eniapom Neten apmak'akha la etneskesek enenlhet, have aniem'o enenlhet apmak'akha la etne panke, have nhan aniem'o aptaqmelkasemmakpo la'a napaqtek ma'a.

1 Corintios 1:23

Ennengko'o koka neleltennaskek ania'a Cristo apketsepma lhta neten iamet aktenneskama, apkeltaknevakkek koka judios ania'a nak, aktaikama nkek koka apkellanemak ania'a nak metnangko nak judios.

1 Corintios 2:2

Vanlha lhta mota askeleltennaskamo akietemo nkek aklheianma evalhok ania'a aplhenammap Jesucristo apketsepma neten iamet aktenneskama.

1 Corintios 9:24

Apkeliavek ketlhengkap aktonak nelpaivasemmalhka nak aplhaniek apkeniaikamok ma'a, koka lhema aphapak enaksepok akianmoma. ¡Eltaqmelkaso ta malha aptaikamok apkelpaivasemmap kakpota etlhevangkok akianmoma!

1 Corintios 9:26

Molpaivaselhkak ko'o malha metka apaqto'ok la'a, mang na altekpolhka neksa momopvana emeiok emo'ok.

2 Corintios 12:1

Akhemo alhenalhkok ehenkok ehenkek ko'o, nkaqhok koka aleltennaksek hata aktemakha lhta akvetai'a ehaqtek qaselha akielhammalhka nhan aniem'o Apveske.

Galatas 1:12

Have enenlhet hellaikamok asketlhekmoskama nak, vanlha koka m'a Jesucristo apto lhta nhan apkeltemo aiekpelkok

Galatas 1:6

Avanhek akiemaskama evalhok ketlhengkap aslengai'o ania'a apkelvatesaikamok kolhvavek ankek apkelieplavkeskama Eniapom Neten ham, apto lhta apkellavekama, apkelvetaskeskama lhta nhan apkellamelaiam aniem'o m'a apkellapaskeskama Cristo kakpota eltaqmelkeskesek apkellangiemhaikama ketlhengkap ma'a. ¡Koka apkelvatesaiangkek na lhta ania'a aktaqmanma apkelieplavkeskama ketlhengkap, apkelieplekho lhna lhta m'a mo'ok ania'a iama aktaqmanma!

Galatas 2:6

Koka apkelientalhnakha apkelemhama apmaniaie nemo allai'o, ma lhta elleltok aiaqmongkasekhak mo'ok asketlhekmoskama, nkaqhok koka nema allai'akha la enenlhet'avok apkelemhama apmaniaie m'a ngkanek nennemo emmo'ok napaqtek Eniapom Neten.

Galatas 2:9

Jacobo, Cefas kanhan Juan malha apkellelto nak nema alankeskama nak postes aliennakteskama malha anmaikamok ma'a Jesucristo apkennemolhema, nketlheianvakhave lhta nhan apvalho'ok asto Eniapom neten heiaikamok qaselha altaqmanma metka akianmoma heliekieskama, apkenme lhta nhan takha enmeio'ok hengelpaivesangko ko'o kanhan Bernabe, nnave lhta nhan mo'ok engelvalho'ok nemmak'akha antangkok ma'a, angetlhekmosangkok ennengko'o metnangko nak judios, koka m'a etlhekmosangkok apieseksek aknaikamo nak nema aliaqtemenkeskama nekhatko'ok apkellammelhakha.

Galatas 5:7

Apkelieplavke lhta ketlhengkap malha amai aktaqmanma ¿Se lhta aliaseiangko lhma m'a kakpota elvatesangkok, he?

Filipenses 2:16

melieniav ankek na ania'a aktaqmanma akto nak hengaikamok neniennaktema, netamen nkaqhama ta evalhok ko'o m'a apvaktamo ta Cristo ngkanek have aqhemo akientalhnema asmakmekama apieseksek ketlhengkap ham.

Filipenses 2:29

Enmamok hata takha akieplomo alpaihekha apvalho'ok apkeltemakha na mota etnangkok Apveske, ellaho ta aplhamakho aptemakha na mota m'a.

1 Tesalonicenses 3:5

Nlhenaikama evalhok nketlhengkaske lhta mankolianmolhkek asleng'o ania'a apkellengaiangko akientalhnema ketlhengkap ham, ka nkeniemai'ak askapaskamo lhta Timoteo kakpota hesantengkesek ania'a, asmahai'a aihok ania'a aktemakha meliaskeiam ketlhengkap ham. Avanhe lhta ko askai'a hengel·hanmo ngken anak nkolpalesemma ketlhengkap ham, lhta akto la m'a, akhemo lhta ngkotnek nengetlhekmosekamok ketlhengkap ham.

2 Timoteo 4:7

ngkanek heiasennaikama aktaqmanma nkek ma'a, astemengke mota nhan malha kto nak soldado apmopvana la ennapakpok, malha nhan astemak ma'a apkelpaivasemmap la'a apvaiam anak akiensasemmalhka nak, molvateskakmok na moi'askeiam.

Hebreos 12:1

Ka aplhamakma lhnak nanek enenlhet'avok alheno lhkek malha hengellanekama aptaiangkok ennengko'o m'a neksa nellaniemhaikama hengke'e. Ka ngkanek ntasek annengkenekha malha nelpatmekama akientalhnema la'a, ngkollatsekama nak nahan hengeliaseiangko mota lhma, kakpota anganiemhama metka akpekhai'a. Malha aktonak ma'a apkelpaivasemmap anak enenlhet apkeniema metka akpekhai'a ngkanek aholhek amai.