Apocalipsis 6:9 - Nuevo Testamento Toba Maskoy

⁹ Netamen Nepkesek Apketkok apkentaso quinto nema aliepetkeskama, asvet'o lhta nhan apkel·hangok aptekioma lhta neksa apkelpaieskama ania'a aplhenammap Eniapom Neten, aniem'o lhta apkelleliehekho m'a, nkakhaiangke lhta m'a koneng alvanlhemmalhkelha qaselha.

Apocalipsis 6:9 Iomraidhean Croise

Juan 16:2

Nkolhek hata nhan alentepkaso konne apkaqnekhelha nak judios, etekio'ok hata nhan ketlhengkap, nkotlhenek hata apvalho'ok ma'a enenlhet'avok anak aniem'o apkellasennaikama Eniapom Neten.

2 Corintios 5:8

mongeliaskeiakmok ennengko'o m'a. Ka nkanek nenmak'a niekhe angelieniekhak neliokha nak kakpota angenmangkok ma'a angaqhengvomhok lheme Apveske m'a.

Filipenses 1:23

Nientelhek ankek angeliekiaksek ma'a, askeltave niekhe angvetsepok kakpota amhangkok ma'a alhnemok napokha Cristo, koka m'a neten ankek aktaqmanma.

Filipenses 2:17

Meliaskeiam anak ketlhengkap malha niekhe ntak akmatnama nak nentoskama nengaikamok Eniapom Neten, ka asketsepo la ko'o neksa helasennaikama ketlhengkap, ema ehenkok malha ntakhak nema aliangkenaikama nak takhalhet qaselha nema akmeskama Eniapom Neten, hata akto ta askaniemhaikama m'a nkaqhok hato ka ngkotnek ma'a nkopaihekhok ankek hata evalhok lhemek ketlhengkap ma'a.

2 Timoteo 1:8

Ka ngkanek memangkankek na elhenek apvesai'a Apveske engankok, ka nhan memangkankek na helhenek ko'o asnema nengaqlhengkasemmalhkelha aniem'o askasennaikama Apveske. Ka apvanko ta emok takha lheiap apvet'o la akientalhnema aniem'o apkeltennaikama ania'a aktaqmanma, Eniapom Neten hato ka nhan eniangkok apiennaktema kakpota evaskapok lheiap.

2 Timoteo 4:6

Ko'o koka ketsek nkaimelhkak asketsepmakha, atnek hata kto nak malha nentoskama nak apmatnama nengaikamok la Eniapom Neten,

Hebreos 12:23

Ketlhengkap na apkellelto napokha apkennemolhema apmaniaie nak ma'a Eniapom Neten apketkak, nnaiangkek na m'a apkelvesai'a vakkahak ma'a neten. Nengaqtek na ketlhengkap Eniapom Neten apto hengiekpelkemo niapom, nengaqtek na ketlhengkap apkel·hangok ma'a apkellelto lhta enenlhet apkeliamolhma nema atsavheskeskaiakmo lhta nhan apkeliamolhma apankave.

Apocalipsis 1:2

Netamen ma'a Juan aplhenekho mokhom aptemakha apaivoma Eniapom Neten kanhan Jesucristo, aplhenekho nhan ma'a aklhamakho qaselha apvetai'a m'a.

Apocalipsis 1:9

Ko'o Juan asto elialheng'a ketlhengkap, nengelelto nhan nennemolhema akieto nak aptemakha apveske Eniapom Neten. Aslengaiangkek na lhemek akientalhnema ketlhengkap, nengetlhevaikamok na nengeliennaktema kakpota angelvaskapok ma'a. Asne lhta ko'o m'a akieto akiaqiema lhepop iemmen nekhav'ak akvesai'a Patmos aniem'o aspaieskama mota ania'a apankok Eniapom Neten, kanhan ania'a aktemakha asvetaiangko lhta Jesucristo.

Apocalipsis 14:18

Netamen ma'a aptepke lhta mokhom po'ok ángel akieto alvanlhemmalhkelha qaselha, apmopvana lhta nnak talha m'a. Apkavengka lhta nhan ma'a apiennakteso apaivoma apto lhta apmaikama iama pelettav akhalhema, lhta aptak apkano: —¡Eliaqtemen uva akielhna avakheiok nalhepop anak ham, iama pelettav akhalhema nak nema ahantek anko ie, ataiantak ham! —lhta aptak ángel.

Apocalipsis 16:7

Asleng'o lhta ko'o mokhom po'ok apkeliatekama ntepke lhta m'a akieto m'a alvanlhemmalhkelha qaselha, lhta aptak: —Apveske Eniapom Neten apto vanlha lhema aphapak aknema apmopvana apanke, have niapak ankek lheiap apkeliekpelkemo aptaiangkolha aplhamakho enenlhet'avok, aptek na iokhalhmek ankek kanhan akietemo nkoie —lhta aptak.

Apocalipsis 19:10

Ka askelteklheio lhta etapno'ok napaqtek ángel ma'a kakpota angvahok ma'a, koka lhta aptak heiano mokhom ma'a: —Have, metne ham, koka nietavek elteklheiok aptapno'ok napaqtek ma'a Eniapom Neten, ko'o nhan asto heiasennaikama m'a, snavek ko lheiap ka nhan apkelialheng'a nak meliaskeiam ania'a aplhenammap Jesús. Koka ania'a nak malha akvatepnapma allaikamok ma'a apkeleltennasemmap ania'a —lhta aptak heiano ángel.

Apocalipsis 2:13

"Asiave ko'o apnek lheiap akieto akietnemakha nak aktanema aveske Satanas, man koka heieniekhak lheiap, meietnekhok nahan, mang na hei'askeiakmok lheiap neksa apmatnama alhta Antipas apto lhta nhan ma'a apaieskama mota ania'a asvesai'a ko'o, meietnekho lhta nhan ma'a Antipas, lhtoka apmatnamak ma'a akieto aknemakha Satanas.

Apocalipsis 20:4

Asvet'o lhta mokhom apkelveskai'e apkakhangko apkeltanema apkelveskai'e m'a neten, nne lhta allangko apkenmopvanka'a kakpota eliekpelkok apkeltemakha enenlhet'avok lhamakho aiempek lhmankek ham. Asvet'o nhan apkel·hangok ma'a nema aliaqtemanma lhta apiaspok aniem'o mota apkelpaieskama ania'a aplhenammap Jesús kakpota nhan apkeleltennaikama Eniapom Neten apaivoma. Ma lhta nhan elteklheiangkok aptapno'ok naqtavek qaselha nevhak alhta nengai'o kakpota nhan nema akietkeskamo akiokha nke alanemmalhka m'a. Meleltemo lhta nhan ngkolhek apnaqtalheso akvesai'a alpaihakha napaqta'a, apmeio'ok nahan. Koka apnaklhatekhangvakme lhta nhan ma'a apieseksek apkenmaskengvaiakmo enenlhet'avok alhta m'a, aptangkokho lhta nhan apkelveskai'e apkelpasmekha Cristo akvakmo ta 1.000 anio.

Apocalipsis 8:3

Apvo'o lhta po'ok ángel apkenengvo m'a ammelhakha alvanlhemmalhkelha qaselha, apmaikama lhta nhan apmek lhema melhma alhankok alienmomo oro, ankok koka m'a nema alvanlhema panaktema ava akmases aimes incienso. Nne lhta nhan angkongvakmo m'a nkeskama panaktema ava kakpota eniangkok Eniapom Neten takhalhet ma'a alvanlhemmalhkelha qaselha oro aiempek akieto m'a naqtek apveske aptanema. Ka akiepetkakho lhta nhan apkelelmalhnongkoma apkellelto apkelpokkenammap ma'a.

Apocalipsis 9:13

Netamen apaivaso mokhom trompeta sexto ángel, mpelapkaske lhta asleng'o aktepo nema aliatekama aiseksek alvanlhemmalhkelha qaselha alienmomo oro akieto m'a apkammelhakha Eniapom Neten. Nav'ak alhto ka nkelanmak ma'a malha 4 nentoskama nak nkapeto'ok.