Apocalipsis 21:9 - Nuevo Testamento Toba Maskoy

⁹ Asvet'o lhta lhema phapak ángel apkeniem'o m'a apieseksek 7 lhta apnaikamok 7 nohaikok apanko'ok allaneiangko aktakha nnelha 7 qaselha akmovana hentevaksek ma'a, lhta aptak heiano: —Elheng, ateskesek hata apmahai'akha Nepkesek Apketkok kakpota etnek aptava m'a —lhta aptak heiano.

Apocalipsis 21:9 Iomraidhean Croise

Apocalipsis 1:1

Koka hengka vakkahak anak aktalhesammalhka nietnek qaselha apvetaskeskama Eniapom Neten Jesucristo akmak'akha ta ngkotnek angketvai'a lhmankek ham kakpota elvetaskesek apkellasennaikama. Netamen apkapaso lhta Jesucristo lhema ángel kakpota esantengkesek ania'a m'a apkasennaikama apankok apvesai'a Juan.

Apocalipsis 17:1

Hetetes ko'o lhta lhema aphapak ángel apkeniem'o apieseksek alhta m'a 7 ángeles apketsoiangka lhta nhan nohaikok 7, lhta aptak heiano m'a: —Nok, ateskese ta lheiap nema akiaqmongkasekha aktemakha ngkelvana akto neten ankek alanaktema aknema takhalhet'ok iemmen.

Apocalipsis 19:7

Nkolpaihekhak engelvalho'ok, angelletsevasoho, angetlhenek apto neten apankek akiaspommalhka apvesai'a m'a ngkanek ngva'ak knem akmahai'a nkoliemhapok Nepkesek Apketkok, mpenesavek apmahai'akha alanekha aktakha.

Apocalipsis 21:17

Netamen apkelietkeso lhta nhan akhalhtemommalhka m'a, 65 metros alhta m'a, koka ángel apmama lhta apkelietkesaikamok apankave nak enenlhet apankavek.

Apocalipsis 21:2

Asvet'a lhta nhan akvaivantamo natemma akpokkenammalhka aniem'o neten, akietnemo lhta m'a napokha Eniapom Neten, alhnankok Jerusalen alhto ka akvesai'a m'a. Apkeltase lhta aktalhnema kanhan annatanma malha kto nak ngkelvana alailhema akmahai'akha la'a.

Apocalipsis 22:1

Heteskaske lhta mokhom ángel alvata alhnai'o nkek iemmen akto lhta nhan akiennakteskama enneniek ma'a, malha lhta akto nak ieiam appok nenvetangveiakmo taiep. Ntepke lhta alvata akieto naqtek aptanema Eniapom Neten kakpota nhan Nepkesek Apketkok.

Apocalipsis 22:17

Espíritu ka nhan ngkelvana nema akmahai'akha, lhta ntangkok ma'a: —¡Elheng! —lhta ntangkok ma'a. Koka aplhamakho apkellelto apkellengai'a ania'a nak ntasek etnangkok na hengke'e: —¡Elheng! Koka enenlhet apkellelto la aliemai'a apiaspo'ok ntase eliangvetak iemmen hengke'e akto akiennaktema enneniek metka akianmoma.

Apocalipsis 22:6

Koka lhta aptak heiano ángel ma'a: —Koka iokhalhmek ankek ma'a astakha lhkek alheianma, nietavek ankek na mei'askamek lheiap ma'a. Eniapom Neten apkamnoma alenteiapvekta apatno'ok apkeleltennaskamo ania'a apankok ma'a, apkapaskek na ángel apankok kakpota elvetaskesek apkellasennaikama akmak'akha ta ngkotnek kolhvave nak —lhta aptak heiano ángel.