Apocalipsis 21:10 - Nuevo Testamento Toba Maskoy

¹⁰ Ngvet'a lhta ehaqtek aniem'o Espíritu hetaskeskama, heiantemakho lhta ángel nalhma akhaiam akiavai'a, netne kankek. Heteskaske lhta ma'a akiav'akha natemma akpokkenammalhka akvesai'a lhta m'a Jerusalen akvaiventamo lhta m'a apkeniem'o napaqtek Eniapom Neten.

Apocalipsis 21:10 Iomraidhean Croise

Hechos 8:39

Ka apkellenteiapmo lhnak nemmen ma'a, mpelapkeskankek nak malha knema eiveskama Felipe aniem'o m'a Espíritu apankok Apveske m'a. Maskengkek nak na apvetai'a enenlhet nema alhakkeskama appopok Felipe m'a, koka apkempekhek nak mokhom aplhengama m'a mpaihekhek nak apvalhok.

Galatas 4:26

Koka natemma Jerusalen akietnemo m'a neten, koka akto engkana'ak ma'a, have nema asennaikama nema akianmoma.

Apocalipsis 1:10

Aknem apanko lhta ntak Apveske m'a, mpelapkaske lhta akvo'o aklanei'o evalhok apmopvana Espíritu, asleng'a lhta nema aliatekama netamen ko'o, akiennaktema nkek akpaivoma malha trompeta la'a,

Apocalipsis 11:2

Koka melietkes ankek avhak pa'at anak Eniapom Neten apnemakha, ngkanek nnek allangko metnangko nak judios ma'a, nkotaqmelkasangkok hato ka apnaqtevaskama na temma apokkenammap ma'a akvakmo toka 42 pelten.

Apocalipsis 17:3

Ka akvet'o lhta ehaqtek aniem'o Espíritu, heiantemakho lhta nhan lhema ángel akieto m'a metkelha temma. Asvet'o lhta nhan ma'a lhema ngkelvana anantema kaselha nevhak nengai'o akielhvasema, 7 lhta apqatko'ok ma'a, 10 alhta nhan nkapet'ok. Ma lhta ntek alqasemmalhka akvesai'a aiempehek akto ammelhaikama Eniapom Neten.

Apocalipsis 21:2

Asvet'a lhta nhan akvaivantamo natemma akpokkenammalhka aniem'o neten, akietnemo lhta m'a napokha Eniapom Neten, alhnankok Jerusalen alhto ka akvesai'a m'a. Apkeltase lhta aktalhnema kanhan annatanma malha kto nak ngkelvana alailhema akmahai'akha la'a.

Apocalipsis 3:12

Apkellelto ta apkeliephongveiakmo, altemeskesangko ta malha poste apkeliennaktema nema alankeskama nak ma'a apnemakha Eniapom Neten ehenkok, elloka ta mota metka nnelha m'a. Ka poste nak atalhaksek hata nhan apvesai'a Eniapom Neten ehenkok, atalhaksek hata nhan ma'a akvesai'a apiav'akha temma apankok Eniapom Neten ehenkok. Aphalhnankok Jerusalen apvaiventa ta m'a neten apkeniem'o Eniapom Neten, atalhaksek hata nhan alhnankok asvesai'a m'a".

Apocalipsis 4:2

Mpelapkaske lhta akvo'o aklanei'o nkek evalhok apmopvana Espíritu, asvet'a lhta aptanema apveske akieto m'a neten, apne lhta m'a lhema enenlhet.