Apocalipsis 3:10 - Nuevo Testamento Toba Maskoy

¹⁰ Aptaqmelkaskek na aspaioma askanemakha etnek lheiap metka apkelvateskaiam heieplekama, ka ngkanek ataqmelkesek hata akvo'o ta aplengaiangko akientalhnema takhalhet lhmankek ham.

Apocalipsis 3:10 Iomraidhean Croise

Marcos 14:9

Akto haveniapak anke' aktakha nak alanai'a, etlhenekhok hata mota enenlhet alhma nkek ham aklhenalhko ta mota ania'a aktaqmanma nak —lhna aptemak Jesús ma'a.

Lucas 2:1

Aptemo lhnak apveske Roma apvesai'a Augusto Cesar ma'a, apkeltemo lhnak ellaneskasangkok censo alhma nkek ham.

Juan 17:6

Askeleltennaskek ko'o apvesai'a lheiap apkellelto hellaikamok alhta kakpota altakmelkeskesek. Lheiap enenlhet apanko'ok, apkelleliahakhavek apaivoma lheiap na m'a.

Romanos 1:8

Gracias ko stak Eniapom Neten aniem'o Jesucristo ngkanek apketlhenammakpe lhma nkek ham meliaskeiakmo ketlhengkap Jesucristo.

1 Corintios 10:13

Koka lhamakho nak akientalhnema apkelvetai'a ketlhengkap ntemengkek na m'a aplhamakho enenlhet, meniankehek hata Eniapom Neten na nkoiavangkok aliaqhapma akientalhnema akvakmo akvo'o la mankolelianmommalhko, eliephongveskamhok hato ka nhan ma'a Eniapom Neten neksa akvai'a akientalhnema nak aniem'o hempasmoma mota.

Efesios 6:13

Ka ngkanek ntasek elentalhnekhak malha nennapommalhka nak ankok aniem'o Eniapom Neten apkellaikamok kakpota elvaskapok akvo'o la aknem ngkolatsekama. Netamen apkelpeneskama la apkellanekha, ¡elienna ta m'a!

2 Timoteo 2:12

Ka nengvaskapo la nhan neksa nellengaiangko akientalhnema metka nengai'a nhan, antangkok hata malha apkelveskai'e lhemek ma'a, kanhan nenlheno la mangiamo apvesai'a Cristo, elhenek hata nhan manghengiamo m'a.

Santiago 3:12

Kolketamama no apvalho'ok ketlhengkap elialheng'a ¿Avanke nlho iamet higuera ngkoitek akielhna aceituna, he? ¿Avanke nlho nhan iamet vid ngkoitek akielhna higo, he? ¿Avanke nlho nkotiepok lhemek iasek iemmen kanhan iemmen akmases akteiapmakha nak iemmen, he?

1 Pedro 4:12

Ketlhengkap elialheng'a askellamelaiam, mopallemmankek apvalho'ok apkelvet'o la aliepkonma malha aktonak talha la'a, mellanankek na mankovhek hata m'a.

2 Pedro 2:9

Hai, apvankek Apveske elvongkesek tep neksa aliepkonma apkellelto la apkellanekamok qaselha altaqmelo, apvankek na elpokkenek apkellelto la meliamolhma kakpota eliaqmongkaskesekhak hata apkeltemakha ngkollatsekama akvo'o ta aknem neniekpelkammalhkelha m'a,

Apocalipsis 1:9

Ko'o Juan asto elialheng'a ketlhengkap, nengelelto nhan nennemolhema akieto nak aptemakha apveske Eniapom Neten. Aslengaiangkek na lhemek akientalhnema ketlhengkap, nengetlhevaikamok na nengeliennaktema kakpota angelvaskapok ma'a. Asne lhta ko'o m'a akieto akiaqiema lhepop iemmen nekhav'ak akvesai'a Patmos aniem'o aspaieskama mota ania'a apankok Eniapom Neten, kanhan ania'a aktemakha asvetaiangko lhta Jesucristo.

Apocalipsis 11:10

Nkolpaihekhak hata apvalho'ok enenlhet'avok lhmankek ham aniem'o apkelvetai'a apkeletsepma m'a apkeleltennasemmap ania'a apkanet anak aniem'o nhan ma'a apkellaskeskama ame' apkennaveskama apkeliennai'o. Akiavai'a aktakmelaikama lhma ta nhan ellanangkok ma'a, metka akianmoma ta nhan ellangkok po'ok qaselha apanko'ok.

Apocalipsis 13:10

Nnek alpokkeno enenlhet kakpota elhatmakpok nenmammalhkelha m'a, ngkolhek hata aklhatmo m'a nemmammalhkelha. Nnek na alpokkeno kakpota etekio'ok akieplomo pelettav akvenaktema, etekio'ok hata pelettav akvenaktema annapma m'a. Hata m'a elvetakpok apkeliennaktema apanke kanhan meliaskeiam apkellelto nak apkelpokkenammap.

Apocalipsis 13:14

Nkeliennenkaske lhta aplhamakho enenlhet'avok aniem'o allanai'a qaselha mongenatkeskama, nemo lhta aiangkoho naqtek ma'a kaselha nevhak amanie lhta akteiapma. Nkeleltave lhta nhan ellanangkok apkelietkeskamo akiokha m'a kaselha nevhak akiavai'a lhta akiensaskama pelettav akvenaktema, aktaqmanveiam alhta nhan ma'a.

Apocalipsis 13:8

Asvet'o lhta nhan apkelteklhengko aptapno'ok naqtek ma'a kakpota ellahok akvesai'a aplhamakho enenlhet'avok lhmankek ham apkellelto mankolhnaikamok apkelvesai'a vakkahak alanemmalhko sekhek ankek tep nak nanek lhmankek ham. Ka vakkahak anak ma'a akto akiennaktema enneniek apankok ma'a Nepkesek Apketkok apto lhta nhan apmatnama.

Apocalipsis 14:12

Hata akvo'o ta aknem anak ma'a akientalhnema, elvetakpok hata apkelvaskapma apkellelto nak apkelpokkenammap, apkeleliehekho nhan henganemakha apankok ma'a kanhan meliaskeiam Jesús.

Apocalipsis 14:6

Asvet'o lhta mokhom apkempangka aiseksek neten po'ok ángel, apsekama lhtoka ania'a aktaqmanma mangkotnengvaiam annelha kakpota eleltennasama takhalhet lhepop lhmankek ham. Lhamakho aktemakha apkellavakha, aknema apkelpasmekha apketkak neptamen, lhamakho aptemakha apkelpaqmeiasma kakpota nhan natemma apketkok.

Apocalipsis 16:14

Koka napnekteng anak ma'a allelto lhta kasekapok av'alho'ok, aknema anmovanka'a nkollanangkok qaselha mongenatkeskama. Atlhengo nhan ma'a apkenmahai'a eniankesekhak apkeliav'akha apkelveskai'e lhmankek ham kakpota ngkotnek ma'a apkennapommap Eniapom Neten apto vanlha lhema aphapak aknema apmopvana apanke akvo'o ta akiavai'a aknem apankok ma'a.

Apocalipsis 17:2

Malha apkenmensekamo mota aptaiangkok aplhamakho apkelveskai'e m'a lhmankek ham, nkelieieskangkek na lhma m'a aniem'o allaikamok vino anmensoma ankok —lhta aptak heiano ángel.

Apocalipsis 17:8

Ka kaselha nevhak lhek nengai'o, lhennenga lhnak nanek akienaqtemakha m'a, mmaskengvakmek koka nenvetai'a m'a. Koka nkotiepok hata mokhom ma'a konne malhek konne kankek, nkoiaihama ta takhalhet lhepop anak lhmankek ham, koka nkotvasalhkak hata mokhom ma'a. Nkopalesemmak hata apvalho'ok apkelvet'o ta apkellelto nak nkolhnaikamok apkelvesai'a vakkahak akiennaktema enneniek, lhennenga lhnak na nek na akietnemakha m'a vakkahak anak, amanie alanemmalhka lhnak na ne lhma nkek ham.

Apocalipsis 2:10

Koka meniaga nkek akmak'o ta nkovak aplengaiangko lheiap. Moklhem'a ta apieseksek anak ketlhengkap ngkolhek hata allaklhengkaso nemmammalhkelha aniem'o aveske keliaqhameio' kakpota nhan ngkolhek aliepkono m'a, ellengangkok hata akvakmo 10 aknem. Ka apvaskapo ta lheiap m'a akvakmo apketsepo niekhe, ko'o ta angvangkok akianmoma apnaksepma akvesai'a akiennaktema apneniek mokhom".

Apocalipsis 3:8

"Asiave ko'o lhamakho aptemakha apkelanai'a lheiap, asiavek na heliehekho lheiap niekhe ketsek meiennaktema, asiavek na metka apmangkaktema elhenek asvesai'a ko'o. Ka ngkanek amaieskese mota atong napaqtek lheiap, mamma ta enenlhet apmopvana la eniapekhak atong anak ma'a.

Apocalipsis 6:10

Lhta antangkok akiennaktema nkek alpaqmeiasma: —Apveske, lheiap apto Apokkenammap memangveiam ngkolatsekama, apto nhan have niapak anke ¿Se lha aknem hata eliekpelkok lheiap eliaqmongkaskesekhak hata apkeltemakha enenlhet alhta hengennapma ennengko'o, he? —lhta ntangkok alpaqmeiasma apkel·hangok ma'a.

Apocalipsis 8:13

Netamen ma'a asvet'o neten, asleng'o lhta nhan lhema meivoma apiavai'a apkempangka m'a neten, lhta aptak apiennakteso apaivoma hengke'e: —¡Ai enenlhet'avok la ie' apkelloma nak nalhepop, nkovak hata akientalhnema ham akvakmo ta apkelpaivaskama trompetas apkanetolhem'a ángeles! —lhta aptak ma'a meivoma.