Apocalipsis 20:11 - Nuevo Testamento Toba Maskoy

¹¹ Netamen asvet'o lhta nhan akiavai'a aptanema apveske akmopai'a nke lhta m'a, apne lhta nhan apto aptanema m'a. Nketseponengvakme lhta nalhepop ka nhan neten napaqtek ma'a, mmaske lhta nelvet'o m'a.

Apocalipsis 20:11 Iomraidhean Croise

Romanos 2:5

Nkoihek koka apvalhok lheiap, mangkomak'ak eiaqmongkasekhak mo'ok apvalhok, ntaqmelkasavek koka akiavengko nema akiaqmongkasekha aptemakha akvakmo ta aktemongvanlha nnelha aknem. Eniapom Neten hata ellangkok akiaqmoiekha aniem'o aptaiangkolha apkellanekamok.

2 Pedro 3:7

Apkaiangko nhan apaivoma Eniapom Neten apkeltemo nkoietnama sekhek neten anak kanhan nalhepop anak nelvetai'o nak ennengko'o kakpota nhan nkonmetek ma'a akvo'o ta aknem aliekpelkammalhkelha ta nentaiangkolha, nema aknaqtevasekha nhan apkelelto apkellanekamok ngkollatsekama.

Apocalipsis 12:8

Ma lhtoka nkoltemeskesentak koneng ma'a, kno nhan alentepkeso m'a neten.

Apocalipsis 16:20

Nkeniangke lhta lhamakho lhepop aliakiengveiam nemmen, nkenmaske lhta nhan nelvetai'a nalhma alakhaiam lhmankek ham.

Apocalipsis 19:11

Ka asvet'o lhta akmaihakho neten ma'a, apiangke lhta lhema etanlheng akmopai'a m'a. Apto lhta apkanantema m'a apvesai'a metka apietnekho hempasmoma, kakpota nhan apto iokhalhmek ankek. Apte lhta mota apveske apeivomo, apkennapommap nahan.

Apocalipsis 20:2

Apathetke lhta m'a menasma akiavai'a lhta akvaneiam akvesai'a aveske keliaqhameio', mo'ok nema ltema Satanas. Apkelpelhketo lhta nhan cadena aliavai'a lhta, apienievo nhan malhek konne kankek. Ka aptaqmelkaso lhta nhan apkapekha atong ma'a akvaiakmo ta m'a 1.000 anio kakpota mankoliennenkasama enenlhet'avok lhmankek ham. Netamen hato ka m'a ngkolhek hata akpaqnemakho mokhom ma'a, akiakvatakho nkek hato ka m'a.

Apocalipsis 21:1

Netamen asvet'o lhta alhnankok neten kakpota nhan alhnankok nalhepop nkanek mmaskengvakme lhtoka nenvetai'a m'a amanie lhta akteiapma lhepop kakpota nhan amanie lhta neten, mmaskengvakme lhta nhan alvata.

Apocalipsis 21:5

Koka apto lhta apnema aptanema apveske m'a, lhta aptak: —Askelan'ak ko'o alhnankok lhamakho qaselhaha —lhta aptak. Koka lhta aptak na mokhom heiano ko'o m'a: —Etalhes astakha nak aspaioma, akto have niapak ankek, nietavek mei'askamek lheiap —lhta aptak heiano m'a.

Apocalipsis 4:2

Mpelapkaske lhta akvo'o aklanei'o nkek evalhok apmopvana Espíritu, asvet'a lhta aptanema apveske akieto m'a neten, apne lhta m'a lhema enenlhet.

Apocalipsis 6:14

Mmaskengvakme lhta neten malha lhta nta kto nak vakkahak anak nema aliaqsasekha. Nkelhanke lhta nhan aknaiangkolha lhepop aliakiengveiam nemmen anak kakpota nhan nalhma akhaiam.