Efesios 1:3 - Nuevo Testamento Toba Maskoy

³ Asiavenkaskesama mota apvesai'a Eniapom Neten apto Apiapom Apveske engankok Jesucristo, ngkanek apkellaiangko ngkeskama qaselha altaqmelo aniem'o Espíritu aniem'o nhan neten kakpota hengeltaqmelkeskesek engvalho'ok aniem'o nelpasmekha mota Cristo.

Efesios 1:3 Iomraidhean Croise

Lucas 2:28

Ka apkainekho lhnak Simeon nematka m'a, apiavenkaskesaiangka lhnak apvesai'a Eniapom Neten ma'a, lhna aptemak ma'a:

Juan 14:20

Netamen akvakmo ta aknem asvaktamo mokhom hengke'e, eliangvakhok hata ketlhengkap ko'o kakpota nhan Tata nelelto enlhema, ko'o kakpota nhan ketlhengkap nelpasmommalhko m'a.

Juan 17:21

Eniapom, askeltavek na elpasmakpok ma'a ka kto nak ennengko'o malha enlhema, netamen hengelpasmekhak hata nhan ennengko'o m'a kakpota meliaskamek hata enenlhet apto lheiap heiapaskama.

Juan 20:17

koka Jesús lhna lhta aptemak apkanemo: —Mma', manghemangva', movakhak mokhom ko'o apnakha Tata. Koniakha koka koleltennaskakha askeltamesaikamok alhta, aniakhak hata apnakha Tata, ka Apiapma'ak na m'a, Eniapom Neten ehenkok, Eniapom Neten apanko'ok na m'a —lhna lhta aptemak.

Romanos 12:5

Nnavek na ennengko'o niekhe nenlhamakma, koka nenlhamakho nengelelto nengelpasmekha aniem'o Cristo, nentangkokhek malha lhema neniokha.

Romanos 15:6

Netamen hata nhan ma'a aplhamakho ta eliavenkaskesama Eniapom Neten apvesai'a, apto apiapom apveske engankok Jesucristo.

1 Corintios 1:30

Apkeliepetkasakhe lhta ketlhengkap Eniapom Neten Cristo, apto m'a malha apkeliangveiakmo apanko'ok, apkeltemeskeskamo nhan apkelpeivomo aniem'o m'a. Apkelpokkanmo nhan kakpota etnangkok Eniapom Neten apkennemolhema, apkel·hatsoskekho nhan neksa anmaikama moniamolhma.

1 Corintios 12:12

Lhema apiokha nak enenlhet nlhaniek alpasmekha lhamakho aktemakha aknaiangko nak ma'a apiokha, nnavek na m'a apiokha nak Cristo.

2 Corintios 1:3

Eliavenkaskesama ta mota apvesai'a Eniapom Neten, Apiapom ma'a Apveske engankok Jesucristo, apto nhan ma'a niapom nenietnai'o nenga'at kakpota nhan akpaihengvaiam engvalhok.

2 Corintios 11:31

Eniapom Neten apto apiapom Apveske engankok Jesús, nietavek aniavenkaskesama apvesai'a m'a, apiavek na motnema asmopvana ania'a alheno lhkek.

2 Corintios 5:17

Nelvatesaiangkek ma'a aktemakha lhta alketamekama engelvalho'ok lhennenga, nelvatesaiangkek na nentaiangkolha lhta ngkollatsekama aniem'o nelpasmekha m'a Cristo, kolhva alhnankok nentaiangkolha

2 Corintios 5:21

Metka nkek apkelanai'a qaselha ngkolatsekama Cristo, nkakhemavek koka m'a apatengkasekhek Eniapom Neten ngkollatsekama nellanekamok ennengko'o, apteskasekho malha ngkolatsekama apankok la m'a kakpota hengeltemeskesek nengelpeivomo napaqtek ma'a.

Galatas 3:9

Ka kto nak ma'a, enenlhet apkellelto nak meliaskeiam ngkolhek hata altakmelkaskeso apkellangiemhaikama ka aktemo lhnak nanek na Abraham aniem'o akietnema mei'askeiam,

Efesios 1:10

Apeneskamo lhnak nanek apkelanekha aptakha, nkovak hata aknem akietemo nkek aplheianmakha aptemeskeskama apveske Jesús halhma nkek ham neten kakpota nhan nalhepop anak.

Efesios 1:17

Askelmalhneskaskek Eniapom Neten apto Apveske Jesucristo Apveske engankok, ellanesangkok apvalho'ok nenianveiakmo kakpota m'a nkoveskak aktemongveiam iokhalhmek ankek apkeliangveiakmo aptemakha m'a.

Efesios 1:20

aklhatekhaskeiakmo lhna lhta nhan Cristo neksa apketsepma, akneskekho nhan neten akieto akiennakha Eniapom Neten.

Efesios 2:6

Malha neletsepma lhta nentaiangkok ma'a koka nennaklhatekhangveiakmek ma'a ka aptemo lhta nhan apkelanei'o Cristo. Ka hengakheskekho lhta nhan napokha m'a akieto neten

Efesios 3:10

Kolhva aniem'o iglesia alanai'a qaselha, nkolvetak hata kasekapo av'alho'ok alientalhnemo nke nak, aknema nak anmovanka'a, kanhan alveskaie, nkolvetak hata nema apiamo Eniapom Neten.

Efesios 6:12

Mongennapelhkak ennengko'o enenlhet lheme nak, koka nengennapelhkak ma'a kasekapok av'alho'ok alleniem'o neten, akietno akmovana, akientalhnemo nhan takhalhet'ok ienaqtesakha lhma neniava alhma nkek ham.

Filipenses 2:11

etlhenek hata apankavek Jesucristo apto apveske, netamen eltakneskasangkok hata nhan Eniapom Neten apvesai'a aniem'o akietnema akiavai'a apmopvana.

Hebreos 8:5

Koka sacerdotes nalhepop anak apkenmakmema mota apkenmaiangka qaselha iama apkelietkesaikamok alnemo m'a qaselha aknaiangko nak ma'a neten. Nnavek na m'a Moises annenga neksa apmahai'a epaklhenek kaselha aiempek, lhnak nanek aptemak apkanemo Eniapom Neten: «Etaqmelkaso ta apkelanai'a, eietkesamok hata aktakha lhta asvetaskeskama m'a neten nalhma akhaiam», lhna aptema.

Hebreos 9:23

Ka nkeniemai'ak ma'a aimommalhko lhta mota apkennapekamok apnaqtoskama kakpota ngkotnek malha alalhnaskama ema ankok qaselha aknaiangko m'a konne, malha nhan alietkesammalhka la m'a qaselha nak ma'a neten. Koka qaselha nak aknaiangko nak neten mankavankek nkolalhnaksek ema ankok nentoskama aptekioma la'a, vanlha lhtoka aimommalhko apketsepma apto neten apankek apiaspommap anak.

1 Pedro 1:3

Angeliavenkaskesama ta apvesai'a Eniapom Neten apto apiapom apveske engankok Jesucristo ngkanek apietnai'avek nengaqta'a ennengko'o m'a, hengeltemeskesekho nhan malha la nempalleiam alhnankok aniem'o nhan aplhatekhangveiam Jesucristo. Kolhva nhan nnaiangkok ennengko'o alel·halhnekama engelvalho'ok have niapak anke