Apocalipsis 9:1 - Nuevo Testamento Toba Maskoy

¹ Netamen apaivaso mokhom trompeta quinto ángel, asvet'o lhta lhema iav'a apteiam alhta nalhepop, nne lhta angko lhema llave ankok malhek konne kankek.

Apocalipsis 9:1 Iomraidhean Croise

Lucas 10:18

Lhnak aptemak Jesús apkellatemmoiangka: —Hai, asvet'ak lhek Satanas akteiakmo neten malha apkelienmoma lhke ntak ma'a.

Lucas 8:31

Ka allaioseiangka lhnak mankoleltemok ellapaksek akieto malhek konnek ankek ma'a.

Romanos 10:7

Molheng na apvalhok sek la enenlhet evaiventak malhek konne kankek kakpota elekvakhak Cristo apieseksek apkeletsepma», lhna nnema aktemo.

Apocalipsis 1:18

Asto ehalhnankok, asketsepme lhta ko'o sekhe lhta, kolhva koka astakhek ehalhnankok metka akvaiam annelha ta aliekaikamok iantelhkapa, nietnek na llave ankok ngkolatsenkolha apkeletsepma.

Apocalipsis 1:20

Kolhva smak'ak alpeiveskasekhak aktemakha lhkek apvetai'a, 7 iav'a lhkek apietkesammap 7 ángeles apketlhelhma'ak amota 7 iglesias, koka 7 alhvo'ok lhek alapommatkeskama apietkesammap ma'a 7 iglesias.

Apocalipsis 11:7

Hata apkelpeneso ta apkelpaieskama ania'a astemakha ko'o m'a, nkotiepok hata nhan lhema kaselha nevhak nengai'o nkek konne malhek konne kankek, nkonnapalhkak hata m'a apqanet anak askellasennaikama apkelioho ko'o astemakha, nkoltemeskasenta ta koneng, nkonnapok hata nhan ma'a.

Apocalipsis 17:8

Ka kaselha nevhak lhek nengai'o, lhennenga lhnak nanek akienaqtemakha m'a, mmaskengvakmek koka nenvetai'a m'a. Koka nkotiepok hata mokhom ma'a konne malhek konne kankek, nkoiaihama ta takhalhet lhepop anak lhmankek ham, koka nkotvasalhkak hata mokhom ma'a. Nkopalesemmak hata apvalho'ok apkelvet'o ta apkellelto nak nkolhnaikamok apkelvesai'a vakkahak akiennaktema enneniek, lhennenga lhnak na nek na akietnemakha m'a vakkahak anak, amanie alanemmalhka lhnak na ne lhma nkek ham.

Apocalipsis 20:1

Asvet'o lhta mokhom lhema ángel apkempo neten apvaivantamo, apsantanie lhta llave malhek konne kankek kakpota nhan aliavai'a nkek cadena.

Apocalipsis 20:10

Netamen ma'a ngkolhek hata akienievo aveske keliaqhameio aniem'o aliennengkasekama akieto m'a sanga akietnemakha talha kanhan azufre. Akieniommalhkelha lhta nhan ma'a kaselha nevhak nengai'o lhta kakpota nhan altennaskama ania'a ankok alhta apmopvana ania'a. Nkolhek hata aliaqmongkaskesakho altemakha m'a lhamakho aknem, pelhasep nahan metka akvaiam annelha aliekaikamok iantelhkapa.

Apocalipsis 6:13

Apallakme lhta nhan nalhepop iav'a, malha lhta nhan aptangko kto nak akielhna higo iamet higuera lepankaie' akievheskama nak alhkaiam akiennaktema nke.

Apocalipsis 8:10

Netamen apaivaso mokhom trompeta apqanetolhem'a lhta apvakmo ángel, mpelapkaske lhta apteiakmo lhema apiav'a apiavai'a akieplomo talha. Aleivoma malha lhta aptak pa'ang apva'a nentetkasekamok anak emmanie, apteiakme lhta takhalhet lhema nekha tercera nekha'ak anak alvata kakpota nhan alenteiapmakha iemmen.

Apocalipsis 8:12

Netamen apaivaso lhta mokhom trompeta cuarto ángel, nne lhta akiensaso tercera lhema nekha aknem, tercera lhema napokha pelten, tercera lhema nekha nhan apiav'a apkellapommatema. Ka apkelienakteso lhta lhma m'a mok tercera lhema nekha aknem, pelten kanhan apiav'a. Mamma lhta nha ntak apommatma aknem anke nak tercera lhema nekha aknem anke nak, kanhan pelhasep anak mamma lhta apommatema tercera lhema nekha pelhasep la'a.

Apocalipsis 8:2

Asvet'o lhta nhan mokhom 7 ángeles apkelaknangka m'a akieto napaqtek Eniapom Neten, akno lhta nhan allangko 7 trompetas moklhem'a m'a.

Apocalipsis 9:2

Apmaiesakhe lhta malhek ma'a, ntepke lhta eten, malha lhta ntak malhek akiavai'a nak alanemmalhkelha la iamamelhma akteiapma nak eten ankok. Ienaqteskaske lhta lhma aknem kanhan neniava atsai'o lhma nak aniem'o m'a apma eten akpanma.