Apocalipsis 21:6 - Nuevo Testamento Toba Maskoy

⁶ Netamen ma'a, lhta aptak na mokhom heiano: —Mpenesalhkehe, ko'o asto nak alfa kakpota nhan omega, ampakhasekha kakpota nhan aktakha nnelha. Enenlhet akiemak'o la apiaspok, angvangkok hata apiama iemmen akteiapma nalhepop hengaikamok akiennaktema nenganiemhaikama, metka akianmoma.

Apocalipsis 21:6 Iomraidhean Croise

Juan 4:10

Ka apkatemmoiangka lhna lhta Jesús ma'a, lhna lhta aptemak: —Mangheiekpelkak lheia', mankoihek na apmak'akha eniangkok hata lheia' Eniapom Neten. Ko lhtema nak heiekpelkema lheia', henmalhnama nlho lhkek iemmen kakpo lhkek na angvangkok iemmen aktaqmanma akmases anko ie' —lhna lhta aptemak.

Juan 4:11

Koka lhna lhta ntemak mokhom ngkelvana: —¿Se lha eiavok iemmen aktaqmanma nak ke, he? Mamma iemmen alhankok apankok lheiap apieniekha la konne iamelket anak, tavanne'.

Juan 4:14

Koka enenlhet apiama nak iemmen askaikamok anak ko'o, meimakiek hata mokhom. Nkotepangkok hata mota iemmen konne apvalhok, ngkankok hata nhan akiennaktema apneniek mankotnengvaianlha nnelha —lhna lhta aptemak Jesús.

Romanos 3:24

Avanhek aktaqmanma hengellanei'o Eniapom Neten, apkapaskamo lhta Jesucristo kakpota hengel·hatsoskasangkok malha hennaktetema mongeliamolhma, hengeltemeskasekho lhta nhan nengelpeivomo napaqte Eniapom Neten ma'a, metka akianmoma.

Romanos 8:32

Apkeltave lhta Eniapom Neten eniangkok apketka kakpota enietsepok hengeliaqmoiekha ennengko'o, have niapak anke hengellangkok hata nhan alaimommalhkelha la qaselha ennengko'o.

1 Corintios 2:12

Netlhevankek ennengko'o Espíritu apankok Eniapom Neten, mok aktema koka apvalhok anak enenlhet melioho nak Eniapom Neten, hengeliangveskeskakmek Espíritu apankok Eniapom Neten qaselha hengellaikamok alhta Eniapom Neten aniem'o aktaqmanma nkek hengellanei'o.

1 Corintios 3:12

Ka takhalhet anak akiennakteskama envankek nenmak'akha la angellanak anmama oro, alienmomo akmopai'a, metaimong altakmanma anmennave nkoie', iamet nekha'ak alpaihema, av'ok, iompa'at aliavai'a, lhamakho qaselha envankek angellanak ma'a.

1 Corintios 3:21

Ka ngkanek ntasek mellakpek etlhenama enenlhet apankek la'a, nkanek apanko'ok ketlhengkap lhamakho qaselha.

1 Corintios 3:5

Koka Apolos kanhan ko'o Pablo nengelelto vanlha mota hengellasennaikama Eniapom Neten kakpota angetlhekmosangkok ketlhengkap meliaskamek Cristo. Moklhem'a lhta ennengko'o nellan'ak nenmakmekama apkeltakha la Apveske engankok.

Apocalipsis 1:11

lhta ntak heiano: —Etalhes no lhema vakkahak aktakha la apvetai'a, etsaskes hata 7 iglesias akieto m'a iokhalhma akiav'akha Asia, ka alvesai'a hengke'e: Efeso, Esmirna, Pergamo, Tiatira, Sardes, Filadelfia kakpota nhan Laodicea —lhta ntak nema aliatekama netamen ko'o.

Apocalipsis 1:17

Asiaqnenke lhta ko'o akieto apmanko'ok akpelapkeso asvetai'a m'a, malha asketsepma lhta stak. Ka apekkeno lhta apmek akiennakha tekhelhet ko'o, lhta aptak heiano: —Meniaga, ko'o asto enemelha kanhan aktakha nnelha.

Apocalipsis 1:8

Lhna aptemak Apveske apto vanlha lhema aphapak aknema apmopvana apanke: —Ko'o nak asto alfa kakpota nhan omega, ko'o asto enemelha kanhan aktakha nnelha, asto asnema nenvanlha nak, asnemo nhan tep nak nanek, asvekta ta nhan —lhna aptemak.

Apocalipsis 10:6

Lhta aptak apto aptema juramento m'a akieplomo apvesai'a apto apkaniemhaikama metka akvaiam annelha aliekaikamok iantelhkapa, apto nhan apkelanai'a neten kanhan lhamakho aknaiangko m'a neten, apto nhan apkelanai'a nalhepop kanhan lhamakho qaselha aknaiangko nak nalhepop anak, apto nhan apkelanai'a alvata kanhan lhamakho kaselha aknaiangko m'a konne iemmen, lhta aptak: —Kolhva mmaskek nelailho,

Apocalipsis 16:17

Ka apiangkeno lhta mokhom septimo ángel nohaikok takhalhet akieto neten akmeioianlha alhkaiam. Mpelapkaske lhta mokhom aktepo nema aliatekama akiennaktema nkek akieto konne pa'at akpokkenammalhka, naqtek ma'a aptanema apveske, lhta ntak: —¡Mpenesalhkehe! —lhta ntak nema aliatekama.

Apocalipsis 22:13

Ko'o asto nak alfa kakpota nhan omega, apmaniaie kanhan neptamna'ak, ampakhasekha kakpota nhan aktakha nnelha.

Apocalipsis 22:17

Espíritu ka nhan ngkelvana nema akmahai'akha, lhta ntangkok ma'a: —¡Elheng! —lhta ntangkok ma'a. Koka aplhamakho apkellelto apkellengai'a ania'a nak ntasek etnangkok na hengke'e: —¡Elheng! Koka enenlhet apkellelto la aliemai'a apiaspo'ok ntase eliangvetak iemmen hengke'e akto akiennaktema enneniek metka akianmoma.

Apocalipsis 3:14

—Etalhes no mokhom lheiap ania'a nak kakpota eniapaskesek ángel apno m'a iglesia akieto Laodicea, ka ntak ania'a hengke'e: Apto nak amen, Apto nhan apvetaiangko aplhenekho mota nhan iokhalhmek ankek ma'a, meietnekho nhan, Apto nhan apkeniemai'a m'a lhamakho qaselha apkelentepkeskamo lhnak nanek Eniapom Neten ma'a tep nak nanek, ka aptak na m'a:

Apocalipsis 7:17

Eltaqmelkesek hata mota Nepkesek Apketkok akieto m'a aiseksek aptanema apveske, malha akto nak ma'a apkellanekama nak nepkesek apkeliantemekha akieto akteiapmakha iemmen hengaikamok akiennaktema ennenio'ok, Eniapom Neten hata nhan el·hatsoskasangkok aimen'ok apaqto'ok ma'a —lhta aptak heiano m'a.