Efesios 3:3 - Nuevo Testamento Toba Maskoy

³ Heteskaske lhta nhan ma'a qaselha akielhammalhka akietnaikama apaqtek etnek hata, ketse lhta astalheskasak ko'o vakkahak ketlhengkap ma'a aktemakha ania'a nak.

Efesios 3:3 Iomraidhean Croise

Hechos 22:17

Netamen alhta m'a astaqho mokhom Jerusalen, asmeiakho nhan Eniapom Neten apnemakha. Ka askenmalhno lhta nhan ma'a, akvet'o lhta nhan ehaqtek

Hechos 22:21

Koka lhta aptak heiano mokhom Apveske: "Eniakha panke', askeltave ko'o emhangkok lheiap mokhek ankek mo'ok apkellavakha apkakhaiangkolha nak metnangko nak judios", lhta aptak heiano.

Hechos 23:9

Aplhamakho enenlhet na lhta apiapqalhekama m'a, ka apkeleltennaiangka lhna lhta moklhem'a hengetlhekmoskama henganemakha apkellelto nhan Fariseos ma'a, lhna lhta aptaiangkok: —Ka enenlhet anak ham mamma apkelanai'a ngkolatsekama, apkeliehekhavek kelhaha akpaivoma eniempehek, nlho ka la lhema ángel —lhna lhta aptaiangkok ma'a.

Romanos 11:25

Ketlhengkap elialheng'a metnangko nak judios, melakpo nkek nkotlhenek apvalho'ok apkeliekieskama Eniapom Neten aniem'o nema apkeliamo apankave', have m'a. Nietne lhta apeneskamo Eniapom Neten akielhammalhka apmak'akha etnehek, napokha israelitas nkeliennakvaiakme lhta apvalho'ok akvakmo toka aknem ma'a aptaikamok meliaskeiam aplhamakho nak metnangko nak judios.

Romanos 16:25

Angeltakneskasangkok hata ennengko'o Eniapom Neten apto apmopvana hengeliennakteksek engvalho'ok, ka aktemakha nak asketlhekmoskama ania'a aktaqmanma aplhenammap Jesucristo. Lhennenga tep nak na nek apeneskamo lhema qaselha Eniapom Neten apmak'akha ta etnek, malha aposkama koka ntemak ma'a.

2 Corintios 12:1

Akhemo alhenalhkok ehenkok ehenkek ko'o, nkaqhok koka aleltennaksek hata aktemakha lhta akvetai'a ehaqtek qaselha akielhammalhka nhan aniem'o Apveske.

Galatas 1:12

Have enenlhet hellaikamok asketlhekmoskama nak, vanlha koka m'a Jesucristo apto lhta nhan apkeltemo aiekpelkok

Efesios 1:17

Askelmalhneskaskek Eniapom Neten apto Apveske Jesucristo Apveske engankok, ellanesangkok apvalho'ok nenianveiakmo kakpota m'a nkoveskak aktemongveiam iokhalhmek ankek apkeliangveiakmo aptemakha m'a.

Efesios 3:4

Ka apkelietsatengko ta ketlhengkap elvetak hata have niapak ankek aktakha nak alheianma, asiamo ko'o aktakha lhta akietnaikama apaqtek etnek hata Eniapom Neten aniem'o nhan Cristo.

Efesios 3:6

Lhennenga akpeneskama aklhenaikama apvalhok elanak ma'a, eniankesekhak metnangko nak judios kanhan judios nkotnekhak malha lhema apkeliokha m'a aniem'o aptaikamok apkelpasmekha Cristo Jesús aniem'o nhan apkellengai'a ania'a aktaqmanma. Etlhevangkok hata nhan ma'a metnangko nak judios lhamakho aktemakha qaselha altaqmanma apeneskamo lhta apaivoma Eniapom Neten ellangkok hata m'a qaselha apkennemolhema apanke ko Israel.

Efesios 3:9

Heiapaskangkek na kakpota aliangveskeskamhok enenlhet'avok qaselha akposemmalhka nak aptaqmelkeskama lhnak nanek Eniapom Neten apto apkelentepkeskama lhamakho qaselha lhmankek ham, tep nak nane mota aptaqmelkeskamo m'a ania'a akielhammalhka nak.

Efesios 6:19

Ko'o nhan helelmalhneskes kakpota heiangkok aspaioma Eniapom Neten asmopvana apaiaksek ania'a aktaqmanma akielhammalhka apeneskamo lhta apaivoma m'a, akieplomo asteniai'o eiempek, metka askai'a nhan aspaieskama ania'a aktaqmanma.

Colosenses 2:2

Avanhek na asteniai'o eiempehek askeliatekhoho aplhamakho m'a askeltemo etlhengkesek apkelpasmommakpo, ellasekhakpoho kakpota nkovak akiokho nkek apkeliekpelkangveiam kanhan apkeliangveiakmo qaselha akielhammalhka nak apeneskamo lhnak nanek Eniapom Neten aplheianmo lhnak nanek eniapaksek Cristo,

Colosenses 4:3

Elelmalhnama ta nhan Apveske kakpota hengellangkok ngkeskama nempaieskama ania'a aktaqmanma kakpota angeliekpelkeskeskamhok qaselha akielhammalhka aniem'o Cristo, asnek ko'o kolhvave nak hengke'e nengaqlhengkasemmalhkelha nak aniem'o aspaieskama ania'a aktaqmanma nak.

Hebreos 13:22

Elialheng'a, ntasek eltaqmelkaso apkellailhemo akiakvatema nke niekhe askeliatekho nak asnaktalheskeskama ketlhengkap.

1 Pedro 5:12

Hai, akiakvatema nkek vakkahak anak astalheskama aniem'o nhan hepasmoma astema emo'ok nengaqtek eialheng Silvano, astalheskek vakkahak anak askellanemakha etnangkok, kakpota elvetaskesek qaselha altaqmelo alleniem'o Eniapom Neten akiavai'a apkellamelaiam ketlhengkap ma'a, etlhengkes hata nhan alpaihekha nak apvalho'ok aniem'o apkellamelaiam ma'a.

2 Pedro 3:15

Askeltavek na eliohok ketlhengkap Eniapom Neten metka apekheskama eiaqmongkasekhak nentemakha m'a, apkeltave niekhe la angelvongkasalhkak tep ma'a nenlhamakho, apnaqtalheskeskangke lhta nhan engeliepma'ak nellamelaiam Pablo aktemakha nak ma'a akieplomo koka apiangveiakmo aniem'o m'a Eniapom Neten.