Efesios 4:12 - Nuevo Testamento Toba Maskoy

¹² Apketsavheskeskakme lhta nhan apkeliangveskeskaiakmo m'a apkellelto apkelpokkenammap kakpota etnangkok apkellasennaikama, kakpota enmakmesama elvanengkeskesek malha apiokha m'a Cristo,

Efesios 4:12 Iomraidhean Croise

Lucas 22:32

Ko'o koka askenmalhneskasak Eniapom Neten kakpota mankomaskengvomek mei'askeiam lheiap. Netamen hato ka m'a eiennekhok hata mokhom ma'a, kakpota mokhom elpasmekhak na apketlhelhma'ak anak eliennekhok hata nhan ma'a —lhna aptemak Jesús apkanemo Pedro.

Hechos 1:17

Koka apto lhta niekhe netlhelhma'ak Judas ma'a, nenmakmekamo lheme lhta nhan.

Hechos 1:25

kakpota etneskesek apkapasammap apiaqmongkeskama Judas alhta apieniekha, apmaiangko m'a akietemelha emhangkok aniem'o meihamolhma' m'a —lhna aptaiangkok apkelelmalhnongkoma m'a.

Hechos 11:23

Bernabe lhnoka apto enenlhet apiamolhma', aklanei'o lhnak na apvalhok Espíritu Santo m'a kakpota nhan mei'askeiam ma'a. Apvekhek nak Bernabe m'a akieto Antioquia, apvetangvekho lhnak Eniapom Neten apkeltakmelkeskama enenlhet'avok ma'a, avanhek ankek nak na akpaihekha apvalhok ma'a. Ka apkeliatekho lhnak ma'a enenlhet'avok kakpota melvatesankek apkelleliehekho Apveske. Aplhaniek nak enenlhet apkellailhemo Bernabe, ka aptaiangko nhan meliaskeiam Apveske m'a.

Hechos 20:24

Koka mamma aptaikama evalhok angvetsepok kelhaha, askeltavek ko'o asavhok asmakmekama malha askelpaivasemmalhka aptakha lhta apaivoma Apveske Jesús heiano akieplomo akpaihekha evalhok, apkeltemo lhta apaiaksek ania'a aktaqmanma aplhenammap hengellamelaiam Eniapom Neten.

Hechos 20:28

Pastores aptaiangkok ketlhengkap aniem'o Espíritu Santo apkeltemeskeskama apkelemhama apmaniaie, ¡elel·halhnama ta mota ketlhengkap! Eltaqmelkes hata nhan apkellelto iglesia apankok Apveske, apkellelto lhta nhan apkenmama aniem'o ema apankok.

Hechos 9:31

Metka akmaska lhna ntemak apkakhaikamok ma'a apkellelto iglesias akieto iokhalhma Judea, Galilea, kakpota nhan Samaria. Ntepeiangkek nak apkeliangveiakmo aptemakha Eniapom Neten, aplhameiangkek nak enenlhet ma'a aniem'o apkelpasmoma Espíritu Santo, apkellai'avek na mota Apveske m'a.

Romanos 12:5

Nnavek na ennengko'o niekhe nenlhamakma, koka nenlhamakho nengelelto nengelpasmekha aniem'o Cristo, nentangkokhek malha lhema neniokha.

Romanos 12:7

Enenlhet apto lhta aplhevai'a apmopvana etnek nema asennaikama, ntasek etnek aktaqmanma apmakmekama. Apto lhta nhan aplhevai'a apmopvana etlhekmoksek, ntasek eieplavkesek ma'a.

Romanos 14:19

Hai', angellanangkok hata lhamakho nke nak kakpota nkovak altaqmelaikama engelvalho'ok kakpota nkovanamok lhemek aliennaktema engelvalho'ok aniem'o nelpasmommalhko.

Romanos 15:14

Ketlhengkap elialheng'a, asiave ko'o apkeliamolhma apankavek ketlhengkap, apvanka'ak na eleltennasangkok po'ok.

Romanos 15:2

Ntasek koka anteniangkok nkollekok na apvalho'ok emmo'ok, angellanak na aktaqmelo qaselha kakpota nhan ngkotnek nempasmekha nenlhamakho akvanekamok.

Romanos 15:29

Angelpasmekhak hata lhemek lhamakho qaselha aktaqmanma hengellaikamok alhta Cristo, have niapak ankek ma'a.

1 Corintios 12:27

Ka apkelpasmekha nak ketlhengkap malha ntakhak apiokha nak Cristo, moklhem'a annangkok mok aktema apkenmakmekama apketlhevai'a.

1 Corintios 12:7

Moklhem'a koka ennengko'o nhan nnak hengellangko nenmopvanka'a aniem'o Espíritu kakpota angeltakmelkeskesek apkellangiemhaikama m'a emmo'ok.

1 Corintios 14:12

Avanhek apkeleltemo nkolhnangkok ketlhengkap apkenmopvanka'a aniem'o Eniapom Neten, koka ntasek elienlhanmankok ma'a apkenmopvanka nak eltaqmelkeskesek apkellangiemhaikama iglesia la'a.

1 Corintios 14:14

Ka kto nak ko'o askenmalhno la nempaivoma melioho nak mokhom, evalhok ehenke akpaivoma, moihek na ko'o m'a.

1 Corintios 14:26

Elialheng'a, hata apkaknakho ta nempaivoma alhankok ketlhengkap, ntasek ma'a napokha ennekmasangkok salmos, napokha ta nhan etlhekmosangkok, napokha ta nhan etlhenek Eniapom Neten apaivoma, napokha nhan elpaqmetama mo'ok nempaivoma melioho nak, napokha nhan apkelpeivesekha m'a. Elienlhanmamok hata apkeltakmelkeskeskama la apkellangiemhaikama po'ok.

2 Corintios 12:19

Ketlhengkap elialheng'a askellamelaiam, nkotlhenek hatelha apvalho'ok nellasennammalhka engankoie napaqtavek ketlhengkap, mankaimelhkak antangkok ma'a ngkanek vanlha mota nenteniankok angeltakmelkeskesek apkellangiemhaikama ketlhengkap ham aniem'o nengelelto nengeliamolhma nellasennaikama Cristo, apiavek Eniapom Neten akto have niapak ankek alheianma nak.

2 Corintios 13:11

Hai, ka m'a, askeltavek ko'o nkolpaihekha mota apvalho'ok ketlhengkap elialheng'a ham, elienlhanmamok hata mota apkenmahai'a eletsavhongvomhok apkeliangveiakmo, eliatamo ta mota po'ok, elloka ta lhemek aknemo mo'ok apvalho'ok kanhan metka akmaska nak apieseksek anak ketlhengkap ham. Eniapom Neten apto niapom aktaqmelaikama engvalho'ok anak kanhan nengamelaiam, etnangkok apketlhelhma'ak amota ham.

2 Corintios 13:9

Hai, niekhe mongeliennaktema, nkaqhok koka nkelpaihakhek engelvalho'ok ngkanek melleiha songkek ketlhengkap, nengelmalhneskaskek na lhamakho aknem kakpota nkanantangkok apketsavhongvaiakmo apkeliangveiakmo.

2 Corintios 3:8

Koka tep ankek aktaqmanma apommatema m'a alhnankok annemo mo'ok engvalho'ok aplheianmo Eniapom Neten hengellangkok hata Espíritu apankok.

2 Corintios 4:1

Eniapom Neten apto apiamolhma hengellanei'o ennengko'o, hengellaiangko nhan nenmakmekama nenlheianma ania'a aktaqmanma. Ka nkeniemai'ak mamma nhan manghengeliaqvaiam la angelpaiaksek ania'a aktaqmanma.

2 Corintios 5:18

aniem'o Eniapom Neten, apkapaskamo nhan apketka kakpota ellasekhaskesekhok mokhom ma'a. Netamen na hengellapaskama ennengko'o kakpota angellasekhaskesekhok enenlhet'avok kanhan Eniapom Neten.

2 Corintios 6:3

Mongeltemongvaiakmo lhma ennengko'o neksa nelpaieskama ania'a aktaqmanma kakpota melieniekhek aptaikamok meliaskeiam enenlhet'avok netlhekmosekamok alhta.

2 Corintios 7:1

Elialheng'a askellamelaiam, ka nkeniemai'ak ma'a apneskamo aplheianma hengellangkok hata Eniapom Neten, ntasek hengellalhnaskesek neliokha kanhan engvalho'ok aniem'o altamekha ngkollatsekama, antangkok neliokho engankavek nelalhnai'o aniem'o nellai'o Eniapom Neten.

Efesios 1:23

akto nhan malha apiokha m'a Cristo iglesia nak, apkellaiangko nhan lhamakho qaselha la alaimommalhkelha m'a, malha allaneiangko la nhan.

Efesios 4:16

Alietetakha nak alpasmekha apiokha nak aniem'o Cristo, moklhem'a nak ma'a nietnek anmakmekama nkek mo'ok aktemakha, alpasmommalhko koka kakpota nkolvanamok ma'a, nkoliennak nahan aniem'o allasekhammalhko.

Efesios 4:29

Melpaqmetama ngkollatsekama la apaivoma, ntasek koka elpaqmetama altakmanma kakpota nkoltaqmelkesek apkellangiemhaikama po'ok, nkoliangveskeskamhok nahan.

Efesios 4:4

Nkotnek ketlhengkap malha lhema apkeliokha, malha lhema la nhan Espíritu, lhema nhan alel·halhnekama apkelvalho'ok elvetak hata aktaqmanma aniem'o Eniapom Neten apkellavekama.

Colosenses 1:24

Mpaihakhek ko evalhok aklengangko akmaska asiokha nak aniem'o hellasennaikama ketlhengkap, ngkanek asavhok hata aktemakha lhta aplengaiangko Cristo aniem'o nkotaqmelekha ta iglesia, ngkanek malha Cristo apiokha ntak ma'a iglesia.

Colosenses 1:28

Ennengko'o nelpaieskek ania'a aplhenammap Cristo, nellaskek na qaselha, netlhekmosenke mota akieplomo akiavai'a nkek neliangveiakmo kakpota etnangkok aliennaktema nkek apvalho'ok ketlhengkap apkanemakha nhan etnangkok Cristo m'a.

Colosenses 4:17

Eleltennasamok hata nhan Arquipo eieplavkesek hata apmakmekama aniem'o m'a apkaikamok Apveske.

1 Timoteo 1:12

Gracias ko'o astemak Cristo Jesús apveske engankok aklheianmo apvalhok angvapvanak hata ko'o altennama ania'a aktaqmanma, heiaiangko nhan asiennaktema m'a.

2 Timoteo 4:11

vanlha koka Lucas apnekho hengke'e alhelhma. Askeltavek na eliama lheiap Marcos ham eiantementak na hengke'e kakpota hepasengvatak asmakmekama nak.

2 Timoteo 4:5

Koka lheiap etne ta apmopvana emankok apvalhok apvet'o la lhamakho qaselha ngkolatsekama, evaskap hata nhan neksa akvai'a akientalhnema, etne ta mota aptema evangelista lheiap, elana ta mota nhan aktaqmelo apkasennaikama Eniapom Neten.

Hebreos 13:17

Eleliehekho ta mota apkelemhama apmaniaie apanko'ok ketlhengkap ngkanek apkeltakmelkaske mota ma'a metka apkeliamposammap, netamen elheianvakhak hata m'a aktemakha apkelanei'o m'a napaqtek apveske. Hai, eleliehekho ta m'a kakpota nkolpaihekhak apvalho'ok na neksa apkeltakmelkeskama ketlhengkap ma'a, kakpota nhan metlhenek hata apkelvesai'a meliamolhma ketlhengkap ma'a, ngkanek mankolatsama ta apketlheno la ketlhengkap ma'a.

Hebreos 6:1

Angetlhengkesek nenvanengkeskama mongeliaskeiam akvakmo akto neltokho malha neliav'o. Envanka'a nlho lhta niekhe angelieplavkesek amanie lhta nema hengetlhekmosekamok aptemakha Cristo, nkaimelhkek mota niekhe mongeltaqhengveskakhek ampai'akhasekha lhta nema hengetlhekmoskama aktemakha nelieniekha mongeliamolhma henlaqlekho lhta m'a akieto nengetsepmakha, aktemakha nhan mongiaskeiam Eniapom Neten.