Efesios 1:13 - Nuevo Testamento Toba Maskoy

¹³ Ketlhengkap na apkellailhemave lhta ania'a aktaqmanma akto have niapak ankek aktemakha hengvongkeskama tep, meliaskeiakmo lhta nhan ma'a aniem'o Cristo. Aptemo nhan Eniapom Neten malha apnaqtalheskama lhta nhan qaselha mongenatkeskama apvalho'ok apvesai'a Espíritu Santo kakpota etnangkok malha apanko'ok ma'a, aplheianmo lhnak nanek na Eniapom Neten have niapak ankek ellangkok hata m'a.

Efesios 1:13 Iomraidhean Croise

Lucas 11:13

Niekhe meliamolhma nak ketlhengkap apvanka'ak koka ellangkok qaselha altaqmelo apketkak ketlhengkap. Koka Apkeliapma'ak anak ketlhengkap neten anak tep ankek apiamolhma apanko ie, haveniapak ankek hata ellangkok Espíritu Santo apkellelto la apkelelmalhnekama m'a —lhna aptemak Jesús apkellanemo m'a.

Lucas 24:49

eniakhamok hata hengke'e Jerusalen ngkanek kolhvavek hata angvapaksek takhaplhet'ok aktakha lhta apaivoma Tata have niapak ankek eniapaksek hata, aknema akmopvana apkeniem'o neten —lhna aptemak.

Juan 14:26

koka eniapaksek hata Eniapom apto Hengiatekho niapom apvesai'a Espíritu Santo. Heiaqmongkesek hata asnemakha, etlhekmosangkok hata lhamakho qaselha, etlhenkeskeskakhok hata nhan apvalho'ok lhamakho aktemakha asketlhekmoseiangko lhta.

Juan 15:26

Ko'o ta allapaskesek apto Hengiatekho niapom ketlhengkap, Espíritu apto have niapak anke niapom apkeniem'o nhan ma'a Eniapom, hata etlhekmoksek lhamakho qaselha aniem'o ko'o.

Juan 3:33

Koka apto la enenlhet mei'askeiam m'a, apiavek Eniapom Neten aplheianma mota iokhalhme.

Juan 6:27

Moltama nkek apkelvalho'ok apteniaikamok aptekamok, nkosavhalhka mota m'a. Koka ntase eliavenkaso apkelketansema mo'ok aktemakha nentoma akto mankosavhommalhka, allaikamok na apkeliennaktema mankotnengveianlha nnelha apkellangiemhaikama. Koka Enenlhet Apketka nak apvankek ellangkok ma'a qaselha nak, ngkanek nietnek apmopvana m'a aniem'o Eniapom Neten —lhta aptak Jesús apkellano m'a.

Hechos 1:4

Ka apkeleltennaskamo lhnak lhema apaivoma, lhna aptemak: —Melakta pankek Jerusalen akvakmo ta aknem akvai'a lhema qaselha aplheianmo lhta Eniapom have niapak ankek eniapaksek hata, askeleltennaskangke lhta nhan ko'o lha sekhe lhta m'a.

Hechos 13:26

Ellailho ketlhengkap elialheng'a Abraham aptavana'ak neptamen kakpota nhan ketlhengkap metnangko nak judios apkellelto apkellai'o nak Eniapom Neten, ka ania'a nak akto hengvongkeskama tep nenlhamakho.

Hechos 2:33

Ka apiantemakho lhta nhan neten apneso napokha akieto akiennakha apoktong, apkaiangkek na Espíritu Santo. Kolhva koka Jesús apiangkenkek tekhenlhet'ok ennengko'o m'a aptemakha lhta nhan apaivoma apeneskamo hengeleltennaskama, ka nkeniem'ak ma'a apkelleng'o lhkek, kanhan apkelvet'o lhkek qaselhaha.

Romanos 1:16

Momankek ko alhenek ania'a aktaqmanma ngkanek akto aknema akmovana aniem'o Eniapom Neten kakpota nkolvongkesek tep enenlhet'avok apkellelto la meliaskeiam, apmaniaie' judios, kakpota nhan griegos.

Romanos 6:17

Lhennenga lhta ketlhengkap allasennaikama nema apkelianmoma ankok ngkollatsekama, kolhva koka apvanka'a eleliehekhok hengetlhekmoskama aktaqmanma apketlhevai'a lhta aniem'o apkelpasmoma Eniapom Neten.

2 Corintios 1:22

Hennaktalheskamo nhan mongenatkeskama apankok engvalho'ok apvesai'a Espíritu Santo, akto aktemeskeskama have niapak ma'a apanko'ok ennengko'o Eniapom Neten.

2 Corintios 6:7

Apkeliavek na nelpaieskama ania'a akto have niapak anke kakpota nhan hengaikamok nenmopvanka'a aniem'o Eniapom Neten. Nelapkaselhkek, nelammelhkek hengellammelhmakha la'a malha akieplomo nenmaikama nennapommalhka nak anko'ok akvesai'a akpeivomo.

Galatas 3:14

Ntemenke lhta m'a kakpota nkovak na takhaplhet'ok metnangko nak judios apaivoma apeneskamo lhnak nanek Eniapom Neten eltaqmelkeskesek apkellangiemhaikama Abraham, netlhevai'ak ma'a Espíritu apankok Eniapom Neten aniem'o mongeliaskeiam Cristo Jesús.

Efesios 4:21

have niapak ankek na apkellengai'o ania'a akto have niapak ankek aplhenammap Jesús, apkeliangveiakmek na apkelleliehekho m'a alietemo nkek na aptaiangkolha.

Efesios 4:30

Meltemeskes na akmaiose apvalhok Espíritu Santo apkeniem'o Eniapom Neten, apto nhan ma'a malha mongenatkeskama la apiempeiok apkeltemeskeskama lhta ketlhengkap kakpota eliekpelkok enenlhet apanko'ok akvakmo ta m'a aknem apsavhomakha apkel·hatsoskekha neksa anmaikama moniamolhma.

1 Tesalonicenses 2:13

Hai, nengeleltangke mota ennengko'o gracias Eniapom Neten aniem'o apkellengai'a, apkenmaikamok na takha ania'a aplhenammap Eniapom Neten netsavkeskama lhta ham. Apkeliangveiakme lhta ania'a aktaqmanma have aniemai'o enenlhet apanke, koka aniemai'o m'a Eniapom Neten. Hai, have niapak ankek ma'a aniemai'o Eniapom Neten ania'a aktaqmanma nak nkelentepkeskaske mota akiavai'a qaselha altaqmelo apkellelto nak meliaskeiam.

2 Timoteo 2:15

Elienlhanmo ta apkelanai'a akpeivomo lheiap kakpota mangkomangkaksek aktemakha apmakmekama, etlhekmos hato ka akietemo nkek ania'a akto iokhalhme kakpota elhenek Eniapom Neten aktaqmanma apmakmekama.

2 Timoteo 2:19

Koka Eniapom Neten hengellaiangkek lhema iamet akiennaktema nkek, malha anengkasemmalhka nenpathetma la'a, akieplomo koka alkasemmalhka ntemak hengke'e: «Apkeliekpelkavek Apveske enenlhet apanko'ok la'a». Ka ntemak na mo'ok hengke'e: «Ntasek elieniekhak ngkolatsekama apkellelto nak apkellasennaikama Apveske».

2 Timoteo 3:15

Ampai'o lhta aptemakha nematka apiangveiakmo lheiap ma'a Vakkahak anak aktaqmanma Eniapom Neten Apaivoma, akmovana nhan nkotlhekmoksek lheiap ma'a aktemakha apvongkasemmap tep aniem'o nhan mei'askeiam Cristo Jesús.

Tito 2:11

Hengelvetaskeskangke lhta Eniapom Neten aktaqmanma nkek hengellanei'o neksa hengellaikamok nengelvongkasemmalhka tep anak nenlhamakho lhmankek ham,

Santiago 1:18

Hengeltemeskeskangke lhta malha alhnankok nelpalleiam Eniapom Neten aniem'o ania'a aktaqmanma nak akto have niapak ankek akvakmo nentangko malha qaselha apankok la allelto neten ankavek altakmanma aiseksek ma'a lhamakho qaselha apkelentepkeskama lhta.

Santiago 1:21

Ntasek koka elvatesangkok ketlhengkap ma'a malha qaselha alpaiseiam anak kanhan ngkollatsekama nak, mantek ankek qaselha ngkollatsekama nak, ntasek koka enmankok takha m'a ania'a aktaqmanma nak nalhep'avek apvalho'ok nema atlhekmosekamo lhta, ngkanek nietnek akmovana m'a nkolvongkesek tep.

1 Pedro 2:10

Lhennenga lhta ketlhengkap have lhta apkennemolhema Eniapom Neten, koka kolhvave nak aptangkek apkennemolhema m'a, ma lhta nhan elietnai'ok napaqta'a ketlhengkap ma'a, kolhva koka apkelietnai'avek napaqta'a ketlhengkap ma'a.

Apocalipsis 7:2

Asvet'o lhta nhan lhema ángel mokhom apkeniem'o m'a tep aknem, nietne lhta lhema qaselha hentalheskama ankok Eniapom Neten mangkotnengvaiam annelha apkaniemhaikama apankok ma'a. Apiennakteske lhta nhan apaivoma m'a apkelpaqmetkeso 4 ángeles lhek apkellelto lhta nema allaikamok apkenmopvanka'a kakpota enaqtevaksek lhepop lhmankek ham kakpota nhan alvata, lhta aptak: