Apocalipsis 4:8 - Nuevo Testamento Toba Maskoy

⁸ Moklhem'a lhta nhan nnaiangkok 6 alhempanko'ok, nketsavhekhave lhta nhan aqto'ok aiempeiok kanhan av'alho'ok ma'a, nkennekmasengke lhta nhan lhamakho aknem, pelhasep nahan, lhta ntangkok ma'a: —Apokkenammap, Apokkenammap, Apokkenammap apanke memangveiam ngkolatsekama apveske Eniapom Neten apto vanlha lhema aknema apmopvana apanke, apto apnema tep nak nanek, apto nhan apnema kolhvave nak, apto ta nhan apvekta —lhta ntangkok altakneskasengko m'a.

Apocalipsis 4:8 Iomraidhean Croise

Hechos 20:31

¡Elel·halhnama toka! Nkotlheianvakho ta mota apvalho'ok astemakha lhta mota asketlhekmosekamok lhamakho aknem akvakmo hanetolhema iantelhkapa neksa akientalhnema lhta niekhe m'a.

2 Corintios 6:18

atnekhak hata apiapma'ak ketlhengkap, etnangkok na ketlhengkap eietkak apkelennava'ak kanhan ngkelvana'ak», lhnak nanek aptemak Apveske apto vanlha lhema aphapak aknema apmopvana apanke'.

1 Tesalonicenses 2:9

Nketlheianvakhavek kelha apvalho'ok ketlhengkap elialheng'a akiavai'a nenmakmekama akvaiakmo lhta neliampei'o lhamakho aknem apieseksek anak ketlhengkap ham, nekha emmeio'ok alhto ka neleltennaskama ania'a aplhenammap Eniapom Neten, nekha emmeiok alhto ka nhan akiavai'a nenmakmekama kakpota mankolientelhek apvalho'ok ketlhengkap hengellangko nlho lhamakho qaselha alaimelhkelha la'a ennengko'o.

1 Timoteo 4:16

Etaqmelkasakpo ta neksa apkaniemhaikama, elketnamok hata nhan kakpota metlhekmoksek mankoietemo. Ka apkeliahakho la astakha nak askano lheiap, evongkasakpok hata nhan tep lheiap, elvongkesek hata nhan tep apkellelto la apkelleliehekho apkeltennaikama lheiap.

2 Timoteo 4:2

askeltavek na ko'o eltennaksek ania'a metka apkelvateskaiam lheiap ma'a, niekhe apvetai'a ngkolatsekama, aktaqmanma, nheklhek hato ka etnek aplhengkeskama m'a. Etneskes hata nhan malha apkeliangveskeskekho meliamolhma m'a, ennaves hata nhan, eleliatekho ta nhan etlhekmosangkok metka apkelpekheskama lheiap ma'a.

Hebreos 13:8

Metka apiaqmongkasekha mo'ok aptemakha Jesucristo, nheklhe mota aptemakha knem alhta, knem anak kanhan emanie nak mangkotnengvaiam annelha nhan.

Apocalipsis 1:4

Ko'o Juan nlhenkek evalhok siete iglesias akieto iokhalhma Asia, askeltavek ko'o enmankok takha altaqmanma apkellaniemhaikama kanhan altaqmelaikama apvalho'ok. Koka nkelleniemai'ak ma'a apto nak apnema, apnemo nhan tep nak nanek, apvekta ta nhan. Kanhan siete espíritus allelto m'a alloma mota naqtek aptanema apveske.

Apocalipsis 1:8

Lhna aptemak Apveske apto vanlha lhema aphapak aknema apmopvana apanke: —Ko'o nak asto alfa kakpota nhan omega, ko'o asto enemelha kanhan aktakha nnelha, asto asnema nenvanlha nak, asnemo nhan tep nak nanek, asvekta ta nhan —lhna aptemak.

Apocalipsis 11:17

lhta aptangkok ma'a: —Nentangkek ennengko'o gracias lheiap Eniapom Neten Apveske engankok, apto nhan vanlha lhema aphapak aknema apmopvana apanke, lheiap na apto apnema kolhvave nak, apto nhan apnema tep nak nanek, kolhva koka aptak Apveske lheiap lhma nkek ham akieplomo apmopvana.

Apocalipsis 14:11

Mankotnengvomek hata nha nnelha anmekha neten talha eten ankok nema akiaqmongkasekha aktemakha m'a. Mankotnengvome ta nnelha apkeliampai'a apkellelto nak apkelteklheikamok aptapno'ok naqtavek kaselha nevhak nengai'o kanhan nema akietkeskamo lhta akiokha alanemmalhka m'a. Meliamposakpek hata nhan aknem, pelhasep, apkellelto nak nema alqaskama akvesai'a kaselha nevhak nengai'o apiempeiok ma'a —lhta aptak ángel.

Apocalipsis 14:3

Apkennekmasengke lhta nhan alhnankok nennekmaskama naqtek aptanema apveske, naqtavek na 4 kaselha allaniemhaiangka m'a kakpota nhan napaqtavek metno apketko'ok. Mamma lhta enenlhet eniapvanak nennekmaskama nak ma'a, vanlha lhtoka apkellapvanko 144.000 alhta enenlhet'avok apkellelto nema alvongkeskama tep apieseksek enenlhet takhalhet lhepop.

Apocalipsis 15:3

Apkennekmasengke lhta nhan apkennekmaskamo lhnak nanek Moises apto apkasennaikama Eniapom neten, kanhan nennekmaskama apvesai'a Nepkesek Apketkok, ka ntemak hengke'e: —Aliavai'a nkek qaselha apkelanai'a lheiap, hempelapkeskama nhan, apto apveske vanlha lhema aphapak aknema apmopvana apanke lheiap Eniapom Neten, apkelan'a mota qaselha akpeivomo kakpota nhan akto akietemo nkoie lheiap apto apveske takhaplhet'ok aplhamakho apkellavakha.

Apocalipsis 15:7

Netamen alhta m'a 4 lhta kaselha allaniemhaiangka, lhema lhta m'a nkellankongvakmo moklhem'a nohaikok oro alienmomo 7 ángeles, allaneiangko lhtoka m'a aploma Eniapom Neten apto mangkotnengvaiam annelha apkaniemhaikama.

Apocalipsis 16:14

Koka napnekteng anak ma'a allelto lhta kasekapok av'alho'ok, aknema anmovanka'a nkollanangkok qaselha mongenatkeskama. Atlhengo nhan ma'a apkenmahai'a eniankesekhak apkeliav'akha apkelveskai'e lhmankek ham kakpota ngkotnek ma'a apkennapommap Eniapom Neten apto vanlha lhema aphapak aknema apmopvana apanke akvo'o ta akiavai'a aknem apankok ma'a.

Apocalipsis 16:7

Asleng'o lhta ko'o mokhom po'ok apkeliatekama ntepke lhta m'a akieto m'a alvanlhemmalhkelha qaselha, lhta aptak: —Apveske Eniapom Neten apto vanlha lhema aphapak aknema apmopvana apanke, have niapak ankek lheiap apkeliekpelkemo aptaiangkolha aplhamakho enenlhet'avok, aptek na iokhalhmek ankek kanhan akietemo nkoie —lhta aptak.

Apocalipsis 19:15

Ntepke lhta apatong ma'a apveske pelettav hanet nekha'a ahanto'ok kakpota eliensasangkok lhamakho apkellavakha lhmankek ham. Etnek hata apveske apiennaktema apankek ma'a, elteianmok hata apankek na uva malha apkelietsemongama apkelanai'a vino. Koka akietkesammalhka akiavai'a nkek aploma Eniapom Neten apto vanlha lhema aphapak aknema apmopvana apankek ma'a.

Apocalipsis 19:4

Apkeleltanantamo lhta aptapno'ok apkelteklhengko lhta nhan napaqta'a lhepop ma'a 24 metno apketkok alhta m'a kakpota nhan 4 kaselha allaniemhaiangka lhta aniem'o apkellai'o Eniapom Neten apnakha m'a akieto aptanema apveske, lhta aptangkok: —¡Ntase, amen, aleluya! —lhta aptangkok ma'a.

Apocalipsis 21:22

Ma lhtoka ata'ak ma'a pa'at akpokkenammalhka m'a apieseksek natemma nak, ngkanek apveske Eniapom Neten apto vanlha lhema aphapak aknema apmopvana apanke kakpota nhan Nepkesek Apketkok aptangko m'a malha pa'at akpokkenammalhka.

Apocalipsis 3:7

—Etalhes no mokhom ania'a kakpota eniapaskesek ángel apno m'a iglesia akieto Filadelfia, ka ntak ania'a hengke'e: Apto nak Apokkenammap memangveiam ngkolatsekama, apto nhan have niapak anko ie', apto nhan akietnema llave apankok apveske David annenga. Apto nhan apmaieskama atong, mamma enenlhet apmopvana la eniapekhak ma'a, apkapekha apankek na atong ma'a, mamma nhan enenlhet apmopvana la emaiesekhak mokhom ma'a, ka aptak na m'a:

Apocalipsis 4:4

Nnangke lhta nhan 24 apkeltanema apkelveskai'e nema alpeneskeskamo m'a nekhav'ak apnakha m'a aptanema apveske. Apkakhengveiakmo lhta nhan 24 metno apketko'ok ma'a, apkenmopai'a lhta apkelentalhnema, nnaianke lhta nhan apkelelhnekha apqatko'ok oro alanemmalhka.

Apocalipsis 4:6

Nietnengke lhta nhan ma'a ammelhakha aptanema apveske malha alvata, alhnai'o nkek iemmen malha lhta alvata akiav'akha nak, malha lhta nhan ieiam appok la'a nenvetai'o konne nak. Kaselha lhta nhan 4 m'a aliaiheiangka m'a nekhav'ak aptanema apveske, nketsavhomavek anke lhta aliokha aqto'ok ma'a.

Apocalipsis 4:9

Neksa aliavenkaskesaikama lhta mota apvesai'a kaselha allaniemhaikama m'a, allai'o lhta nhan, ntanke lhta nhan gracias ma'a apto apnema aptanema apveske, apto nhan apkaniemhaikama metka akvaiam annelha aliekaikamok iantelhkapa.

Apocalipsis 5:6

Netamen asvet'o lhta Nepkesek Apketkok apiangko m'a akieto aiseksek aptanema apveske, kanhan 24 metno apketko'ok alhta, kanhan ma'a aiseksek 4 kaselha allaniemhaiangka m'a. Lhta m'a nepkesek apketkok apmatnamo lhta lhennenga, 7 lhta apkapet'ok ma'a, 7 lhta nhan apaqto'ok ma'a, koka m'a alietkesammalhka 7 espíritus apankok Eniapom Neten, ka apkellapaskamo nkolloka lhmankek ham.

Apocalipsis 6:1

Netamen asvet'o lhta mokhom Nepkesek Apketkok apkentaso amanie amhama nema aliepetkeskama, 7 lhta nema aliepetkeskama m'a. Asleng'o lhta akpaivoma lhema kaselha aniemhaikama m'a aiseksek alhta m'a 4 kaselha, malha apkelhtenioma lhta ntak heiano m'a: —¡Elheng no elanhono hengke'e! —lhta ntak.

Apocalipsis 6:6

Asleng'o nhan nema aliatekama aiseksek 4 kaselha allaniemhaiangka alhta m'a, lhta ntak: —Lhema aknem anak nenmakmekama akianmoma, nkolhok hata akianmoma 1 kilo nak trigo, nlho ka la nhan tres kilo nak cebada aktek, koka menaqteves ankek aceite kakpota nhan vino —lhta ntak nema aliatekama m'a.

Apocalipsis 7:11

Apkelel·halhiengkakme lhta nhan ángeles aptanema apveske, metno apketko'ok kanhan 4 kaselha allaniemhaiangka m'a. Ka apkelelteklhengko lhta nhan aptapno'ok ma'a akvakmo apkelteklheio napaqta'a lhepop napaqtek Eniapom Neten apnakha aptanema apveske aniem'o apkellai'o m'a, lhta aptangkok ángeles:

Apocalipsis 7:15

Ka ngkanek elloka mota napaqtek Eniapom Neten apnema aptanema apveske m'a, ellasennama mota nhan knem anke, pelhasep nahan akieto m'a apnemakha. Apto apnema nak aptanema apveske etnangko mota apketlhelhma'ak, eltaqmelkesek nahan.