Apocalipsis 7:2 - Nuevo Testamento Toba Maskoy

² Asvet'o lhta nhan lhema ángel mokhom apkeniem'o m'a tep aknem, nietne lhta lhema qaselha hentalheskama ankok Eniapom Neten mangkotnengvaiam annelha apkaniemhaikama apankok ma'a. Apiennakteske lhta nhan apaivoma m'a apkelpaqmetkeso 4 ángeles lhek apkellelto lhta nema allaikamok apkenmopvanka'a kakpota enaqtevaksek lhepop lhmankek ham kakpota nhan alvata, lhta aptak:

Apocalipsis 7:2 Iomraidhean Croise

Juan 6:27

Moltama nkek apkelvalho'ok apteniaikamok aptekamok, nkosavhalhka mota m'a. Koka ntase eliavenkaso apkelketansema mo'ok aktemakha nentoma akto mankosavhommalhka, allaikamok na apkeliennaktema mankotnengveianlha nnelha apkellangiemhaikama. Koka Enenlhet Apketka nak apvankek ellangkok ma'a qaselha nak, ngkanek nietnek apmopvana m'a aniem'o Eniapom Neten —lhta aptak Jesús apkellano m'a.

2 Corintios 1:22

Hennaktalheskamo nhan mongenatkeskama apankok engvalho'ok apvesai'a Espíritu Santo, akto aktemeskeskama have niapak ma'a apanko'ok ennengko'o Eniapom Neten.

Efesios 1:13

Ketlhengkap na apkellailhemave lhta ania'a aktaqmanma akto have niapak ankek aktemakha hengvongkeskama tep, meliaskeiakmo lhta nhan ma'a aniem'o Cristo. Aptemo nhan Eniapom Neten malha apnaqtalheskama lhta nhan qaselha mongenatkeskama apvalho'ok apvesai'a Espíritu Santo kakpota etnangkok malha apanko'ok ma'a, aplheianmo lhnak nanek na Eniapom Neten have niapak ankek ellangkok hata m'a.

Efesios 4:30

Meltemeskes na akmaiose apvalhok Espíritu Santo apkeniem'o Eniapom Neten, apto nhan ma'a malha mongenatkeskama la apiempeiok apkeltemeskeskama lhta ketlhengkap kakpota eliekpelkok enenlhet apanko'ok akvakmo ta m'a aknem apsavhomakha apkel·hatsoskekha neksa anmaikama moniamolhma.

1 Tesalonicenses 1:9

Apketlheianma apankavek na lhta nhan ketlhengkap ma'a hengenmaiangko takha aktaqmanma neksa nelvaiam alhta ham, ka apkelieniekho lhna lhta nhan qaselha akiokha la alanemmalhka, apkelelpengkaiakmo lhna lhta nhan apvalho'ok akieto apnakha Eniapom Neten apto menietsepma, apto nhan have niapak anke niapom ma'a. Ka apkelempai'akha lhna lhta nhan apkellasennaikama Eniapom Neten ma'a,

2 Timoteo 2:19

Koka Eniapom Neten hengellaiangkek lhema iamet akiennaktema nkek, malha anengkasemmalhka nenpathetma la'a, akieplomo koka alkasemmalhka ntemak hengke'e: «Apkeliekpelkavek Apveske enenlhet apanko'ok la'a». Ka ntemak na mo'ok hengke'e: «Ntasek elieniekhak ngkolatsekama apkellelto nak apkellasennaikama Apveske».

Hebreos 12:22

Ketlhengkap koka mok aktema apkelvetai'a m'a, apkelteteskaiakmo nalhma akhaiam Sion, apiav'akha temma apankok Eniapom Neten apto menietsepma, apvesai'a Jerusalen apkeniem'o neten. Apkaqnekhe mota apentalhnema ángeles ma'a kakpota eltakneskasangkok Eniapom Neten.

Apocalipsis 1:3

Aktaqmelakho nkek enenlhet apto apkelietsatema mota vakkahak anak, apkailhemo nhan ania'a akmak'akha ta ngkotnek aklhenammalhka nak kanhan apkeliehekho, ngkanek ketsek anke nkaimelhka nkovak hata qaselha aklheianma vakkahak anak.

Apocalipsis 10:1

Asvet'a lhta mokhom lhema ángel aknema apmopvana apiavai'a apanke apvenaktema nhan, apvaivantamo akieplomo aiseksek iephopai'a. Malha lhta nha pemhet ntak takhaplhet ma'a, malha nhan aknem napa'at kanhan malha lhta poste apio'ok akieplomo talha.

Apocalipsis 10:4

Asmak'a lhta niekhe atalhaksek ma'a aktakha lhta aslengai'a 7 apkelelhtenioiam, koka lhta ntak nema aliatekama heiano m'a aniem'o neten: —Metalhes ankek aktakha aplengai'a 7 apkelelhtenioiam anak, eilhaskeso toka —lhta ntak heiano nema aliatekama m'a.

Apocalipsis 16:12

Ka apiangkeno lhta mokhom sexto ángel nohaikok takhalhet alvata Eufrates, akiemak'o lhta nhan iemmen ma'a, apkelpeneso lhta nhan amai apkeliav'akha apkelveskaie apkelleniem'o ko tep aknem.

Apocalipsis 5:2

Ka asvet'o lhta nhan mokhom lhema ángel aknema apmopvana apanke, apiennakteso lhta apaivoma, lhta aptak: —¿Se lha enenlhet nkoietok elentaksek 7 nema aliepetkeskama kakpota emaiesekhak vakkahak nema alpelhiangkamekamok anak, he? —lhta aptak ma'a.

Apocalipsis 8:3

Apvo'o lhta po'ok ángel apkenengvo m'a ammelhakha alvanlhemmalhkelha qaselha, apmaikama lhta nhan apmek lhema melhma alhankok alienmomo oro, ankok koka m'a nema alvanlhema panaktema ava akmases aimes incienso. Nne lhta nhan angkongvakmo m'a nkeskama panaktema ava kakpota eniangkok Eniapom Neten takhalhet ma'a alvanlhemmalhkelha qaselha oro aiempek akieto m'a naqtek apveske aptanema. Ka akiepetkakho lhta nhan apkelelmalhnongkoma apkellelto apkelpokkenammap ma'a.

Apocalipsis 9:14

Lhta ntak nema aliatekama ano sexto ángel lhek apto apmaikama trompeta: —El·hatsoskeskak hata apnaktetemmap 4 ángeles apkakhangko nak akieto nak ha'e alvata akiavai'a Eufrates —lhta ntak nema aliatekama.

Apocalipsis 9:4

Nne lhta aleltennaso meleltammap enaqtevaksek panaktema alielsellemo kakpota nhan iamet. Vanlha lhta apkelleltakpok enaqtevaksek metko la alelqasemmalhka alpaihakha napaqta'a apvesai'a Eniapom Neten.