Efesios 4:4 - Nuevo Testamento Toba Maskoy

⁴ Nkotnek ketlhengkap malha lhema apkeliokha, malha lhema la nhan Espíritu, lhema nhan alel·halhnekama apkelvalho'ok elvetak hata aktaqmanma aniem'o Eniapom Neten apkellavekama.

Efesios 4:4 Iomraidhean Croise

Hechos 15:11

Mongeliaskeiakmok ennengko'o angelvongkasalhkak hata tep metka akianmoma aniem'o hengeltaqmelkeskeskama ta apankek nellaniemhaikama apveske Jesús, nnavek na m'a metnangko nak judios —lhnak aptemak Pedro.

Romanos 11:29

apkellaveiangka lhta nhan, apkellaiangko nhan metka akianmoma qaselhaha, metka apkenmasvekha nhan, melvankakmok na apkellelto lhta apkellavekama.

1 Corintios 10:17

Niekhe nenlhamakma, malha enlhema koka ntakhak neliokha m'a aniem'o nentekamok apnemo po'ok pan.

1 Corintios 12:20

Nlhanie niekhe alpasmekha m'a apiokha nak, koka malha lhema ntakhak ma'a aniem'o alpasmekha m'a.

2 Corintios 11:4

Asleng'a lhta nhan ko'o ania'a ketlhengkap apkenmaiangko lhna lhta takha alleklemo nkek apvalho'ok nema aleltennaskama ania'a mok aktemakha koka netlheianmo na mota apvesai'a Jesús. Hai, apkenmaiangko lhna lhta takha ania'a mok aktemakha nkek ania'a aktaqmanma, apkenmaiangko lhna lhta nhan takha lhema espíritu, have koka m'a Espíritu apketlhevaiangko lhta sekhe lhta.

Efesios 1:18

Askelelmalhneskeskangkek na Eniapom Neten kakpota etnek malha apkelapommatkeskeskama alketansema apvalho'ok kakpota nkovak apkeliangveiakmo ketlhengkap apkellelto nak nema aliekieskama kakpota etlhevangkok altakmanma apkellangiemhaikama m'a, elel·halhnek na metka apkeliaskeiam ma'a. Hai, qaselha altaqmanma nkek, akmennave nkek ma'a apneskamo lhta Eniapom Neten kakpota ellangkok hata apkellelto apkelpokkanma m'a.

Efesios 2:16

Apmaskeskakme lhta nhan apkellamelhammap apieseksek anak ma'a hanet apkellavakha nak, apiepetkasekho lhta nhan po'ok aktaiekho lhta malha lhema apkeliokha. Apkeliepetkeskekho lhta nhan Eniapom Neten aniem'o apketsepma neten iamet aktenneskama.

Efesios 2:18

Kolhva koka judios kakpota nhan metnangko judios nnangkek aknemo mo'ok Espíritu, envanka'ak kolhva antangkok nengaqtek ankek Eniapom nenlhamakho.

Efesios 2:22

Apiepetkasekhek po'ok Cristo kakpota ngkovomok aptaikamok malha pa'at akiavai'a Eniapom Neten la apnemakha aniem'o Espíritu apankok ma'a.

Efesios 4:1

Ka nkeniemai'ak ko'o m'a, askaklhengkasemmalhko nak aniem'o heiasennaikama Apveske, askeltavek eltaqmelkasakpok akietemo nkoie ngkanek Eniapom Neten apkellavekama ketlhengkap.

Efesios 5:30

ngkanek iglesia malha apiokha m'a, ennengko'o koka nentangkok malha nekhatko'ok apiokha nak ma'a Cristo.

Colosenses 1:5

Nnaiangkek nak na apkelvaskapma m'a aniem'o alel·halhnekama apvalho'ok etlhevangkok hata lhema qaselha nema alpokkenkeskama m'a neten, apkellengai'a lhta ketlhengkap aklhenammalhka ania'a nak

Colosenses 3:15

Eniapom Neten apkeliekieskama ketlhengkap kakpota nkotnangkokhak malha lhema apiokha, nkolhnangkok na altaqmelaikama apvalho'ok, etnamo ta mota nhan gracias ma'a.

2 Tesalonicenses 2:16

Jesucristo apto apveske engankok, Eniapom Neten apto eniapma'ak apto nhan hengellamelaiam, apkelpaieskaiam amota engelvalho'ok, hengellaiangko nhan aktaqmanma nkoie' alel·halhnekama engelvalho'ok qaselha nkovak hata.

1 Timoteo 1:1

Ko'o Pablo asto heiapaskama Cristo Jesús apto niapom al·halhnekama engvalho'ok angvetak aktaqmanma. Hellapaskama koka m'a Eniapom Neten apto hengelvongkeskamo tep kanhan Cristo Jesús kakpota apaiaksek ania'a aktaqmanma.

Tito 1:2

alel·halhanma apvalho'ok na etlhevangkok hata aliennaktema apnenio'ok mankotnengvaianlha nnelha, apeneskamo lhnak nanek aplheianma ellangkok hata Eniapom Neten ma'a, tep nak nanek ampai'osekha nkek aknem aklhengama aplheianma ellangkok ma'a.

Tito 2:13

anlhengkesek ma'a akvakmo ta aknem akvai'a alpaihengvaiam engvalho'ok akiavai'a, angvetangvomok hata ma'a alel·halhneiangka mota engelvalho'ok, nkotne ta aktaqmanma nke akvetammalhka malha apkelienmaiam apvaktamo ta aknema apmopvana apankek Eniapom Neten kanhan Jesucristo apto hengelvonkeskama tep,

Tito 3:7

hengeltemeskeskamo lhta nhan nengelpeivomo aniem'o aktaqmanma nke nak hengellanei'o. Kolhva nnankek alel·halhnekama engelvalho'ok angetlhevangkok hata aliennaktema ennenio'ok nkotnengvaianlha nnelha m'a.

1 Pedro 1:21

Eniapom Neten aplhatekhaskeiam Cristo, aptemeskeskamo nhan neten apankek ma'a, ka meliaskeiakmo nhan ketlhengkap Eniapom Neten aniem'o nhan apkeltemeskeskama Cristo, nnankek na alel·halhnekama apvalho'ok eltaqmelkeskeskamok hata apkellangiemhaikama m'a Eniapom Neten.

1 Juan 3:3

Koka apkellelto nak alel·halhnekama apvalho'ok elvetak hata m'a, malha apkelalhnasekpe pankavek kakpota etnangkok malha apkennemo m'a apto apkelalhnasemmap ma'a.