Efesios 2:11 - Nuevo Testamento Toba Maskoy

¹¹ Ketlhengkap apkellelto nak metnangko judios, kotlheianvakho no apvalho'ok apkeleltaiangko lhta judios aknaikamo nak nema aliaqtemanma nak nekha tkok apkellammelhakha aniem'o koka enenlhet, apkeleltaiangko lhta mota metka aliaqtemenammalhka nekha tkok apkellammelhakha ketlhengkap.

Efesios 2:11 Iomraidhean Croise

Romanos 11:17

Apkellelto nak judios malha aktengok anak iamet akvesai'a olivo, moklhem'a koka nnemak aliaqtemanmo m'a, ka akno lhta aliepetkeskaiakmo ketlhengkap ma'a metnangko nak judios, malha aktengok apkelleniem'o m'a mo'ok iamet olivo amhama nalhma. Kolhva koka nietnek aliennaktema m'a aniem'o alpetsesma iemmen aikapmen'ok kakpota nhan aieivo'ok ma'a iamet anak.

Romanos 2:26

Apkellelto nak metka nema aliaqtemenkeskama nekhatko'ok apkellammelhakha apkelleliahakho la nhan ley, malha niekhe ntak nema aktemeskesaikamok aliaqtemenammalhka nekhatkok apkellammelhakha napaqtek Eniapom Neten.

Romanos 2:27

Enenlhet metka nak nema akiaqtemenkeskama nak nekhatkok apkammelhakha apkeliahakho la ley, etlhenek hata apselhnanemmap judios apkellelto nak aknaikamok nema aliaqtemenkeskama nekhatkok apkellammelhakha, akietnema nhan ley apanko'ok, melieplavkeskama nhan.

1 Corintios 12:2

Meltaiankolha lhta ketlhengkap meliaskeiam apkellaiangkave lhta aliateiangko apvalho'ok kakpota eltakneskasangkok ma'a qaselha akiokha alanemmalhka metka akmovana nak kanhan mankoliatongkoma.

1 Corintios 6:11

Ka aptaiangkelha lhta nhan moklhem'a ketlhengkap lhennenga qaselha ngkolatsekama nak, kolhva koka nnengkek aknalhvateskamo iemmen, kno nhan alpokkenkaso Eniapom Neten la apanko'ok, nnengkek na altemeskeskamo apkelpeivomo aniem'o Apveske Jesucristo kakpota nhan Espíritu apankok Eniapom Neten.

Galatas 2:15

Ennengko'o nengelelto judios apankavek have nellanekamok mota ngkollatsekama, have aptangko nak ma'a metnangko nak judios.

Galatas 6:12

Ka enenlhet'avok apkenmahai'o lhta eliatangkok ketlhengkap eliaqtemenkeskesek nekhatkok apkellammelhakha, vanlha koka apkeleltemo nkollekok apvalho'ok enenlhet, mankonmahai'ak ellengangkok akientalhnema neksa apketlheianma ania'a apketsepma lhta neten iamet aktenneskama Cristo m'a.

Efesios 2:2

Apkellaneiangke lhta nhan ngkollatsekama ketlhengkap aptaiangkolha nak enenlhet'avok lhmankek ham, apkeleliehekhave lhta ketlhengkap kasekapo av'alho'ok aveske alloma nak ma'a neten, anmaikama aplhamakho apkellelto nak meleliehekho Eniapom Neten.

Efesios 5:8

Lhennenga lhta nhan ketlhengkap apkellomaka ienaqtesakha lhma, kolhva koka apkelloka malha atsak'elha lhma aniem'o apkelpasmekha Apveske. ¡Etnamok hata malha atkak apommatema nak!

Filipenses 3:3

ngkanek aplhamakho apkellelto nak apkellasennaikama Eniapom Neten aniem'o nhan Espíritu, malha nhan nema aliaqtemanma nekhatkok apkellammelhakha m'a ntak napaqtek ma'a. Koka akto nhan neten ankek akiaspommalhka m'a mangkolhnok ma'a aliaqtemenammalhka nekhatkok apkellammelhakha judios apankave'. Nkellaqhama ennengko'o engelvalho'ok aniem'o mongeliaskeiam Cristo Jesús, mongelleltemo ennengko'o ngkolhek hengelleltaqmelkeskaso aniem'o nelieplavkeskama aptaiangkolha nak judios.

Colosenses 1:21

Apkellammelhme lhta ketlhengkap Eniapom Neten lhennenga, nketlheianme lhta apvalhok meliamolhma nak, apkellaneiangke lhta mota nhan ngkollatsekama.

Colosenses 2:11

Neksa apkelpasmekha Cristo ketlhengkap, Eniapom Neten malha apkeliaqtemenkasekamok nekha tkok apiempeiok meliamolhma aniem'o Cristo, koka mok aktema m'a enenlhet apankave nak judios apkeliaqtemenaikamo nak nekhatkok apkellammelhakha.

Colosenses 2:13

Lhennenga lhta nhan ketlhengkap malha apkeletsepma lhta ntemak aniem'o meliamolhma, aniem'o nhan metka nhan nema aliaqtemanma nekhatkok apiempeiok meliamolhma nak, kolhva koka apkellangkek Eniapom Neten aliennaktema apnenio'ok lheme Cristo, kakpota nhan etneskesama apankek lhamakho apkeltemakha ngkollatsekama aniem'o apkelpasmekha Cristo.

Colosenses 3:11

Apnemo po'ok enenlhet napaqtek Eniapom Neten metka apkeliekammap, ka aktonak judio, griego, mankolhnaikamo nak aliaqtemenammalhka nekhatko'ok apkellammelhakha, metka nak aliaqtemenammalhka nekhatko'ok apkellammelhakha, niekhe apiav'akha la temma aptaqmanma, nlho ka la temma apketkok akmaselhte qaselha apankok, niekhe nhan nema allasennaikama nema apkelianmoma, metnangko nema apkelianmoma, apkennemo po'ok koka m'a ngkanek Cristo apkakhangkek nengaqtek ma'a aplhamakho m'a, apto nhan neten apankek apiaspommap ma'a.