Filemon 1:22 - Nuevo Testamento Toba Maskoy

²² Hepeneskaso ta nhan lheiap asnemakha la'a, avatak hatelha ham astema la amaika'a, eniatemmohok hatelha Eniapom Neten apkelelmalhnongkoma mota ketlhengkap asmeiakho ta ko'o ham.

Filemon 1:22 Iomraidhean Croise

Hechos 27:24

lhke ptak heiano: "Menia nkoie' Pablo, Eniapom Neten hata evongkesek tep lheiap kakpota nhan apketlhelhma'ak aniem'o lheiap, ngkanek nkaimelhkek elhong mokhom lheiap napaqtek apnakha apiav'akha apveske Romano", lhke aptak heiano ángel.

Hechos 28:23

Ka apkelpekkeno lhta lhema aknem eniaqnekhak hata mokhom ma'a. Ma lhta ntek enenlhet'avok apkenmeioiam apnakha nhan Pablo m'a apkenmahai'a ellailhok ma'a. Sosekhe anke lhta apkempak apkeltennaikama Pablo m'a akvakho ienaqteso ania'a aktemakha aptema apveske Eniapom Neten. Ka apkelpeiveskasakho lhta nhan ley Moises kakpota nhan vakkahak apnaktalheskama apkeleltennasemmap ania'a annenga aktemakha aplhenammap Jesús.

Romanos 15:24

asmeiakho ta España, neksa alhengama ta nalhet amai hatelha atnek amaika'a ketlhengkap ham, akiakvatakho toka. Nkopaihekha ta nhan evalhok apieseksek anak ham, askeltave niekhe nhan helpasmok hellangkok qaselha apanko'ok aimelhkelha la ko'o kakpota angvempekhok hatelha mokhom alhengama m'a.

2 Corintios 1:11

Nengeleltavek ennengko'o hengelpasmok hengelelmalhneskesek ketlhengkap, aplhamo la hengellelmalhneskeskama ham, aplhaniek hata nhan etnangkok gracias Eniapom Neten aniem'o hengelpasmoma m'a.

Filipenses 1:19

ngkanek asiavek ko'o ngkolhek hata evongkaso tep aniem'o helelmalhneskeskama ketlhengkap, aniem'o hepasmok hata nhan Espíritu apankok Jesucristo.

Filipenses 2:24

Asiave ko'o have niapak Apveske hepasmok hata kakpota aniantak kolhvavek ankek ham astaikama la amaika'a.

Hebreos 13:19

Koka nhan akto aktaqmelakho nkek helelmalhneskesek ko lha Eniapom Neten kakpota eltok aniantak astaikama la amaika'a kolhvave nak ham.

Hebreos 13:23

Askeltavek na aleltennasama ania'a engelialheng'a lhta Timoteo aptepakhe lhta m'a nenmammalhkelha m'a, hata apvaktamo ta hengke'e angenmeiantak hata ham nentaikamok amaika'a.

Santiago 5:16

Ka ngkanek na ntasek etlhenek moklhem'a apnaqtevaskama la po'ok apieseksek anak ketlhengkap ham. Elelmalhneskes hata nhan po'ok ham kakpota ngkolhek altakmelkeskakmo m'a neksa apkellengaiangko anmaska apiempeiok, ka enenlhet la apeivomo nietnek akmovana apkenmalhnongkoma.

2 Juan 1:12

Hai, ntase, mantek niekhe mokhom asmahai'a aleltennaksek ketlhengkap ma'a, man koka nkomak'ak allapaskesek astalheskama vakkahak. Ntasek koka aniakha ehenkek ham kakpota alpaqmetkeskakha asiokho ehenkek napaqtavek ketlhengkap ham, kakpota hensavhok alpaihekhak engelvalho'ok nelpasmekha m'a.

3 Juan 1:14

Koka ntasek aniantak ham kakpota apaqmetkesama apiokha apankek lheiap.