Efesios 2:10 - Nuevo Testamento Toba Maskoy

¹⁰ Nkanek hengellanai'a ennengko'o Eniapom Neten kakpota angellanangkok qaselha altaqmelo hengelpeneskeskamo Eniapom Neten aktemakha akietnaikama apaqtek hentemeskesangkok ma'a, ka songkek nelpasmekho m'a Cristo Jesús.

Efesios 2:10 Iomraidhean Croise

Juan 3:21

Koka apkellelto nak apkellanekamok qaselha altaqmanma, apkelteteska'ak atsai'o na lhma, apkeleltemo elvetakpok apieseksek enenlhet apkellasekhai'o lhamakho henganemakha apankok Eniapom Neten —lhta aptak Jesús.

Hechos 9:31

Metka akmaska lhna ntemak apkakhaikamok ma'a apkellelto iglesias akieto iokhalhma Judea, Galilea, kakpota nhan Samaria. Ntepeiangkek nak apkeliangveiakmo aptemakha Eniapom Neten, aplhameiangkek nak enenlhet ma'a aniem'o apkelpasmoma Espíritu Santo, apkellai'avek na mota Apveske m'a.

Hechos 9:36

Nnengkek nak ma'a akieto na temma Jope lhema ngkelvana nema altameskama akvesai'a Tabita, nemaltema koka Dorcas griego apaivoma, vanlha lhnak alanai'a aktaqmanma kakpota nhan alpasmoma metka nak apkeletsekama.

Romanos 8:1

Ka ngkeniemai'ak ma'a kolhva mamma hengetlhenek netselhnanemmalhka nengelelto nak nempasmekha Cristo Jesús,

Romanos 8:29

Lhennenga koka apiamo Eniapom Neten apto ta apkavekama, apkeliekieskama nhan kakpota ngkovomok hata malha aptema m'a apketka apanke. Koka apketka apanke nak ma'a apto metno pketkok apieseksek apentalhnakha apkelialheng'a.

1 Corintios 3:9

Hai, ennengko'o nengelelto nenmakmesaikama Eniapom Neten, ketlhengkap koka malha aniep, malha nhan pa'at la akiavai'a Eniapom Neten apankok.

2 Corintios 5:17

Nelvatesaiangkek ma'a aktemakha lhta alketamekama engelvalho'ok lhennenga, nelvatesaiangkek na nentaiangkolha lhta ngkollatsekama aniem'o nelpasmekha m'a Cristo, kolhva alhnankok nentaiangkolha

2 Corintios 5:5

Hengellangkek ennengko'o Eniapom Neten Espíritu akto aktemeskeskama have niapak ma'a angetlhevangkok hata ma'a.

2 Corintios 9:8

Apvankek Eniapom Neten ellangkok ngkeskama nkek qaselha aktaqmanma kakpota mankaimalhke mota qaselha apanko'ok, nkoliekangvomok hata kakpota nhan elpasmok po'ok.

Galatas 6:15

Kolhva alhnankok nentaiangkolha nak koka akto neten ankek akiaspommalhka m'a, mangkolhnok aliaqtemenammalhka nak nekhatkok apkellammelhakha, nlho ka la nhan metka nak aliaqtemenammalhka m'a.

Efesios 1:1

Ko'o Pablo, heiapaskamo apankok Jesucristo aniem'o apkeltemo atnek Eniapom Neten, nlhenkek evalhok apkellelto apkelpokkenammap kanhan apkeleliehekho mota apkakhangko ham Efeso, aptangko nhan apkelpasmekha m'a Cristo Jesús.

Efesios 1:4

Amanie lhnak nanek apkelanai'a lhamakho qaselha lhma nkek ham, hengeliekieskangkek nak nanek na Eniapom Neten ennengko'o aniem'o nhan Cristo kakpota hengeltemeskesek na hengelpokkanma, angelloka metka neltemengveiakmo lhma' napaqtek ma'a. Avanhek ankek hengellamelaiam Eniapom Neten,

Efesios 2:13

Taiepe kanke lhta nhan ketlhengkap Eniapom Neten, kolhva koka nengaqtoie' aniem'o akiangkenammalhka ema apankok Cristo Jesús.

Efesios 2:15

Apmaskeskakme lhta nhan henganemakha ankok anak ley, hanet apkellavakha lhta niekhe, aptemeskasakhe lhtoka malha lhema apkellavakha alhnankok apkelpasmekha nhan ma'a Cristo. Apsoiakmo lhta nhan altaqmelaikama apvalho'ok apieseksek anak ma'a.

Efesios 2:2

Apkellaneiangke lhta nhan ngkollatsekama ketlhengkap aptaiangkolha nak enenlhet'avok lhmankek ham, apkeleliehekhave lhta ketlhengkap kasekapo av'alho'ok aveske alloma nak ma'a neten, anmaikama aplhamakho apkellelto nak meleliehekho Eniapom Neten.

Efesios 2:6

Malha neletsepma lhta nentaiangkok ma'a koka nennaklhatekhangveiakmek ma'a ka aptemo lhta nhan apkelanei'o Cristo. Ka hengakheskekho lhta nhan napokha m'a akieto neten

Efesios 4:1

Ka nkeniemai'ak ko'o m'a, askaklhengkasemmalhko nak aniem'o heiasennaikama Apveske, askeltavek eltaqmelkasakpok akietemo nkoie ngkanek Eniapom Neten apkellavekama ketlhengkap.

Efesios 4:24

Elpekkenekha koka malha alhnankok apvalho'ok aniem'o m'a Eniapom Neten, niavek ma'a qaselha nak akpeivomo, qaselha altaqmelo kakpota nhan iokhalhme nak.

Filipenses 1:6

Ampai'osekha lhta apkelanai'a Eniapom Neten qaselha altaqmanma apieseksek anak ketlhengkap, have niapak ankek ngkovomok hata aknem apeneskama m'a akvakmo apvaktamo ta Jesucristo hengke'e.

Filipenses 2:13

Eniapom Neten hata elpekhesama ellanangkok qaselha altaqmelo, elpasmok hata nhan kakpota ellanangkok ma'a aniem'o apiamolhma.

Colosenses 1:10

Netamen hata m'a nkovak akietemo nkek aptaiangkolha apkanemakha nhan etnangkok Apveske, kakpota nhan ellanangkok metka nnelha qaselha akleklemelha la apvalhok ma'a, ngkeskama qaselha altaqmelo, akvakmo akvanemo lhamakho aknem apkeliekpelkangveiam Eniapom Neten.

Colosenses 3:10

Kolhva koka alhnankok apvalho'ok nlhenkek na akvanekamok lhamakho aknem akvaiakmo aknakho aptaiangkolha Eniapom Neten apto lhta apkelanai'a enenlhet, nlhenkek na akvakmo apkeliekpelkangvakmo ta apiokho nkek ma'a.

2 Tesalonicenses 2:17

Nelelmalhnema nhan ma'a Eniapom Neten eliennakteskesekhok apvalho'ok, ellangkok nak apkeliennaktema kakpota ellanangkok, etlhenek na mota altaqmelo qaselha.

1 Timoteo 2:10

Ntasek koka nkolienlhanmangkok nkollanangkok qaselha altaqmelo ka nkeleltammalhkak nkotnangkok ngkelvana'ak la allai'o Eniapom Neten.

1 Timoteo 5:10

kanhan apketlheianma la enenlhet alanai'a qaselha altaqmelo, ka kto nak altakmelkeskama la atkak, kanhan aktaqmanma mota anmaikamok takha amaika'a, alienieskeskama nhan apmanko'ok apkellelto nak apkelpokkenammap, alpasmoma mota apkellengaiangko akientalhnema, allelto lhta nhan allanekamok lhamakho aktemakha qaselha altaqmelo.

1 Timoteo 5:25

Moklhem'a nhan enenlhet apkellanekamok anak aktaqmanma apkelvetakpek iokhalhmek ankek nenvanlha nak, kanhan moklhem'a enenlhet anak apkellanekamok qaselha altaqmelo malha akielhammalhko nak, elvetakpok hata nhan ma'a.

1 Timoteo 6:18

Elelto nhan ellanangkok qaselha altaqmelo m'a, nkeskama nhan qaselha altaqmelo, ellamok hata nhan po'ok qaselha metka apkenmasma.

2 Timoteo 2:21

Ka apmak'o la etnek lheiap malha nema anmaikama aktaqmelo qaselha nak, aktaqmanma nkek, apokkanma koka Apveske m'a kakpota nkolanak altaqmelo qaselha m'a, mevhanengvom na ngkolatsekama nak hengetlhekmoskama ngkanek nkopaisengkese ta apvalhok lheiap ma'a.

2 Timoteo 3:17

kakpota nhan aplhamakho Eniapom Neten apkennemolhema la'a nkoliangveskeskamhok, nkolpenaksek aliangveskeskaiakmo enenlhet'avok kakpota ellanangkok lhamakho aktemakha qaselha altaqmelo.

Tito 2:14

apkaiangkave lhta nhan apmatnamo m'a kakpota hengel·hatsoskakhak ennengko'o neksa hengenmaikama mangeliamolhma, hengellalhneskeskamo nhan engelvalho'ok ma'a, hengeltemeskeskamo nhan apkennemolhema apanke', anteniangko angellanangkok aktaqmanma.

Tito 2:7

elvetaskes na aptemakha apanke nak lheiap kakpota elvanangkok ma'a, eieplavkes hata nhan aktemakha nak apketlhekmoskama apankok, etaqmelkasakpo pankek nahan kakpota meliaskamek enenlhet lheiap,

Tito 3:1

Eleltennasamo ta nhan ellaho mota, eleliehekhok na gobernadores kanhan apkelveskai'e, eteniangko mota ellanangkok qaselha altaqmelo m'a.

Tito 3:14

Lhamakho Jesucristo apkennemolhema la'a ntasek eltaqmelkeskesek apkellangiemhaikama po'ok, eliangvomhok na ellanangkok qaselha altaqmelo, elpasmok na po'ok alaimommalhka nak qaselha apanko'ok.

Tito 3:8

Hai', have niapak ankek astemakha na mota asketlhekmoskamo lheiap, eltakhengveskakha ta mota m'a napaqtavek aplhamakho Jesucristo apkennemolhema kakpota eteniangko mota ellanangkok qaselha altaqmelo m'a. Hai', ntasek ma'a hengetlhekmoskama nak, avankek nkolpasmok aplhamakho enenlhet'avok.

Hebreos 10:24

Angeliatalhkak nelasekhammalhko kakpota angellanangkok qaselha altaqmelo.

Hebreos 13:21

Askeltavek ko'o Eniapom Neten elentepkeskesek apvalho'ok ketlhengkap lhamakho aktemakha altaqmanma akleklemelha la mota apvalhok ma'a, aniem'o nhan Jesucristo, apto akietemo nkek neniavenkeskamo apvesai'a m'a metka akvaiam annelha aliekaikamok iantelhkapa.

1 Pedro 2:12

Eltaqmelkasakpo ta neksa apkellaniemhangka nlho mokhom hengke'e apieseksek enenlhet'avok anak apkeliaskeiam Eniapom Neten, eliematkesama ta ketlhengkap ma'a eleltangkok meliamolhma, koka netamen ma'a elvetangvomok hata apkellanekamok qaselha altaqmelo ketlhengkap ma'a, eliavenkaskesama ta apvesai'a Eniapom Neten akvo'o ta aknem nemakha hengiekpelkemelha.

1 Juan 1:7

Koka nellava la atsak'elha lhma ennengko'o, malha aptonak Eniapom Neten apnek nhan atsak'elha lhma m'a, nentangkek nelpasmekha engankavek nenieseksa ennengko'o m'a, kanhan apketka Jesucristo ema apankok alalhnaskama engelvalho'ok malha alpaiseiam aniem'o qaselha ngkollatsekama nellanekamok.

1 Juan 2:6

Enenlhet apto la aplhenammakpo pankek apto apasmekha m'a, nkaimelhkek na etnek aptemakha lhta mota m'a.