Galatas 1:6 - Nuevo Testamento Toba Maskoy

⁶ Avanhek akiemaskama evalhok ketlhengkap aslengai'o ania'a apkelvatesaikamok kolhvavek ankek apkelieplavkeskama Eniapom Neten ham, apto lhta apkellavekama, apkelvetaskeskama lhta nhan apkellamelaiam aniem'o m'a apkellapaskeskama Cristo kakpota eltaqmelkeskesek apkellangiemhaikama ketlhengkap ma'a. ¡Koka apkelvatesaiangkek na lhta ania'a aktaqmanma apkelieplavkeskama ketlhengkap, apkelieplekho lhna lhta m'a mo'ok ania'a iama aktaqmanma!

Galatas 1:6 Iomraidhean Croise

Marcos 6:6

Niemaskangkek nak apvalhok Jesús, lhna songkek apkeliaskeiakmo enenlhet ma'a. Nkatepelha' natemma lhnak aplomaka mota Jesús ma'a apketlhekmoskamo enenlhet'avok ma'a.

Juan 9:30

Ka apkatemmoiangka lhna lhta mokhom enenlhet aptaqmalveiam, lhna lhta aptemak: —Niemaskek lhek ko evalhok ma'a ketlhengkap koka meliohok apkeniem'akha m'a enenlhet anak apto lhkek hetaqmelkasekha, tokha kelha apkeniem'o Eniapom Neten ma'a. Ka apto la apkelanai'a ngkollatsekama enenlhet anak, Eniapom Neten mankapvankek engkesek apmopvana kakpota hetaqmelkasekha. Mangelvetai'ak ennengko'o akto nak nenieseksa, alhnakho nenvetai'a apkeniem'o Eniapom Neten ma'a enenlhet anak —lhna lhta aptemak.

Hechos 15:11

Mongeliaskeiakmok ennengko'o angelvongkasalhkak hata tep metka akianmoma aniem'o hengeltaqmelkeskeskama ta apankek nellaniemhaikama apveske Jesús, nnavek na m'a metnangko nak judios —lhnak aptemak Pedro.

Romanos 10:3

Apteniangke mota aptaikamok apkelpeivomo apanko'ok apankavek, mankonmahai'ak eliekpelkok apto vanlha Eniapom Neten apkeltemeskeskama apkelpeivomo. Lhennenga aktemakha aklhenaikama apvalhok etnehek ma'a, koka mankonmahai'ak enmankok takha ko israelitas.

Romanos 5:2

Kolhva envanka'ak angelteteskakhak na apnakha m'a, angelletsevasama nhan aniem'o m'a. Nkelpaihakhek engelvalho'ok kolhvave nak ngkanek alel·halhnekama engvalho'ok angelvakhak hata apnakha m'a kakpota nhan ma'a ampasmekhak hata qaselha altaqmanma Eniapom Neten apanko'ok.

Romanos 8:28

Neliavek ennengko'o Eniapom Neten apkelpeneskasavek lhamakho qaselha kakpota nkoltaqmelkesek apkellangiemhaikama apkellelto nak apkellasekhai'o, Eniapom Neten apkellavekama nhan kakpota elieplavkesek na apkellanemakha la etnangkok ma'a.

Romanos 8:30

Hai', lhennenga apkeliekieskama Eniapom Neten ma'a, netamen apkellaveiangka nhan, apkeltemeskeskamo nhan apkelpeivomo, apkeltemeskeso nhan neten apankavek apkeliaspommap ma'a.

1 Corintios 4:15

Tokha m'a mantek apkellelto apketlhekmosekamok apanko'ok ketlhengkap ham, koka ko'o malha lhema asto apiapma'ak apankavek, alheianvai'a lhta ania'a aktaqmanma apieseksek anak ham, ka aptaiangko lhta nhan apkennemolhema apankave nak Cristo,

2 Corintios 11:4

Asleng'a lhta nhan ko'o ania'a ketlhengkap apkenmaiangko lhna lhta takha alleklemo nkek apvalho'ok nema aleltennaskama ania'a mok aktemakha koka netlheianmo na mota apvesai'a Jesús. Hai, apkenmaiangko lhna lhta takha ania'a mok aktemakha nkek ania'a aktaqmanma, apkenmaiangko lhna lhta nhan takha lhema espíritu, have koka m'a Espíritu apketlhevaiangko lhta sekhe lhta.

2 Corintios 2:17

Moklhem'a enenlhet apkeleltennama ania'a aktaqmanma apkeleltema nkoltaqmelkeskesek apkellangiemhaikama apanko'ok apankavek, ennengko'o koka mantangkok ma'a. Eniapom Neten hengellapaskama, apiavek nahan metka nenteniaikamok enganko'ok engankavek qaselha altakmelkeskama la nellaniemhaikama, netlhenke mota qaselha have niapak ankek aniem'o nelpasmekha mota Cristo.

Galatas 1:11

Ketlhengkap elialheng'a, askeltavek ko'o eliangvomho ketlhengkap have aniem'o m'a enenlhet ania'a aktaqmanma asketlhekmoskamo na mota.

Galatas 1:15

Nkaqhok koka m'a Eniapom Neten heliekieskangke panke amanie asmahai'a atiemok av'alhok meme aniem'o aktaqmanma nkek helanei'o, apmahai'ak na heteskesek Apketka kakpota heiapaksek ma'a aleltennasangkok apvesai'a apieseksek metnangko nak Judios. Ma lhta ateniaikama enenlhet hetlhekmoskama la'a,

Galatas 1:7

Vanlha koka niekhe lhema ania'a aktaqmanma akto haveniapak anke, koka moklhem'a enenlhet apkeleltavek eliasangkolhma ketlhengkap, eliaqmongkaskesekhak na mo'ok aktemakha ania'a, have ania'a aniem'o m'a Cristo.

Galatas 2:14

Asiennave lhta nhan askellan'o napaqtavek enenlhet'avok ma'a ngkanek ma lhta eieplavkasak ania'a aktaqmanma akto nak haveniapak anke, lhta stak askano m'a: —Judio apanke lheiap, aptakhek koka malha metno judio ¿Se lha kto apkeliatengko nak lheiap metnangko nak judios etnangkokhak malha aptaiangkolha nak judios, he?

Galatas 2:2

Eniapom Neten alhta heteskeskama apkeltemo aniakhak ma'a, nengaqnakhe lhta m'a mok engankavek ennengko'o m'a apkelientalhnakha apkelemhama apmaniaie nemakha allai'o m'a, askeleltennasema lhta ania'a aktaqmanma aktemakha askeleltennasekama mota apieseksek ma'a metnangko nak judios kakpota elvetak iokhalhmek ankek ma'a nkotno aqhemo m'a asmakmekama.

Galatas 2:5

Koka ma lhta angellasekha apankek ennengko'o m'a ngkanek nenmak'ak alhta angenmeivok ania'a aktaqmanma nemmahai'a angelletsavkesek ketlhengkap.

Galatas 2:7

Apkelvetai'ak apkelemhama apmaniaie nak apto Eniapom Neten heiapaskama kakpota atlhekmoksek ania'a aktaqmanma apieseksek ma'a metka nak aliaqtemenammalhka nekhatko'ok apkellammelhakha, koka Pedro apkapasammap ma'a elhenek apieseksek aknaikamo nak nema aliaqtemenkeskama nekhatko'ok apkellammelhakha.

Galatas 5:14

Nkanek lhamakho ley anak aiseksek ma'a nietnek malha alpasmekama m'a ntemak hengke'e: «Eniasekho po'ok ka kto nak apkasekhammakpo apanke nak lheiap», ntemak.

Galatas 5:4

Enenlhet la apmahai'a etnek apeivomo aniem'o ley, apieniakhek na Cristo m'a, aptaqnevakkek na qaselha metka akianmoma apkaikamok alhta m'a aniem'o lhta aktaqmanma apkelanei'o niekhe.

2 Tesalonicenses 2:14

Apkellavekama lhta Eniapom Neten aniem'o nhan ania'a aktaqmanma neleltennaskama sekhe lhta kakpota elpasengvomok ma'a apientalhnemo apveske engankok Jesucristo.

1 Timoteo 1:14

Nkaqhok koka avanhe kanke lhta aktaqmanma helanei'o Apveske engankok, heiaiangko lhta nhan moi'askeiam, nengasekhai'o aniem'o m'a Cristo Jesús.

1 Timoteo 1:3

Askeltavek mokhom altakhengveskakhak astakha lhta askano lheiap ma'a akieto ham Efeso neksa asmahai'a aniakha lhta m'a Macedonia, lheiap hato ka ntasek elhek kakpota ennavaksek mankolietemo nak apketlhekmosekamok, lhta stahak.

2 Timoteo 1:9

Eniapom Neten hengelvongkeskangkek tep, hengeliekieskangkek nahan kakpota antangkok apkennemolhema hengelpokkanma, ma lhta niekhe hengelietemo ennengko'o m'a, koka tep nak nanek metka nnelha aktepekamo mota apeneskamo hengeltaqmelkeskesek hata nellaniemhaikama apmahai'o eniapaksek ma'a Cristo Jesús.

2 Timoteo 2:1

Lheiap malha eietka, elhengkes hata mota apteniai'o apiempek koka aniemai'o nhan ma'a nengamelaiam anak aniem'o nhan lheiap apasmekha Cristo.

1 Pedro 1:15

Apkellavekama lhta Eniapom Neten ketlhengkap kakpota etnangkok apkeliamolhma apankek, ellanangkok qaselha altaqmelo, ka aptemo nak ma'a apiamolhma apankek ma'a.

2 Pedro 1:3

Apmopvana nak Eniapom Neten hengeliekpelkeskaskek apto neten apankek nema apmopvana, elanak na qaselha hempelapkeskama, hengellavema lhta kakpota hengellangkok lhamakho qaselha alaimommalhkelha la'a angellanangkok na aktaqmanma.

Apocalipsis 22:21

Hai', ka m'a, askeltavek ko'o Apveske Jesús eltaqmelkeskesek apkellaniemhaikama aplhamakho ketlhengkap ham.