Galatas 2:1 - Nuevo Testamento Toba Maskoy

¹ 14 iantelhkapa lhta niekai'ak ma'a, ka asmeiekho lhta mokhom Jerusalen kanhan asketlhelhma'ak alhto ka Bernabe kanhan Tito.

Galatas 2:1 Iomraidhean Croise

Hechos 11:25

Netamen nak ma'a apmeiekho lhnak Bernabe akieto iokhalhma Tarso kakpota eliangvakhak Saulo m'a, apvetangvekho lhnak ma'a apiantementamo nhan Antioquia m'a.

Hechos 11:30

Ka apkellangkongvekho lhnak patakkom Bernabe kakpota nhan Saulo kakpota elletsakhak ellangkongvakhak metno apketko'ok akieto Judea kakpota ennaskangkok apankavek ma'a.

Hechos 12:25

Koka apkelpeneskangkek nak apkelpaieskama ania'a Bernabe kakpota nhan Saulo akieto Jerusalen, apkeltaqhemo lhnak ma'a apkeliantemekho nhan Juan mo'ok nema altema Marcos.

Hechos 13:2

Lhema knem na ntemak ma'a apkeliavenkaskesaiangka lhnak apvesai'a Apveske kakpota nhan apkellakhaskesammakpok mek, koka lhna aptemak apkellanemo Espíritu Santo m'a: —Heliekieskasamo ta Bernabe kakpota nhan Saulo, allangko ta apkenmakmekama —lhna aptemak.

Hechos 13:50

Koka apkellelto judios apkelentennaskekho lhnak meliamolhma Pablo kakpota nhan Bernabe naqtavek ngkelvana'ak aliamolhma, ngkeskama alletsekama nhan ma'a. Napaqtavek na apkelemhama apmaniaie' neten apankavek akieto apiav'akha temma nak, knemo nhan alentepkeskamo iokhalhma nak ma'a.

Hechos 14:12

Ka apkeleltaiangko lhnak Bernabe apto dios Zeus, Pablo koka apto dios Hermes, ngkanek apto mota apmopvana eliatak ma'a.

Hechos 15:25

Ka ngkanek angellapaksek engelialheng'a Judas kakpota nhan Silas, etnangkok apketlhelhma'ak Bernabe kakpota nhan Pablo, alletlhengkeskamo lhta nhan etekio'ok neksa apketlheianma mota apvesai'a apveske engankok Jesucristo m'a, hata elelpeiveskasekhak ketlhengkap netlheianma ania'a altemeskeskama meliamo apkelieplavkesakha ketlhengkap.

1 Corintios 9:6

Lhamakho apkellelto lhta nema alapaskamo nietavek etlhevangkok akianmoma apkenmakmekama la'a. ¿Se lha ntemak ko'o kakpota nhan Bernabe mankonmahai'o nak angetlhevangkok na akianmoma nenmakmekama, he?

2 Corintios 2:13

Koka ntama lhta evalhok ko'o m'a ngkanek ma lhta atak stema eialheng Tito, ka askelpaivesangko lhta m'a, asmeiakho lhta Macedonia.

2 Corintios 8:16

Gracias ko stemak Eniapom Neten aniem'o aptemeskeskama Tito aktaikama apvalhok apkellanei'o ketlhengkap ham ka aktemakha nak ko'o, avanhek apmahai'a elpasmok ketlhengkap ma'a.

2 Corintios 8:23

Koka aptemakha nhan Tito, alhelhma ko nhan mota m'a, nenmakmekama nempasmekha kakpota nkoltaqmelkeskesek apkellangiemhaikama ketlhengkap ham. Koka apqanet lhek engelialheng'a, apkellelto apkellapaskama iglesias, apkellai'o lhnak na Apveske m'a.

Galatas 1:18

Asnengkek akvakmo tres iantelhkapa m'a, netamen asmeiakho lhta Jerusalen kakpota atengvomok Cefas ma'a, ka asnakho lhta lheme 15 knem ma'a.

Galatas 2:13

Apkelvanengke lhta nhan napokha judios Jesucristo apkennemolhema aptakha hanet apvalhok Pedro, akvakho lhta nhan Bernabe apvanekamok ma'a.

Galatas 2:3

Nkellekave lhta apvalho'ok ma'a asmakmekama, metka helammelhma m'a, kanhan ma lhta elleltok na ngkolhek akiaqtemenkaso nekha atkok aiempehek apkammelhakha Tito ngkanek apto lhta griego m'a, aptaiangkolha lhta mota m'a judios apankave'.

Galatas 2:9

Jacobo, Cefas kanhan Juan malha apkellelto nak nema alankeskama nak postes aliennakteskama malha anmaikamok ma'a Jesucristo apkennemolhema, nketlheianvakhave lhta nhan apvalho'ok asto Eniapom neten heiaikamok qaselha altaqmanma metka akianmoma heliekieskama, apkenme lhta nhan takha enmeio'ok hengelpaivesangko ko'o kanhan Bernabe, nnave lhta nhan mo'ok engelvalho'ok nemmak'akha antangkok ma'a, angetlhekmosangkok ennengko'o metnangko nak judios, koka m'a etlhekmosangkok apieseksek aknaikamo nak nema aliaqtemenkeskama nekhatko'ok apkellammelhakha.

Colosenses 4:10

Ka apkapasak na aklheianma apvalhok Aristarco, apkaqlhengkasemmakpo nhan hengke'e alhelhma. Kakpota nhan apkapaskek na aklheianma apvalhok hengke'e Marcos apto Bernabe apiaha' apketka, hata etnek na amaika'a ham, eltaqmelkaso ta apkenmaikamok takha apvaktamo ta ham, astakha lhta nhan askellano aspaioma askeleltemo etnangkok sekhek anke lhta.

Tito 1:4

Asmak'ak angvapaskesek vakkahak anak astalheskama lheiap Tito, apto nhan malha eietka aniem'o nhan aknemo mo'ok mongeliaskeiam. Askeltavek Eniapom Neten kanhan Jesucristo apto hengelvonkeskama tep etaqmelkeskesek apkaniemhaikama, eniankok na aktaqmelaikama apvalhok lheiap.