Apocalipsis 5:9 - Nuevo Testamento Toba Maskoy

⁹ Ka apkennekmasengko lhta nhan lhema nennekmaskama alhnankok ma'a, lhta ntemak: —Vanlha lheiap apto akietemo nkek emok, emaiesekhak na nema aliepetkeskama vakkahak anak ngkanek apmatnangke lhta lheiap, apianmongkeskekho lhta ema apankok kakpota hengel·hatsoskakhak neksa hengenmaikama mongeliamolhma, henlaqlekho lhta nhan ma'a napaqtek Eniapom Neten nenlhamakho ennengko'o kakpota nhan apkakhangko natemma lhmankek ham, aknema apkelpasmekhak apketkak kanhan lhamakho aktemakha apkelpaqmeiasma.

Apocalipsis 5:9 Iomraidhean Croise

Hechos 20:28

Pastores aptaiangkok ketlhengkap aniem'o Espíritu Santo apkeltemeskeskama apkelemhama apmaniaie, ¡elel·halhnama ta mota ketlhengkap! Eltaqmelkes hata nhan apkellelto iglesia apankok Apveske, apkellelto lhta nhan apkenmama aniem'o ema apankok.

1 Corintios 6:20

apto lhta nhan apkenmama nema akianmoma. Ka nkanek ntasek eltaqmelkese mota apkeliokha nak aniem'o apkeliehekho Eniapom Neten.

1 Corintios 7:23

Apkenme lhta nema akianmoma Eniapom Neten ketlhengkap, mellanko nke ngkolhek altemeskeso nema allasennaikama nema apkelianmoma ketlhengkap.

Efesios 1:7

Apketsepme lhta Cristo akiangkenammalhko nhan ema apankok kakpota hengel·hatsoskakhak neksa hengenmaikama lhta mongeliamolhma, ka aptemeskesaiangka lhta nha apankek mongeliamolhma nak. Koka m'a apeneskamo lhnak nanek Eniapom Neten apkelanekha aptakha etnek hata aniem'o aktaqmanma nkek hengellanei'o.

Efesios 5:19

Ennekmasamok hato ka mota salmos, nennekmaskama kakpota nhan apkellennekmasekama apvalho'ok aniem'o apieseksek ketlhengkap. Hai, ntasek eltakneskasangkok Apveske akvakho konne apvalho'ok.

Colosenses 1:14

apto lhta nhan hengel·hatsoskekha, aptemeskesaiangka lhta nhan apankek mongeleliehekho hengaskamakha Eniapom Neten.

Colosenses 1:23

Nkaimelhkek eliennakteksek meliaskeiam anak, metka apkelieniekha m'a alel·halhnekama apvalho'ok elvetak hata aktaqmanma aniem'o ania'a aktaqmanma apkellengai'a lhta, nema aleltennaskamo mota lhmankek ham. Ko'o nhan askeleltennaskama ania'a nak aniem'o lhta heiapaskama Eniapom Neten.

Tito 2:14

apkaiangkave lhta nhan apmatnamo m'a kakpota hengel·hatsoskakhak ennengko'o neksa hengenmaikama mangeliamolhma, hengellalhneskeskamo nhan engelvalho'ok ma'a, hengeltemeskeskamo nhan apkennemolhema apanke', anteniangko angellanangkok aktaqmanma.

Hebreos 11:14

Hai, have niapak ankek apketlheianmek nak nane mota m'a malha amaika'a ngkanek apkelleliaikama lhnak nane mota apkellavakha apanko'ok apankavek la'a.

2 Pedro 2:1

Apkakhaiangkek nak nanek apkeleltennasemmap ania'a apkenmopvanka'a ania'a apieseksek israelitas, elvak hata nhan kolhvave nak apieseksek anak ketlhengkap ma'a, etlhekmosangkok hata apkelielhaskeskamo qaselha mankoietemo, akmovana hentevaksek nahan, nkolammelhek hata apkelpakmeiasma Apveske apto lhta apkel·hatsoskekha neksa anmaikama meliamolhma, nkotlapkesek hato ka nema apnaqtevaskama m'a.

1 Juan 1:7

Koka nellava la atsak'elha lhma ennengko'o, malha aptonak Eniapom Neten apnek nhan atsak'elha lhma m'a, nentangkek nelpasmekha engankavek nenieseksa ennengko'o m'a, kanhan apketka Jesucristo ema apankok alalhnaskama engelvalho'ok malha alpaiseiam aniem'o qaselha ngkollatsekama nellanekamok.

1 Juan 2:2

Apkaiangkave lhtoka apmatnamo hengeliaqmoiekha have vanlha ennengko'o nengelelto nak nengellanekamo mota ngkollatsekama, koka nhan ma'a aplhamakho apkellanekamo nak ngkollatsekama lhmankek ham.

Apocalipsis 10:11

Netamen alhta aptak heiano mokhom: —Eltennes hata mokhom ania'a apmak'akha etnek Eniapom neten napaqtavek enenlhet'avok apnakha la temma, apiav'akha temma, lhamakho aktemakha la apkelpakmeiasma apkellavakha, kakpota nhan napaqtavek apkeliav'akha apkelveskai'e —lhta ntak heiano nema aliatekama.

Apocalipsis 11:9

Hanetolhema aknem medio elvetak hata nhan apentalhnema enenlhet'avok apkelleniem'o lhamakho aptemakha na temma, aknema apkelpasmekha apketkak neptamen, lhamakho aptemakha apkelpakmeiasma kanhan apkellavakha. Meleltakpek hata nhan ngkolhek aknengkanvakmo m'a nemakha aknengkanveianlha enghapak.

Apocalipsis 13:7

Nne lhta nhan angkoho kakpota nkonnapalhkak apkellelto apkelpokkenammap akvakmo nhan altemeskesakho koneng. Nne lhta nhan angkoho ngkotnek akientalhnemo takhaplhet'ok lhamakho aknema apkelpasmekha apketkak neptamen, lhamakho aptemakha natemma, apkelpaqmeiasma, kanhan lhamakho aptemakha apkellavakha.

Apocalipsis 13:8

Asvet'o lhta nhan apkelteklhengko aptapno'ok naqtek ma'a kakpota ellahok akvesai'a aplhamakho enenlhet'avok lhmankek ham apkellelto mankolhnaikamok apkelvesai'a vakkahak alanemmalhko sekhek ankek tep nak nanek lhmankek ham. Ka vakkahak anak ma'a akto akiennaktema enneniek apankok ma'a Nepkesek Apketkok apto lhta nhan apmatnama.

Apocalipsis 14:6

Asvet'o lhta mokhom apkempangka aiseksek neten po'ok ángel, apsekama lhtoka ania'a aktaqmanma mangkotnengvaiam annelha kakpota eleltennasama takhalhet lhepop lhmankek ham. Lhamakho aktemakha apkellavakha, aknema apkelpasmekha apketkak neptamen, lhamakho aptemakha apkelpaqmeiasma kakpota nhan natemma apketkok.

Apocalipsis 15:3

Apkennekmasengke lhta nhan apkennekmaskamo lhnak nanek Moises apto apkasennaikama Eniapom neten, kanhan nennekmaskama apvesai'a Nepkesek Apketkok, ka ntemak hengke'e: —Aliavai'a nkek qaselha apkelanai'a lheiap, hempelapkeskama nhan, apto apveske vanlha lhema aphapak aknema apmopvana apanke lheiap Eniapom Neten, apkelan'a mota qaselha akpeivomo kakpota nhan akto akietemo nkoie lheiap apto apveske takhaplhet'ok aplhamakho apkellavakha.

Apocalipsis 17:15

Netamen ma'a lhta aptak mokhom heiano ángel: —Koka iemmen apvet'o lhkek aknema takhalhet ngkelvana alanaktema m'a, akietkesammalhka koka m'a enenlhet'avok lhmankek ham, lhamakho apkellavakha, apkelpakmeiasma nhan.

Apocalipsis 4:11

—Apveske kanhan Eniapom Neten engankok, nietavek ankek angeliavenkaskesok apvesai'a lheiap, ngkolhek na ak'o mota. Ietavek na elhkak apmopvana lheiap ngkanek apkelentepkeskama lhamakho qaselha aknaiangko nak lhma nkek ham, ngkanek apmahai'akha lhta etnek lheiap ma'a —lhta aptangkok metno apketko'ok ma'a.

Apocalipsis 5:12

lhta aptangkok apkeliennakteso apkelpaqmeiasma: —Nepkesek Apketkok apto lhta apmatnama nietavek ankek elhkak apmopvana kakpota nhan nema apketsekama akmennave, elhkak na aknema apiamo, apiennaktema nhan, nietavek na ngkolhek ak'o, ngkolhek na akiavenkaskesangka apvesai'a —lhta aptangkok ángeles ma'a.

Apocalipsis 5:6

Netamen asvet'o lhta Nepkesek Apketkok apiangko m'a akieto aiseksek aptanema apveske, kanhan 24 metno apketko'ok alhta, kanhan ma'a aiseksek 4 kaselha allaniemhaiangka m'a. Lhta m'a nepkesek apketkok apmatnamo lhta lhennenga, 7 lhta apkapet'ok ma'a, 7 lhta nhan apaqto'ok ma'a, koka m'a alietkesammalhka 7 espíritus apankok Eniapom Neten, ka apkellapaskamo nkolloka lhmankek ham.