Apocalipsis 3:14 - Nuevo Testamento Toba Maskoy

¹⁴ —Etalhes no mokhom lheiap ania'a nak kakpota eniapaskesek ángel apno m'a iglesia akieto Laodicea, ka ntak ania'a hengke'e: Apto nak amen, Apto nhan apvetaiangko aplhenekho mota nhan iokhalhmek ankek ma'a, meietnekho nhan, Apto nhan apkeniemai'a m'a lhamakho qaselha apkelentepkeskamo lhnak nanek Eniapom Neten ma'a tep nak nanek, ka aptak na m'a:

Apocalipsis 3:14 Iomraidhean Croise

Juan 1:3

Apkellanei'akhasekha lhnak na nek lhamakho qaselha Eniapom Neten apmaikama lhnak ma'a Apaivoma kakpota elanak na m'a. Man nak elanai'a qaselha Eniapom Neten metko nlho apmaikama Apaivoma nak ma'a.

Juan 8:14

Ka apkatemmongka lhta Jesús, lhta aptak: —Hai', iokhalhmek alhenalhko nak ehenke ngkanek asiavek ko'o askempai'akha', asiavek na asmeiakhelha ta, meliehek koka ketlhengkap.

2 Corintios 1:20

Apieplavkaskek na Eniapom Neten aptemakha lhta apeneskamo apkeltennaskama apaivoma apkapaskamo m'a Cristo, ka ngkanek ennengko'o nentaiangko mota "amen" neksa neltaqneskasekamok la Eniapom Neten aniem'o nhan Jesucristo.

Colosenses 1:15

Eniapom Neten apto mongvetai'a, koka apva'a lhta Cristo apnemo lhtoka nhan ma'a, apnengkek nak nanek apnakha m'a amanie apkelentepkeskama lhamakho qaselha lhmankek ham.

Colosenses 1:18

Cristo nhan apto malha apqatek iglesia, koka ntaiekhek malha apiokha m'a. Cristo apto apmanie', apto nhan apmanie aplhatekhangveiam apieseksek apkenmaskengvaiakmo, aptemo nha mota apmanie pankek ma'a.

Colosenses 2:1

Asmak'ak aleltennasama ketlhengkap avanhek ko'o askeliephaiekho asmakmekama aniem'o helasennaikama ketlhengkap kakpota nkoltaqmelek apkellangiemhaikama ham, ka nhan ma'a elialheng'a apkakhangko Laodicea, kakpota nhan aplhamakho apkellelto nak mangheliekpelkemelha nak.

Colosenses 4:16

Hata netamen apkelpeneskama ta apkelietsatekamok vakkahak anak, ellapaskes hata nhan iglesia akieto Laodicea kakpota elietsatangkok na m'a, elietsatamok hata nhan ketlhengkap vakkahak apankok ma'a Laodicea.

Apocalipsis 1:11

lhta ntak heiano: —Etalhes no lhema vakkahak aktakha la apvetai'a, etsaskes hata 7 iglesias akieto m'a iokhalhma akiav'akha Asia, ka alvesai'a hengke'e: Efeso, Esmirna, Pergamo, Tiatira, Sardes, Filadelfia kakpota nhan Laodicea —lhta ntak nema aliatekama netamen ko'o.

Apocalipsis 1:5

Aniem'o nhan ma'a Jesucristo apto apvetaiangko panke, aplhenekho mota nhan akto have niapak ankek, apto lhta nhan aplhatekhangveiam apmanie apieseksek apkenmaskengvaiakmo, aptemo nhan takhaplhet'ok ma'a apkelveskaie lhmankek ham. Avanhek ankek hengellamelaiam Jesucristo, malha hengellalhnaskeskama lhta nhan engelvalho'ok malha alpaiseiam aniem'o nellanekamok ngkollatsekama, aniem'o lhta nhan akiangkenammalhka ema apankok ma'a.

Apocalipsis 19:11

Ka asvet'o lhta akmaihakho neten ma'a, apiangke lhta lhema etanlheng akmopai'a m'a. Apto lhta apkanantema m'a apvesai'a metka apietnekho hempasmoma, kakpota nhan apto iokhalhmek ankek. Apte lhta mota apveske apeivomo, apkennapommap nahan.

Apocalipsis 2:1

—Etalhes no lheiap ania'a nak kakpota eniapaskesek ma'a ángel apno m'a iglesia akieto Efeso, ka ntak ania'a hengke'e: Apto nak apkenmaikama 7 iav'a akiennakha nak apoktong, apiaihema m'a aiseksek 7 alhvo'ok oro alapommatkeskama, ka aptak nan ma'a:

Apocalipsis 21:6

Netamen ma'a, lhta aptak na mokhom heiano: —Mpenesalhkehe, ko'o asto nak alfa kakpota nhan omega, ampakhasekha kakpota nhan aktakha nnelha. Enenlhet akiemak'o la apiaspok, angvangkok hata apiama iemmen akteiapma nalhepop hengaikamok akiennaktema nenganiemhaikama, metka akianmoma.

Apocalipsis 22:13

Ko'o asto nak alfa kakpota nhan omega, apmaniaie kanhan neptamna'ak, ampakhasekha kakpota nhan aktakha nnelha.

Apocalipsis 22:6

Koka lhta aptak heiano ángel ma'a: —Koka iokhalhmek ankek ma'a astakha lhkek alheianma, nietavek ankek na mei'askamek lheiap ma'a. Eniapom Neten apkamnoma alenteiapvekta apatno'ok apkeleltennaskamo ania'a apankok ma'a, apkapaskek na ángel apankok kakpota elvetaskesek apkellasennaikama akmak'akha ta ngkotnek kolhvave nak —lhta aptak heiano ángel.

Apocalipsis 3:7

—Etalhes no mokhom ania'a kakpota eniapaskesek ángel apno m'a iglesia akieto Filadelfia, ka ntak ania'a hengke'e: Apto nak Apokkenammap memangveiam ngkolatsekama, apto nhan have niapak anko ie', apto nhan akietnema llave apankok apveske David annenga. Apto nhan apmaieskama atong, mamma enenlhet apmopvana la eniapekhak ma'a, apkapekha apankek na atong ma'a, mamma nhan enenlhet apmopvana la emaiesekhak mokhom ma'a, ka aptak na m'a: