Apocalipsis 9:21 - Nuevo Testamento Toba Maskoy

²¹ Ma lhta nhan eliaqmongkasekhak mo'ok apvalho'ok enenlhet'avok anak, melvatesaiangkok na aptaikamok ntekioma niapma'ak, apkeliolhma meliamolhma, apkenmensangveiam alhma kakpota nhan apkenmenielhma.

Apocalipsis 9:21 Iomraidhean Croise

2 Corintios 12:21

Nkak'avek enenniek na astanta mota amaika'a ham hetneskesek Eniapom Neten asmangkaktema napaqtavek ketlhengkap akvakmo ta asveno aniem'o askelvetangvekta apkellanekamok ngkollatsekama mokhom, melieniekha mokhom qaselha akpaisengkeskama nak engvalho'ok, ka aktonak lhamakho qaselha nak apkenmensangveiam alhma kanhan qaselha aknemo nak ma'a henmankaskama.

Galatas 5:20

Neniavenkeskamo akvesai'a qaselha alanemmalhka akiokha, kakpota nhan aknema engvalhok, nentaknongkoma emmo'ok, nennapommalhka emmo'ok, nennathaikama, nenloma, nenteniaikama mota emmo'ok angammelhek, nenmopvana angelhpankesek emmo'ok.

Apocalipsis 13:13

Nkelan'a lhta nhan akiavai'a qaselha mongenatkeskama m'a, mpalesakme lhta talha neten napaqtavek enenlhet'avok ma'a.

Apocalipsis 13:15

Nne lhta ankok akmovana m'a alhaie lhta akteiapma kakpota nkovatepnapok nema akietkeskamo lhta akiokha alanemmalhka m'a amanie lhta akteiapma kakpota nkoliatama m'a. Nkoltok ngkolhek annapo apkellelto la melteklheikamok aptapno'ok naqtek ma'a.

Apocalipsis 13:7

Nne lhta nhan angkoho kakpota nkonnapalhkak apkellelto apkelpokkenammap akvakmo nhan altemeskesakho koneng. Nne lhta nhan angkoho ngkotnek akientalhnemo takhaplhet'ok lhamakho aknema apkelpasmekha apketkak neptamen, lhamakho aptemakha natemma, apkelpaqmeiasma, kanhan lhamakho aptemakha apkellavakha.

Apocalipsis 14:8

Ka apteiapvo'o lhta mokhom po'ok ángel, lhta aptak ma'a: —Aptevasekpe apiokho apiav'akha temma Babilonia ngkanek malha alienkeskaiam antak vino nkok anmokhetkeskama enenlhet kakpota nkonmensavkesek mo'ok apkellavakha —lhta aptak ángel.

Apocalipsis 16:6

aptaiangkolha enenlhet'avok apkellanekamok anak ngkollatsekama, apkeliankenkaseiangke lhta ema apanko'ok apkellelto apkelpokkenammap kakpota nhan apkeleltennasemmap ania'a. Lheiap koka nhan apkellangkokhak ema kakpota einangkok ma'a ngkanek nkelietavek einangkok ma'a —lhta aptak ángel.

Apocalipsis 17:2

Malha apkenmensekamo mota aptaiangkok aplhamakho apkelveskai'e m'a lhmankek ham, nkelieieskangkek na lhma m'a aniem'o allaikamok vino anmensoma ankok —lhta aptak heiano ángel.

Apocalipsis 17:4

Apielhvasema purpura alhta aktalhnema ngkelvana lhta m'a, annatanma lhtoka oro kakpota nhan metaimong aktek altakmanma nke anmennave nkoie kanhan perlas. Aksekama lhta nhan amek nohaikok oro aklanei'o qaselha ngkollatsekama nkek kakpota nhan qaselha alpaiseiam aniem'o m'a anmensangveiam alhma ankok.

Apocalipsis 17:5

Nietne lhta nhan aktalhesammalhka akpaihakha na'at akvesai'a mammopvana anioho, lhta ntak alqama hengke'e: "Akiavai'a nkek Babilonia ngkana'ak nan ma'a ngkelvana'ak allanaktema kakpota nhan qaselha ngkollatsekama nkek", lhta ntak aktalhesammalhka akpaihakha na'at ma'a.

Apocalipsis 18:3

Nnek aktevasakho m'a ngkanek nkelieieskangke lhma aplhamakho apkelveskai'e lhmankek ham aniem'o allaikamok vino anmensangveiam alhma ankok ma'a. Lhamakho macatero nhan aptangke nkeskama patakkom apanko'ok ngkanek alanai'a mota allangkemmalhka ankok ma'a ngkolatsekama, ntevaskangkek na patakkom ankok ma'a —lhta aptak apiennakteso apaivoma ángel.

Apocalipsis 19:2

ngkanek apkeliekpelkek aptaiangkolha enenlhet'avok akietemo nkek ma'a kakpota nhan akto have niapak ankek, avanhek apiaqmongkasekha aktemakha akiav'akha ngkelvana alanaktema nak, nnaqtevaskek aplhamakho enenlhet'avok aniem'o anmensangveiam alhma. Eniapom Neten apiaqmongkasakhak na aktemakha aniem'o annapma apkellasennaikama m'a —lhta ntak akiennoma lhma m'a.

Apocalipsis 21:8

Koka enenlhet la ai'a apvalhok, apiaskeiam, aposkama qaselha, apkaqhema po'ok, apkenmensangveiam alhma, aptema apiolhma melatsekama, apiavenkaskesaikama akvesai'a qaselha akiokha alanemmalhka kakpota nhan apmopvana ania'a, ngkolhek hata akiantemakho akieto m'a sanga akietnemakha alaivomakha talha kanhan azufre, koka akvesai'a m'a hanet aktaiekho nengetsepma —lhta aptak heiano m'a.

Apocalipsis 22:15

Koka melentelhek hata m'a malha aptangko nak semheng, apkellelto nak na apkeliatmekama la apkeliolhma mellatsekama, apkenmensangveiam alhma, ntekioma niapma'ak, kanhan apkellelto nak apkelteklheikamok aptapno'ok naqtek qaselha akiokha alanemmalhka, alleklemo mota nhan apvalho'ok eliennengkesek po'ok.

Apocalipsis 9:20

Ma lhtoka elvatesaiangkok apkellanekamok ngkollatsekama m'a apkellelto lhta metekioma aniem'o m'a qaselha lhkek akmovana hentevaksek. Nheklhe lhtoka apkelteklheikamok aptapno'ok naqtavek kasekapok av'alho'ok kakpota nhan qaselha akiokha la alanemmalhka alienmomo oro, plata, bronce, metaimong kakpota nhan iamet nekha'a. Mankomovana nak nkota lhma, nkonnak nahan, mankomovana nha nkolhong ma'a qaselha akiokha nak ma'a.