Apocalipsis 4:4 - Nuevo Testamento Toba Maskoy

⁴ Nnangke lhta nhan 24 apkeltanema apkelveskai'e nema alpeneskeskamo m'a nekhav'ak apnakha m'a aptanema apveske. Apkakhengveiakmo lhta nhan 24 metno apketko'ok ma'a, apkenmopai'a lhta apkelentalhnema, nnaianke lhta nhan apkelelhnekha apqatko'ok oro alanemmalhka.

Apocalipsis 4:4 Iomraidhean Croise

Lucas 22:30

Hata antavokhak ma'a, anienangkok nahan nelpasmekha akieto ta m'a astakhelha ta apveske, eniaqhengvomok hata nhan ma'a apkeltanema apkelveskai'e kakpota eleliekpelkoho apkeltemakha m'a 12 apkelpasmekha apketkak neptamen Israel —lhna aptemak ma'a.

2 Timoteo 4:8

Asiavek ko Apveske apto apeivomo hengiekpelkemo, heiangkok hata m'a akianmoma asnaksepma askelhnekha epatek aniem'o astema aspeivomo ngkotnek hata m'a akmo'o ta nkovak aknem aliekpelkammalhkelha nentaiangkolha, ellangkok hata nhan ma'a aplhamakho apkellelto nak melleskama elel·halhnama apvektanlha ta m'a.

Apocalipsis 11:16

Apkelel·halhantanie lhta nhan akvakmo apkellelteklheio napaqta'a lhepop 24 metno apketkok alhta apkelelto apkakhaikamok apkeltanema apkelveskai'e akieto m'a napaqtek Eniapom Neten aniem'o apkellai'o,

Apocalipsis 14:3

Apkennekmasengke lhta nhan alhnankok nennekmaskama naqtek aptanema apveske, naqtavek na 4 kaselha allaniemhaiangka m'a kakpota nhan napaqtavek metno apketko'ok. Mamma lhta enenlhet eniapvanak nennekmaskama nak ma'a, vanlha lhtoka apkellapvanko 144.000 alhta enenlhet'avok apkellelto nema alvongkeskama tep apieseksek enenlhet takhalhet lhepop.

Apocalipsis 19:14

Neptamen alhto ka apketlheiam kempokhakme apankok apkelleniem'o neten, etanlheng apkenmopai'a lhta apkelkanantema. Apkenmopai'a apanke lhta apkelentalhnema m'a lino apmennave, apkelalhnai'a apankek nahan.

Apocalipsis 19:4

Apkeleltanantamo lhta aptapno'ok apkelteklhengko lhta nhan napaqta'a lhepop ma'a 24 metno apketkok alhta m'a kakpota nhan 4 kaselha allaniemhaiangka lhta aniem'o apkellai'o Eniapom Neten apnakha m'a akieto aptanema apveske, lhta aptangkok: —¡Ntase, amen, aleluya! —lhta aptangkok ma'a.

Apocalipsis 2:10

Koka meniaga nkek akmak'o ta nkovak aplengaiangko lheiap. Moklhem'a ta apieseksek anak ketlhengkap ngkolhek hata allaklhengkaso nemmammalhkelha aniem'o aveske keliaqhameio' kakpota nhan ngkolhek aliepkono m'a, ellengangkok hata akvakmo 10 aknem. Ka apvaskapo ta lheiap m'a akvakmo apketsepo niekhe, ko'o ta angvangkok akianmoma apnaksepma akvesai'a akiennaktema apneniek mokhom".

Apocalipsis 20:4

Asvet'o lhta mokhom apkelveskai'e apkakhangko apkeltanema apkelveskai'e m'a neten, nne lhta allangko apkenmopvanka'a kakpota eliekpelkok apkeltemakha enenlhet'avok lhamakho aiempek lhmankek ham. Asvet'o nhan apkel·hangok ma'a nema aliaqtemanma lhta apiaspok aniem'o mota apkelpaieskama ania'a aplhenammap Jesús kakpota nhan apkeleltennaikama Eniapom Neten apaivoma. Ma lhta nhan elteklheiangkok aptapno'ok naqtavek qaselha nevhak alhta nengai'o kakpota nhan nema akietkeskamo akiokha nke alanemmalhka m'a. Meleltemo lhta nhan ngkolhek apnaqtalheso akvesai'a alpaihakha napaqta'a, apmeio'ok nahan. Koka apnaklhatekhangvakme lhta nhan ma'a apieseksek apkenmaskengvaiakmo enenlhet'avok alhta m'a, aptangkokho lhta nhan apkelveskai'e apkelpasmekha Cristo akvakmo ta 1.000 anio.

Apocalipsis 3:18

Askangkek ko'o lhema aspaioma lheiap, ¡elheng hengke'e asnakha nak! Ema ta oro nema akiamasma natelh nema alalhnasekha kakpota etnek nkeskama apketsekama lheiap. Ema ta nhan apkelentalhnekha apkenmopei'o apankek kakpota memangkama lheiap aniem'o apkalhnai'o, eltelhnamok hata nhan apaqto'ok ponha kakpota etekhak na lhma lheiap ma'a.

Apocalipsis 4:10

Apkellelteklhengke lhta nhan aptapno'ok metno apketko'ok, apkelel·halhentamo lhta nhan napaqtek apto apnema aptanema apveske m'a aniem'o apkellai'o apto metka akvaiam annelha aliekaikamok iantelhkapa apkaniemhaikama, apkelhangke lhta mota apkelelhnekha apqatko'ok napaqtek apto apnema aptanema apveske, lhta aptangkok ma'a:

Apocalipsis 4:6

Nietnengke lhta nhan ma'a ammelhakha aptanema apveske malha alvata, alhnai'o nkek iemmen malha lhta alvata akiav'akha nak, malha lhta nhan ieiam appok la'a nenvetai'o konne nak. Kaselha lhta nhan 4 m'a aliaiheiangka m'a nekhav'ak aptanema apveske, nketsavhomavek anke lhta aliokha aqto'ok ma'a.

Apocalipsis 5:11

Netamen ma'a asvet'o lhta nhan apentalhnema apanke ángeles apkel·halhiengkakme lhta m'a aptanema apveske, kanhan 4 kaselha alaniemhaiangka m'a, kakpota nhan 24 metno apketko'ok. Ma lhta nte pankek ángeles apkelpaqmeto m'a,

Apocalipsis 5:14

Asleng'o lhta nhan alpaqmeiasma 4 kaselha allaniemhaiangka alhta m'a, lhta antangkok: —¡Ntasek anke, amen! Netamen na m'a 24 metno apketko'ok alhta apkellelteklhengko lhta aptapno'ok, apkelel·halhantamo lhta nhan aniem'o apkellai'o m'a apto mangkotnengvaiam annelha apkaniemhaikama.

Apocalipsis 5:6

Netamen asvet'o lhta Nepkesek Apketkok apiangko m'a akieto aiseksek aptanema apveske, kanhan 24 metno apketko'ok alhta, kanhan ma'a aiseksek 4 kaselha allaniemhaiangka m'a. Lhta m'a nepkesek apketkok apmatnamo lhta lhennenga, 7 lhta apkapet'ok ma'a, 7 lhta nhan apaqto'ok ma'a, koka m'a alietkesammalhka 7 espíritus apankok Eniapom Neten, ka apkellapaskamo nkolloka lhmankek ham.

Apocalipsis 6:11

Ka kno lhta allangko apkelentalhnema apkenmopai'a apankek ma'a, kno lhta nhan allelto elel·halhnek sekhe ketsek akvakmo apsavhekpo ta aptekievekha aplhamakha apkelaimommap apkelialheng'a apketlhelhma'ak ma'a, ka aktemo lhta aptekievekho nhan ma'a.

Apocalipsis 7:11

Apkelel·halhiengkakme lhta nhan ángeles aptanema apveske, metno apketko'ok kanhan 4 kaselha allaniemhaiangka m'a. Ka apkelelteklhengko lhta nhan aptapno'ok ma'a akvakmo apkelteklheio napaqta'a lhepop napaqtek Eniapom Neten apnakha aptanema apveske aniem'o apkellai'o m'a, lhta aptangkok ángeles:

Apocalipsis 7:9

Netamen na m'a asvet'o lhta apentalhnema apanke enenlhet lhmankek ham, lhamakho aptemakha apkellavakha, aknema apkelpasmekha apketkak neptamen, natemma kanhan lhamakho aktemakha apkelpaqmeiasma. Aplhanie panke lhta enenlhet ma'a, mammopvana angelietsete lhta m'a, apkelanvakhe lhta m'a akieto naqtek aptanema apveske kanhan napaqtek Nepkesek Apketkok. Apkenmopai'a panke lhta nhan apkelentalhnema, kakpota nhan ietapa'ang apva'a apmeio'ok.

Apocalipsis 9:7

Malha etanlheng alhta seva apkelpenesammap la ennapakpok ma'a. Nnangke lhta apkelelhnekha apqatko'ok alienmomo oro, malha lhta nhan enenlhet la apqatko'ok ma'a.