Efesios 4:11 - Nuevo Testamento Toba Maskoy

¹¹ Apkeltemeskeskamo lhta nhan apanke moklhem'a nema allapaskamo, po'ok na apkeleltennasemmap ania'a, po'ok na lhta nhan apkeltennaikama ania'a aktaqmanma, po'ok na pastores kakpota nhan hengetlhekmoskama.

Efesios 4:11 Iomraidhean Croise

Hechos 13:1

Apkakhaiangkek nak apkeleltennasemmap ania'a m'a kakpota nhan hengetlhekmoskama apieseksek apkellelto iglesia akieto iokhalhma Antioquia. Apkelvesai'a Bernabe, Simon mo'ok nema ltema Apaiseiam, Lucio apkeniem'o natemma Cirene, Menahem kakpota nhan Saulo. Menahem noka knema akvanengkeskamo lhemek ma'a apveske Herodes Antipas.

Hechos 20:28

Pastores aptaiangkok ketlhengkap aniem'o Espíritu Santo apkeltemeskeskama apkelemhama apmaniaie, ¡elel·halhnama ta mota ketlhengkap! Eltaqmelkes hata nhan apkellelto iglesia apankok Apveske, apkellelto lhta nhan apkenmama aniem'o ema apankok.

Hechos 21:8

Mo'ok aknem alhta ntak ma'a, netlhengo akvakho natemma Cesarea, ka nentangko lhta nhan amaika'a apnemakha Felipe. Apto lhta evangelista m'a, apto lhta nhan lhema aphapak apieseksek 7 apketlhelhma'ak, vanlha lhta mota apkelpasmekama m'a nema alapaskamo apkenmakmekama lheme.

Romanos 12:7

Enenlhet apto lhta aplhevai'a apmopvana etnek nema asennaikama, ntasek etnek aktaqmanma apmakmekama. Apto lhta nhan aplhevai'a apmopvana etlhekmoksek, ntasek eieplavkesek ma'a.

1 Corintios 12:4

Nietnek alpalhkammalhka apkenmopvanka'a apieseksek meliaskeiam aniem'o m'a vanlha lhema Espíritu.

Efesios 2:20

Ketlhengkap malha pa'at la akiavai'a alanemmalhka takhalhet avhok aliennakteskamahka nak akvesai'a apketlhekmosekamok nema allapaskamo kakpota nhan apkeleltennasemmap ania'a, Jesucristo koka apto malha metaimong aktaqmanma aktaqheskamakha avhak pa'at alanemmalhka.

Efesios 3:5

Enenlhet lhennenga meliamok ma'a, kolhva koka Eniapom Neten apkapaskangkek Espíritu kakpota eliangveskeskamhok ania'a nak akielhammalhka aplhamakho apkellelto apkelpokkanma nema allapaskamo kakpota nhan apkeleltennasemmap ania'a.

Efesios 4:8

Ka ktemo nak aklheianma vakkahak Eniapom Neten apaivoma: «Apmeiekhek neten aplaqlekho nhan apkenmammap, apkellaiangko nhan apkenmopvanka'a enenlhet'avok», ka nnema aktemo m'a.

2 Timoteo 4:5

Koka lheiap etne ta apmopvana emankok apvalhok apvet'o la lhamakho qaselha ngkolatsekama, evaskap hata nhan neksa akvai'a akientalhnema, etne ta mota aptema evangelista lheiap, elana ta mota nhan aktaqmelo apkasennaikama Eniapom Neten.

Hebreos 5:12

Lhennenga niekhe apkellengai'a ania'a aktaqmanma aplhenammap Eniapom Neten ketlhengkap, apvanka'a nlho lhta niekhe etnangkok hengetlhekmoskama, koka metnaiangkok ma'a. Nkaimommalhkek kelha mokhom ngkolhek atlhekmoso alhievai'a la hengetlhekmoskama aniem'o nkoliennaktema apvalho'ok. Malha aktonak nematka la'a aktoma nak neme nkok ngken la'a, mankapvankek etvok aptoma la aliennaktema, vanlha koka neme. Apkennavek ketlhengkap hengke'e nematka nak, meliehek na eliekpelkok aktakha la akpeivomo.

Judas 1:17

Elialheng'a askellasekhai'o, kotlheianvakho ta apvalho'ok apketlheianmo lhta sekhe ankek apkellapaskama, apkellasennaikama nhan apveske engankok Jesucristo.

Apocalipsis 18:20

Kolpaihekha toka apvalho'ok ketlhengkap apkakhaikamok neten ngkanek nnek aktevaso apiav'akha temma nak. Kolpaihekha nhan apvalho'ok ketlhengkap apkellelto nak apkelpokkenammap, nema allapaskamo kakpota nhan apkeleltennasemmap ania'a ngkanek Eniapom Neten apiaqmongkasakhek aktemakha ngkolatsekama lhta allanei'o ketlhengkap —lhta ntak nema aliatekama aniem'o neten.

Apocalipsis 21:14

Ka akhalhtemommalhka lhta m'a nnangke lhta aliennakteskama 12 metaimong aliavai'a koneng, nnangke lhta nhan ma'a moklhem'a alelqasemmalhka apkelveskai'e 12 apkelapaskamo pankok alhta Nepkesek Apketkok.