Apocalipsis 20:2 - Nuevo Testamento Toba Maskoy

^2-3 Apathetke lhta m'a menasma akiavai'a lhta akvaneiam akvesai'a aveske keliaqhameio', mo'ok nema ltema Satanas. Apkelpelhketo lhta nhan cadena aliavai'a lhta, apienievo nhan malhek konne kankek. Ka aptaqmelkaso lhta nhan apkapekha atong ma'a akvaiakmo ta m'a 1.000 anio kakpota mankoliennenkasama enenlhet'avok lhmankek ham. Netamen hato ka m'a ngkolhek hata akpaqnemakho mokhom ma'a, akiakvatakho nkek hato ka m'a.

Apocalipsis 20:2 Iomraidhean Croise

Marcos 4:15

Moklhem'a enenlhet ngva'ak ma'a aknemo m'a aktek lhek akpalleiam amai. Apkellailhemo ania'a koka kolhvave kankek na ngva'ak Satanas ka akmenielhkaso ania'a lhkek apkellailhemo.

Marcos 5:7

lhna aptemak apkelpalhemaiangka m'a: —¡Jesús, Eniapom Neten Apketka apto apnema netne kanke nak, manghelanaktes, manghetneskes aslengaiangko akientalhnema. Askenmalhnakkek lheiap akieplomo apvesai'a Eniapom Neten!

Juan 12:31

Ngvakmek aknem lhmanke nak ham nkoiekpelkalhkak hata ngkollatsekama kanhan aktaqmanma nak. Ngkolhek hata nhan aktepkeso aktemo nak aveske lhmankek ham.

Juan 16:11

Aktemo nak aveske lhmankek ham, nnek akiekpelko aktemakha m'a, nlhenalhkek na akto akselhnanemmalhka m'a.

Romanos 16:20

Ketse nkaimelhka Eniapom Neten apto aktaqmelaikama engvalho'ok aniapom apteiokmek apaieskamo Satanas, epekkanvetak hata nhan koneng apmangkok ketlhengkap ham. Hai', askeltavek ko'o Apveske engankok Jesucristo eltaqmelkeskesek apkellaniemhaikama ketlhengkap ham.

Hebreos 2:14

Ka Eniapom Neten apketkak anak enenlhet apankavek ma'a, nietnek aphapetek kanhan ema apanko'ok ka nkeniemai'ak na aptaiekho lhta enenlhet apankek Jesús ma'a, ka apketsepmo nhan ma'a, aptemeskesekho lhta nhan koneng aveske netsepma akvesai'a nak aveske keliaqhameio'.

1 Pedro 5:8

Amanie la apkenmahai'a ellanangkok qaselhaha, nkaimelhkek nkolketmok apvalho'ok sekhe, elketnamok hata nhan ngkanek mankotno emmo'ok aveske keliaqhameio' nloka motaha malha aktonak akmeiva la'a akielhaivekamaha akteniai'a mota akmak'akha la nkotvok akiokho nkoie.

2 Pedro 2:4

Mang nak nanek enmekhok takha Eniapom Neten ángeles apkellanekamok ngkollatsekama, apkelhakhangveiakmo m'a akieto nkospanei'akha talha, apnaktangveiakmo nhan lhema av'alhok ienaqtesakha lhma, koka m'a apkelel·halhanmek nkovak aknem aliekpelkammalhkelha ta nentaiangkolha.

Judas 1:6

Apkakhaiangkek nak nanek na ángeles meleliehekho Eniapom Neten, melietemo lhnak nanek apkellanemmakpelha etnangkok ma'a, apkelieniekho lhnak nanek na apkellomakha. Ka ngkanek Eniapom Neten apkelhakhamo lhnak nanek aiseksek ienaqtesakha lhma apnaktamo. Apkakhangkek mokhom ma'a nenvanlha nak akvaiakmo ta nhan aknem akientalhnengvaiam aliekpelkammalhkelha nhan nentaiangkolha.

Apocalipsis 12:13

Netamen ma'a menasma akiavai'a lhta nema akienienta takhalhet lhepop, akiakmasengka lhta ngkelvana akvetai'a lhta atka.

Apocalipsis 12:15

Koka ntepkaske lhta iemmen atong menasma akiavai'a nak malha lhta ntakhak alvata akiavai'a la'a kakpota nkosvo niekhe iemmen aniema ngkelvana.

Apocalipsis 12:17

Ma lhta nkasak ankek aklavo menasma akiavai'a alan'o ngkelvana lhta m'a. Mmeiakhe lhta m'a kakpota nkonnapalhkak aplhamakha atkak netamen ma'a ngkelvana, apkellelto apkelleliehekho mota henganemakha Eniapom Neten, apkellelto nhan apketlhengkeskama apketlheianma apvesai'a Jesucristo.

Apocalipsis 12:3

Asvet'o lhta nhan mokhom kaselha mongenatkeskama neten, lhema kaselha nevhak akloma akielhvasema lhta m'a. Malha menasma akiavai'a lhta m'a, 7 lhta apqatko'ok ma'a, 10 alhtoka nhan apet'ok, 7 lhta nhan aknaktetema apqatkok.

Apocalipsis 12:4

Mmakheske lhta nhan aipakiek akpalesakmo nalhepop tercera lhema nekha iav'a neten anak. Ka netamen ma'a akteteskakmo aknakha ngkelvana lhta mmahai'a nkotengkesek atka, kakpota nkotvok apteiakmo ta atka m'a.

Apocalipsis 12:9

Nne lhta nhan akieniantamo koneng menasma akiavai'a kanhan ángeles atlhelhma'ak akieto takhalhet lhepop. Tep nak nanek akietnemo m'a menasma nak, akvesai'a nhan aveske keliaqhameiok, mo'ok akvesai'a Satanas, aliennengkaseiangka mota enenlhet'avok alhmankek ham.

Apocalipsis 13:2

Malha lhta kemhava kaselha nevhak nengai'o m'a, amankok alhto ka malha oso nak, atong alhto kanhan malha iama akmeiva. Ka menasma lhta akiavai'a nkanke lhta akmovana kakpota nhan aktanema aveske, kanhan akiavai'a akientalhnemo.

Apocalipsis 13:4

Apkelteklhengke lhta aptapno'ok lhepop naqtek menasma akiavai'a lhta aniem'o apkellai'o, lhta songkek aiangko akientalhnemo m'a kaselha nevhak alhta nengai'o. Ka apkelteklhengko lhta nhan aptapno'ok naqtek ma'a kaselha nevhak alhta, lhta aptangkok: —Avanhek ankek akietnema akientalhnemo qaselha nevhak anak nengai'o, mamma nhan avanko nkammelhek —lhta aptangkok ma'a.

Apocalipsis 20:10

Netamen ma'a ngkolhek hata akienievo aveske keliaqhameio aniem'o aliennengkasekama akieto m'a sanga akietnemakha talha kanhan azufre. Akieniommalhkelha lhta nhan ma'a kaselha nevhak nengai'o lhta kakpota nhan altennaskama ania'a ankok alhta apmopvana ania'a. Nkolhek hata aliaqmongkaskesakho altemakha m'a lhamakho aknem, pelhasep nahan metka akvaiam annelha aliekaikamok iantelhkapa.

Apocalipsis 20:7

Hata akieko ta 1.000 anio nak ma'a, ngkolhek hata aklekkaso cadena aktetemmalhka m'a Satanas akieto m'a aktetemmalhkelha.

Apocalipsis 9:11

Apne lhta nhan apiav'akha apveske apankok seva lhema ángel aplomakha lhtoka mota akieto malhek konne kanke, nema altema koka Hebreo apaivoma Abadón, kakpota nhan Griego apaivoma Apolion.