Apocalipsis 8:3 - Nuevo Testamento Toba Maskoy

³ Apvo'o lhta po'ok ángel apkenengvo m'a ammelhakha alvanlhemmalhkelha qaselha, apmaikama lhta nhan apmek lhema melhma alhankok alienmomo oro, ankok koka m'a nema alvanlhema panaktema ava akmases aimes incienso. Nne lhta nhan angkongvakmo m'a nkeskama panaktema ava kakpota eniangkok Eniapom Neten takhalhet ma'a alvanlhemmalhkelha qaselha oro aiempek akieto m'a naqtek apveske aptanema. Ka akiepetkakho lhta nhan apkelelmalhnongkoma apkellelto apkelpokkenammap ma'a.

Apocalipsis 8:3 Iomraidhean Croise

Lucas 1:10

Neksa apvanlhemo lhnak ma'a, lhamakho enenlhet nak na apkelanmak avhak pa'at ma'a apkelelmalhnongkomo.

Romanos 8:34

Mamma nhan nkotlhenek apketselhnanemmap ma'a, ngkanek apketsepme Cristo Jesús apkeliaqmekha m'a. Netamen aptaiekho lhta nhan mokhom aphalhnankok, kolhva koka apnek ma'a napokha akiennakha Eniapom Neten, apkeltennaske mota apkeltemo elpasmok ma'a.

Hebreos 7:25

Ka ngkanek apvankek na elvongkesek tep lhema aktema metka mokhom taiep apkellelto la apkelketansema m'a kakpota nhan elaqlakhak ma'a napaqtek Eniapom Neten apto mangkotnengvaiam annelha apkaniemhaikama m'a, vanlha mota apkeltennaskekha apkelvesai'a enenlhet napaqtek Eniapom Neten.

Hebreos 9:4

Nnaiangkek nak ma'a lhema asota oro aiempehek, nemakha alvanlhemakha panaktema ava akmases aimes ma'a. Nnaiangkek nak nanek na m'a iamet aiseksek akiavai'a oro aiempehek, aknaiangkelha lhnak nanek na konne metaimong nekha'ak, aknaqtalhesammalhka annemo mo'ok apvalho'ok lhnak nanek apkenmahai'akha etnangkok Eniapom Neten kanhan apkennemolhema. Nietnengkek nak na lhema nahaikok oro, konne lhnoka apietnemak nentoma mana aniem'o neten. Nietnengkek na apkenenaikamok apmanie Aarón annenga akteiapmo lhnak na elhnemok ma'a.

Apocalipsis 10:1

Asvet'a lhta mokhom lhema ángel aknema apmopvana apiavai'a apanke apvenaktema nhan, apvaivantamo akieplomo aiseksek iephopai'a. Malha lhta nha pemhet ntak takhaplhet ma'a, malha nhan aknem napa'at kanhan malha lhta poste apio'ok akieplomo talha.

Apocalipsis 14:18

Netamen ma'a aptepke lhta mokhom po'ok ángel akieto alvanlhemmalhkelha qaselha, apmopvana lhta nnak talha m'a. Apkavengka lhta nhan ma'a apiennakteso apaivoma apto lhta apmaikama iama pelettav akhalhema, lhta aptak apkano: —¡Eliaqtemen uva akielhna avakheiok nalhepop anak ham, iama pelettav akhalhema nak nema ahantek anko ie, ataiantak ham! —lhta aptak ángel.

Apocalipsis 6:9

Netamen Nepkesek Apketkok apkentaso quinto nema aliepetkeskama, asvet'o lhta nhan apkel·hangok aptekioma lhta neksa apkelpaieskama ania'a aplhenammap Eniapom Neten, aniem'o lhta apkelleliehekho m'a, nkakhaiangke lhta m'a koneng alvanlhemmalhkelha qaselha.

Apocalipsis 7:2

Asvet'o lhta nhan lhema ángel mokhom apkeniem'o m'a tep aknem, nietne lhta lhema qaselha hentalheskama ankok Eniapom Neten mangkotnengvaiam annelha apkaniemhaikama apankok ma'a. Apiennakteske lhta nhan apaivoma m'a apkelpaqmetkeso 4 ángeles lhek apkellelto lhta nema allaikamok apkenmopvanka'a kakpota enaqtevaksek lhepop lhmankek ham kakpota nhan alvata, lhta aptak:

Apocalipsis 8:4

Nkenmakhe lhta neten eten ankok panaktema ava akmases aimes apmangkolha apmek ángel melhma alhankok ma'a. Mpasmakhe lhta m'a apkelelmalhnongkoma apkellelto apkelpokkenammap anmeiakho m'a napaqtek Eniapom Neten.

Apocalipsis 8:5

Ka apkenmo lhta nhan ángel melhma aknaikamok ma'a alvanlhemmalhkelha qaselha, aplhatmom'a melhma alhankok, ka apieniantamo lhta takhalhet lhepop lhmankek ham. Mpelapkaske lhta nhan akvakmo apkelhtenioma akiennaktema nkek ma'a kanhan nema aliatekama, apkelienmoma nhan kakpota nhan akievhekama lhepop.

Apocalipsis 9:13

Netamen apaivaso mokhom trompeta sexto ángel, mpelapkaske lhta asleng'o aktepo nema aliatekama aiseksek alvanlhemmalhkelha qaselha alienmomo oro akieto m'a apkammelhakha Eniapom Neten. Nav'ak alhto ka nkelanmak ma'a malha 4 nentoskama nak nkapeto'ok.