Efesios 4:17 - Nuevo Testamento Toba Maskoy

¹⁷ Kolhva asmak'ak atnek allana aktaqmanma nkek hengke'e akieplomo apvesai'a Apveske, ¡metnamo nkek ketlhengkap aptaiangkolha nak melioho nak Eniapom Neten! Apkelieplavkaske mota alietnaikama apaqto'ok nkolietemo m'a.

Efesios 4:17 Iomraidhean Croise

Lucas 16:28

kakpota eleltennaskakhak 5 elialheng'a aktakha asvetai'a hengke'e, elianmongkesek hata apvalho'ok kakpota melvek hengke'e nenlengaiankolha nak akmaska akiavai'a", lhna aptemak ma'a.

Hechos 14:15

—¡Metnamok ham! Have ennengko'o dioses, enenlhet apankavek ennengko'o ka akto nak ketlhengkap. Vanlha nelva'ak lhek ennengko'o nenmak'o angetlhekmosangkok ania'a aktaqmanma ketlhengkap kakpota elvatesangkok apkeltemakha ngkolatsekama. Elpengkangvomok na apvalho'ok akieto m'a Eniapom Neten apto menietsepma, apto nhan apkelanai'a neten, nalhepop, alvata kakpota nhan qaselha aknaiangko m'a.

Hechos 18:5

Ka apkelvekho lhnak ma'a Silas kakpota nhan Timoteo, iokhalhma Macedonia lhnak apkeleniektak ma'a. Ka apkempai'akha lhnak Pablo akiokho nkek aplheianma mota ania'a aktaqmanma, apmahai'a elvetaskesek judios aptemakha Jesús apto Cristo.

Hechos 2:40

Aplhengkeskangkek nak Pedro apkeleltennasekamok ma'a apkanemakha eltehek, lhnak aptemak: —¡Elvongkasap tep apieseksek anak enenlhet'avok apkellanekamo mota ngkolatsekama nenvanlha nak! —lhna aptemak.

Hechos 20:21

Askeliatengke lhta judios kakpota nhan metnangko nak judios askeltemo eliaqmongkasekhak mo'ok apvalho'ok napaqtek Eniapom Neten kakpota nhan meliaskame Apveske engankok Jesús.

Romanos 1:21

apkeliave niekhe m'a, koka nkaqhok na mellai'ok apvesai'a m'a, metnaiangkok na gracias ma'a. Vanlha koka atlheianmo apvalho'ok nkoietemo nke, alpaisengkeskeskamo nhan apvalho'ok ma'a.

1 Corintios 1:12

Lhna lhta aptaiangkok moklhem'a hengke'e: —Ennengko'o nelieplavkasak hengetlhekmoskama Pablo —lhna lhta aptaiangkok ma'a. Koka napokha lhna lhta aptaiangkok: —Ennengko'o koka nelieplavkasak hengetlhekmoskama Apolos —lhna lhta aptaiangkok ma'a. Po'ok na lhta nhan aptaiangkok: —Ennengko'o koka nelieplavkasak hengetlhekmoskama Cefas —lhna lhta aptaiangkok. Aplhamakha lhnak na aptaiangkok: —Ennengko'o koka nelieplavkasak hengetlhekmoskama Cristo —lhna lhta aptaiangkok.

1 Corintios 15:50

Asmak'ak atnek allana ketlhengkap elialheng'a, enenlhet akietnema nak aphapetek kanhan ema apankok mankolpalhakvomek hata ma' aktemakha nak Aveske apmopvana Eniapom Neten. Qaselha nak akmovana nkokpelkalhka' mankavankek nkopalhkekha Qaselha nak mankokpelkammalhka.

2 Corintios 9:6

Ellailhonoho, apto la apkanma atketse, ketsek hata nhan enaklhek akielhna m'a. Apto la nhan apkanma akiavai'a, nlhaniek hata nha ngkotnek apnaklhema akielhna m'a.

Galatas 3:17

Askeltavek ko'o eliohok ketlhengkap ley anak mankavankek nkomaskeksek aktemakha apaivoma apeneskamo aplheianma Eniapom Neten ellangkok qaselha Abraham. Amanie nkek nak akvaiam apaivoma apeneskamo aplheianma Eniapom Neten, netamen 430 anio lhna ngvaiakmok ma'a, akvai'o nhan ley, ka ngkanek ley anak mankavankek nkomaskeksek ma'a.

Galatas 5:3

Asmak'ak alhenek mokhom, lhema enenlhet la apiaqtemanma nekha tkok apkammelhakha, nkaimelhkek na eieplavkesok lhamakho ley.

Efesios 1:22

Hai, Eniapom Neten apkakheskektak lhamakho qaselha koneng apmankok Cristo. Aptemeskeskamo nhan malha apqatek iglesia,

Efesios 4:22

Ka nkeniemai'ak na ketlhengkap ntasek elvatesangkok ngkollatsekama apkellaneiangko lhta mota lhennenga, etnangkok malha apkel·hatsosaikamok lhennenga apvalho'ok alpaisengkeskama aniem'o aliaspongkomakha nak apvalho'ok akmovana nak hengiennenkesek.

Colosenses 2:18

Mellailho nkek enenlhet apkeliematkesaikama la'a ngkanek apkeliavenkaskesama mota apkelvesai'a ángeles ma'a, aptangke niekhe nalhep'avek apvalho'ok ma'a, apkenmopvanka ania'a koka, apketlheno alvetai'a apaqto'ok koka apkeltaikama apankek ma'a, nkeliephesekama mota apkellammakpo atlhenaikama apvalho'ok apanko'ok apankavek ma'a.

Colosenses 2:4

Ka astakha lhkek alheianma lhamakho qaselha nak kakpota mangkolhek aliennengkesko'o, ka enenlhet la'a malha nak altakmanma apkelpakmetekamaha, apkenmopvanka'a ania'a koka.

1 Tesalonicenses 4:6

Menaqtevaskamanke lhma, meliennengkes na po'ok aktemakha m'a qaselha ngkolatsekama lhkek, nellaskangke lhta ennengko'o m'a akiavai'a nkek la apiaqmongkasekhak Apveske.

1 Timoteo 5:21

Askeltave etnek lheiap napaqtek Eniapom Neten, Jesucristo, kanhan ángeles apkeliekieskama, eliehekhok henganemakha astakha lhkek askano, etne apeivomo napaqtavek aplhamakho enenlhet'avok, etne ta nhan apneskamo mo'ok apkellanei'o po'ok.

1 Timoteo 6:13

Koka kolhvave nak napaqtek Eniapom Neten apto apkellaikamok aliennaktema lhamakho qaselha lhmankek ham, kanhan napaqtek Jesucristo apto apvetaskeskamo lhta napaqtek Pilato metka apkelanai'a ngkolatsekama, apvetaskeskaiakmo lhta nhan aktaqmelo hengetlhekmoskama aktemakha mongiaskeiam anak,

2 Timoteo 4:1

Askeltavek ko etnek lheiap napaqtek Eniapom Neten kanhan Cristo Jesús apto ta nhan apvekta kakpota etnek apveske, eliekpelkok hata nhan aktemakha apkellanekamok aktaqmanma nlho ka la ngkollatsekama apkellelto nak aphalhnanko'ok kakpota nhan apkenmaskengvaiakmo,

1 Pedro 1:18

ngkanek apkel·hatsoskakhe lhta neksa apkeltemakha lhennenga malha alpathetma la'a alleniem'o lhta m'a apkeltemakha apkelieihengka'a. Nkaimommalhke lhtoka sekhek ei'anmongkesek ma'a kakpota elienioskakhak ma'a, have koka oro nak kanhan patakkom alienmomo plata apianmongkeskamo m'a ngkanek apavok ngkotnek ma'a,

2 Pedro 2:18

Etlhenakpo apankavek apkelammakpo, koka aqhemo m'a, apkenmopvanka'a ania'a, apkeliennengkaskek ma'a atlhenkeskama nak apkelvatesaikamok meliamolhma kakpota etnokhak mokhom alleniem'o nak ma'a aliaspongkomakha nak apvalho'ok.