Apocalipsis 9:20 - Nuevo Testamento Toba Maskoy

²⁰ Ma lhtoka elvatesaiangkok apkellanekamok ngkollatsekama m'a apkellelto lhta metekioma aniem'o m'a qaselha lhkek akmovana hentevaksek. Nheklhe lhtoka apkelteklheikamok aptapno'ok naqtavek kasekapok av'alho'ok kakpota nhan qaselha akiokha la alanemmalhka alienmomo oro, plata, bronce, metaimong kakpota nhan iamet nekha'a. Mankomovana nak nkota lhma, nkonnak nahan, mankomovana nha nkolhong ma'a qaselha akiokha nak ma'a.

Apocalipsis 9:20 Iomraidhean Croise

Hechos 17:29

Hai', have niapak anke Eniapom Neten apketkak ennengko'o, have aptonak qaselha allanemmalhka akiokha oro, tavapak alienmomo akmopai'a kakpota nhan metaimong aktaqmanma apkellanekamok anak enenlhet'avok aniem'o aktemakha alietnaikama apaqto'ok.

Hechos 19:26

Nelleng'ak ennengko'o, nelvet'ak na enenlhet anak apvesai'a Pablo aplheianvei'o kanke'e natemma nak Efeso, kakpota nhan lhamakho iokhalhma Asia, dioses anak nellanekamok anak ennengko'o mankotno haveniapak anke, aqhemo lhnak ma'a. Mante pankek na enenlhet meliaskeiam apketlhekmoskama m'a Pablo.

Hechos 7:41

Apkellaneiangkek nak apkelietkeskamo toro apketkok, ka apkennapeiangko lhnak apnaqtoskama kakpota eliavenkeskasama apvesai'a toro apkellanekamok apankavek ma'a. Ka apkellaneiangko lhnak na aktaqmelaikama lhma m'a, avanhek anke nak apkeletsevaskeskama apkellanekamok toro apketkok apkelietkeskama.

2 Corintios 12:21

Nkak'avek enenniek na astanta mota amaika'a ham hetneskesek Eniapom Neten asmangkaktema napaqtavek ketlhengkap akvakmo ta asveno aniem'o askelvetangvekta apkellanekamok ngkollatsekama mokhom, melieniekha mokhom qaselha akpaisengkeskama nak engvalho'ok, ka aktonak lhamakho qaselha nak apkenmensangveiam alhma kanhan qaselha aknemo nak ma'a henmankaskama.

1 Timoteo 4:1

Aplheianmek Espíritu akto iokhalhmek ankek akmak'o ta nkovak aktemongvanlha nnelha aknem, moklhem'a elvatesangko ta aptaikamok meliaskeiam, elieplo'ok hata kasekapo av'alhok hengiennenkeskama kakpota nhan hengetlhekmoskama anko'ok kasekapok av'alho'ok.

Apocalipsis 15:1

Asvet'a lhta mokhom mo'ok qaselha mongenatkeskama akiavai'a nkek neten, akiemaskama engvalhok alhta m'a. 7 ángeles nnangkok 7 aktakha nnelha qaselha akmovana hentevaksek. Hata aksavhelhko ta m'a, aktakha nnelha ta aploma Eniapom Neten.

Apocalipsis 16:8

Ka apiangkeno lhta nohaikok cuarto ángel takhalhet aknem ma'a, ka akno lhta akmovana aknem kakpota nkolvanlhek talha enenlhet'avok lhmankek ham.

Apocalipsis 9:19

Nnangke lhta nhan etanlheng apkenmopvanka'a aniem'o apatno'ok kakpota nhan apiepakio'ok malha lhta menasma apqatko'ok, anmoktai'a alhta mota enenlhet'avok ma'a.

Apocalipsis 9:21

Ma lhta nhan eliaqmongkasekhak mo'ok apvalho'ok enenlhet'avok anak, melvatesaiangkok na aptaikamok ntekioma niapma'ak, apkeliolhma meliamolhma, apkenmensangveiam alhma kakpota nhan apkenmenielhma.