Apocalipsis 5:13 - Nuevo Testamento Toba Maskoy

¹³ Asleng'a lhta nhan aklhamakho qaselha apkelentepkeskama lhta Eniapom Neten akieto neten, nalhepop, alvata kanhan koneng lhepop anak, lhta ntangkok ma'a: —Nietavek eliavenkaskesok apkelvesai'a, ellahok nahan, elteskasangkok na apkelientalhnemo kanhan apkenmopvanka'a m'a metka akvaiam annelha aliekaikamok iantelhkapa apto apnema aptanema apveske, kakpota nhan Nepkesek Apketkok —lhta ntangkok ma'a.

Apocalipsis 5:13 Iomraidhean Croise

Lucas 2:14

—¡Eleltamok apientalhnemo Eniapom Neten akieto m'a neten! ¡Elvetak hata altaqmelaikama apvalho'ok apkellelto apkellamelaiam la m'a nalhepop anak! —lhna aptaiangkok ma'a.

Juan 1:29

Lhema aknem alhta ntak akiekai'a m'a, apvet'o lhta Juan aplhekmo Jesús ma'a, lhta aptak apkellano enenlhet'avok: —Ellammelhono ha'e, aplhekmek apto Nepkesek Apketkok apkapaskama Eniapom Neten, apto apkel·hatsoskama ta malha akientalhnema apkelpatmekama enenlhet lhmankek ham aniem'o meleliehekho apkellaskamakha Eniapom Neten.

Romanos 11:36

Nkanek Eniapom Neten apto apkellanai'a lhamakho qaselha lhmankek ham, apanko'ok apankavek ma'a, apkellaikamok na aliennaktema m'a qaselha lhta apkelentepkeskama kakpota nkollokaha. Hai', ntasek ma'a ngkolhek aktakneskasengko apvesai'a lhma nkek ham. Amen.

Romanos 16:27

¡Ntasek angeltakneskasangkok hata mota metka nnelha apvesai'a Eniapom Neten apto aknema apiamo, vanlha nhan apto lhema aphapak Apveske engankok aniem'o Jesucristo. Amen!

Romanos 9:5

Apkellelto nhan aptavana'ak neptamen nelieihengka'a judios aptaiangko lhnak nanek neten apankavek, Cristo nhan apto aptavana'ak neptamen ma'a, apnemo nhan Eniapom Neten, aptek apveske takhalhet'ok qaselha lhma nkek ham. Hai', ntasek ankek aniavenkaskesama mota apvesai'a m'a. Amen.

Efesios 3:21

Hai, lhamakho iglesia apkellelto apkelpasmekha Cristo Jesús, ntasek etlhene mota akiavai'a nkek apvesai'a Eniapom Neten metka akvaiam annelha aliekaikamok iantelhkapa. Amen.

Filipenses 2:10

netamen apkellelto apkakhaikamok neten kanhan nalhepop kakpota nhan koneng lhepop anak elelteklhengkok aptapno'ok aniem'o apvesai'a Jesús ma'a,

Colosenses 1:23

Nkaimelhkek eliennakteksek meliaskeiam anak, metka apkelieniekha m'a alel·halhnekama apvalho'ok elvetak hata aktaqmanma aniem'o ania'a aktaqmanma apkellengai'a lhta, nema aleltennaskamo mota lhmankek ham. Ko'o nhan askeleltennaskama ania'a nak aniem'o lhta heiapaskama Eniapom Neten.

1 Timoteo 4:16

Etaqmelkasakpo ta neksa apkaniemhaikama, elketnamok hata nhan kakpota metlhekmoksek mankoietemo. Ka apkeliahakho la astakha nak askano lheiap, evongkasakpok hata nhan tep lheiap, elvongkesek hata nhan tep apkellelto la apkelleliehekho apkeltennaikama lheiap.

1 Pedro 4:11

Akietno la nenmopvana nak angeliatama, ntasek etnek ma'a aktemakha apiangveiakmo aniem'o Eniapom Neten apaivoma. Akietno la nhan nenmopvana nak hengasennama emmo'ok, etne ta nhan ma'a, emama ta apiennaktema apkaikamok aniem'o Eniapom Neten, netamen hata m'a eliavenkaskesama ta nhan apvesai'a Eniapom Neten akieplomo apvesai'a Jesucristo apto aknema apmopvana, nietavek na etlhenek apiephongveiakmo metka akvaiam annelha aliekaikamok iantelhkapa. Amen.

1 Pedro 5:11

¡Ntasek hata etnek apveske Eniapom Neten mangkotnengvaiam annelha akieplomo apmopvana! Amen.

Judas 1:25

Hai, angelvenkesama ta kolhvave nak emmanie ta nhan metka nnelha apto lhema phapak apveske, Eniapom Neten, hengvonkeskama tep nahan aniem'o Jesucristo. Apientalhnemo, apkapommatema apankek nahan, neten apankek, aknema apmopvana apankek na m'a. Amen.

Apocalipsis 1:6

Hengeltemeskaske lhta nhan malha apkeliav'akha apkelveskaie ennengko'o kakpota nhan sacerdotes kakpota angellasennama mota m'a Eniapom Neten apto apiapom ma'a. Ka ngkanek na ntasek ellaho mota apvesai'a m'a, etlhenama mota akietnema neten apankek apientalhnemo kanhan apmopvana panke metka akvaiam annelha aliekaikamok iantelhkapa. Amen.

Apocalipsis 13:8

Asvet'o lhta nhan apkelteklhengko aptapno'ok naqtek ma'a kakpota ellahok akvesai'a aplhamakho enenlhet'avok lhmankek ham apkellelto mankolhnaikamok apkelvesai'a vakkahak alanemmalhko sekhek ankek tep nak nanek lhmankek ham. Ka vakkahak anak ma'a akto akiennaktema enneniek apankok ma'a Nepkesek Apketkok apto lhta nhan apmatnama.

Apocalipsis 5:1

Asvet'o lhta nhan lhema vakkahak nema alpelhiangkamekamok akiennakha apmek apto apnema m'a aptanema apveske. Hanet nekha alhta nema aktalheskama vakkahak alhta m'a, mankomopvana lhta emaiesekhak enenlhet la m'a ngkanek nietnek lhta 7 aimenek nema alpathetkeskama m'a.

Apocalipsis 5:12

lhta aptangkok apkeliennakteso apkelpaqmeiasma: —Nepkesek Apketkok apto lhta apmatnama nietavek ankek elhkak apmopvana kakpota nhan nema apketsekama akmennave, elhkak na aknema apiamo, apiennaktema nhan, nietavek na ngkolhek ak'o, ngkolhek na akiavenkaskesangka apvesai'a —lhta aptangkok ángeles ma'a.

Apocalipsis 5:3

Koka mamma panke lhta neten anak enenlhet, kanhan nalhepop anak, kanhan koneng anke nak lhepop apkenmopvanka la enmaiesekhak ma'a vakkahak alhta, mankollapvanke lhta nhan ellanhok ma'a.

Apocalipsis 5:6

Netamen asvet'o lhta Nepkesek Apketkok apiangko m'a akieto aiseksek aptanema apveske, kanhan 24 metno apketko'ok alhta, kanhan ma'a aiseksek 4 kaselha allaniemhaiangka m'a. Lhta m'a nepkesek apketkok apmatnamo lhta lhennenga, 7 lhta apkapet'ok ma'a, 7 lhta nhan apaqto'ok ma'a, koka m'a alietkesammalhka 7 espíritus apankok Eniapom Neten, ka apkellapaskamo nkolloka lhmankek ham.

Apocalipsis 5:9

Ka apkennekmasengko lhta nhan lhema nennekmaskama alhnankok ma'a, lhta ntemak: —Vanlha lheiap apto akietemo nkek emok, emaiesekhak na nema aliepetkeskama vakkahak anak ngkanek apmatnangke lhta lheiap, apianmongkeskekho lhta ema apankok kakpota hengel·hatsoskakhak neksa hengenmaikama mongeliamolhma, henlaqlekho lhta nhan ma'a napaqtek Eniapom Neten nenlhamakho ennengko'o kakpota nhan apkakhangko natemma lhmankek ham, aknema apkelpasmekhak apketkak kanhan lhamakho aktemakha apkelpaqmeiasma.

Apocalipsis 6:16

Nkelpaihema lhta apatno'ok apkelpaqmetkeso metaimong aliaqiema kakpota nhan nalhma akhaiam, lhta aptangkok apkellano: —Koiaqnen tekhenlhet'ok angelielhanmok kakpota manghengelvetiek apto apnema aptanema apveske kanhan Nepkesek Apketkok aploma,