Apocalipsis 5:5 - Nuevo Testamento Toba Maskoy

⁵ Netamen alhta m'a, lhta aptak heiano lhema metno apketkok: —¡Meven! Apnek apto lhta apiephongveiakmo, nietavek ankek elentaksek 7 nema aliepetkeskama kakpota emaiesekhak vakkahak nema alpelhiangkamekamok lhek, apto apvesai'a nhan Iama Akmeiva apkeniem'o apasmekha apketkak neptamen Juda annenga, aptaven neptamen David —lhta aptak heiano.

Apocalipsis 5:5 Iomraidhean Croise

Lucas 23:28

Koka lhna aptemak Jesús apkellanemo ngkelvana'ak: —Moliapqalh hellanhoho' ngkelvana'ak ko Jerusalen, ntasek koka nkoliapqalhek nkollanalhko nkek ketlhengka kanhan atkak,

Lucas 7:13

Apietnai'avek nak na'at Apveske lhentampe m'a, lhna aptemak: —Moven ankek lheia' —lhna aptemak.

Lucas 8:52

Lhamakho enenlhet nak apiapqalhemak ma'a, koka lhna aptemak Jesús apkellanemo: —¡Meliapqalh, mangkotsepak nematka nak, ntenke'! —lhna aptemak.

Juan 20:13

Lhna lhta aptaiangkok apkellanemo: —Ngkelvana, ¿se lha ntak akveno nak ke, he? —lhna lhta aptaiangkok. Ka atemmoiangka lhna lhta ma'a: —Nnek akvo'o aphapak Apveske ehenkok, moihok aknakha akpekkanvanlha' —lhna lhta ntemak ma'a.

Romanos 1:3

Ka ania'a aktaqmanma nak aplhenammap ma'a apketka Jesucristo, apto nhan Apveske enganko'ok, aptaiekho lhnak enenlhet apankek ma'a, apto nhan aptaven neptamen apveske David annenga. Apketsepke lhta m'a Jesucristo, netamen aplhatekhaskeiakmo aniem'o apmopvana Espíritu Santo. Apkelpeivesekho lhta nhan ma'a enenlhet'avok apto have niapak anke Eniapom neten apketka m'a.

Romanos 15:12

Lhnak nanek na aptemak apkeltennasemmap ania'a Isaias: «Nkotiepok hata malha apiapmenek Jesé, etnek hata apveske takhaplhet'ok lhamakho apkellavakha, ngkoitek hata alel·halhnekama apvalho'ok aplhamakho enenlhet'avok aniem'o m'a», lhna aptemak Isaias.

Hebreos 7:14

Hai, nenlhamakho nengeliavek Apveske engankok apkeniem'o m'a apasmekha apketkak neptamen Juda annenga, mang nak nanek elheianmak Moises annenga etiepok hata m'a lhema sacerdote apkeniem'o m'a Juda.

Apocalipsis 1:1

Koka hengka vakkahak anak aktalhesammalhka nietnek qaselha apvetaskeskama Eniapom Neten Jesucristo akmak'akha ta ngkotnek angketvai'a lhmankek ham kakpota elvetaskesek apkellasennaikama. Netamen apkapaso lhta Jesucristo lhema ángel kakpota esantengkesek ania'a m'a apkasennaikama apankok apvesai'a Juan.

Apocalipsis 22:16

Ko'o Jesús askapaskek ángel ehenkok kakpota eleltennaksek ania'a nak aplhamakho iglesias. Ko'o asto aptaven neptamen apveske David annenga, asto nhan malha iav'a apiavai'a apkapommatema nak atsai'a —lhta aptak Jesús.

Apocalipsis 3:21

Apkellelto ta apkeliephongveiakmo, altok hata eniakhangkok lheme astanema nak, ko lhta nhan asto asiephongveiakmo, asnek na aptanema nak Tata".

Apocalipsis 4:10

Apkellelteklhengke lhta nhan aptapno'ok metno apketko'ok, apkelel·halhentamo lhta nhan napaqtek apto apnema aptanema apveske m'a aniem'o apkellai'o apto metka akvaiam annelha aliekaikamok iantelhkapa apkaniemhaikama, apkelhangke lhta mota apkelelhnekha apqatko'ok napaqtek apto apnema aptanema apveske, lhta aptangkok ma'a:

Apocalipsis 4:4

Nnangke lhta nhan 24 apkeltanema apkelveskai'e nema alpeneskeskamo m'a nekhav'ak apnakha m'a aptanema apveske. Apkakhengveiakmo lhta nhan 24 metno apketko'ok ma'a, apkenmopai'a lhta apkelentalhnema, nnaianke lhta nhan apkelelhnekha apqatko'ok oro alanemmalhka.

Apocalipsis 5:4

Ka mangkaso lhta ko'o asvenema m'a ngkanek mamma enenlhet apto akietemo nkek emaisekhak vakkahak alhta, kanhan elietsetek, ellanhok nahan.

Apocalipsis 6:1

Netamen asvet'o lhta mokhom Nepkesek Apketkok apkentaso amanie amhama nema aliepetkeskama, 7 lhta nema aliepetkeskama m'a. Asleng'o lhta akpaivoma lhema kaselha aniemhaikama m'a aiseksek alhta m'a 4 kaselha, malha apkelhtenioma lhta ntak heiano m'a: —¡Elheng no elanhono hengke'e! —lhta ntak.

Apocalipsis 7:13

Netamen ma'a lhema metno apketkok alhta henmalhnema m'a, lhta aptak heiano: —¿Apiave ie lheiap apkenmopai'a nak apkelentalhenma kakpota nhan apkelleniem'akha, he? —lhta aptak heiano.