Apocalipsis 2:7 - Nuevo Testamento Toba Maskoy

⁷ —¡Eltaqmelkaso no apkellailhemo apaiko'ok anak apmak'akha etnek aplheianma m'a Espíritu aklhamakho nke nak iglesias!: "Apkellelto ta apkeliephongveiakmo, allangkok hata aptekamok akielhna iamet hengaikamok akiennaktema enneniek, amhamo nak ma'a iokhalhma aktaqmanma nkoie' apnemakha nak Eniapom Neten", lhta aptak.

Apocalipsis 2:7 Iomraidhean Croise

Marcos 4:9

¡Eltaqmelkaso no apkellailhemo apaiko'ok anak! —lhna aptemak apkellanemo Jesús ma'a.

Marcos 7:15

Akto alentalhnema qaselha apatong enenlhet, have akpaisengkeskama apvalho'ok. Koka m'a, lhamakho qaselha nak ngkolatsekama alenteiapma apatong enenlhet, ka akpaisengkeskeskama apvalho'ok ma'a —lhna aptemak.

Marcos 7:16

Netamen apkelieniekho lhnak Jesús enenlhet'avok ma'a, aptalhnengvekho lhnak konne pa'at ma'a. Ka apkeleltemo lhnak elpeiveskasekhak apkeltamesaikamok aktemakha apketlhekmoskama.

Lucas 23:43

Ka apkatemmoiangka lhnak Jesús ma'a, lhna aptemak —Hai', haveniapak anke aloka ta lhemek lheiap akieto iokhalhma aktaqmanma aknem anak —lhna aptemak. Jesús.

Lucas 8:8

Koka mo'ok aktek nak na mpalveiakmok aktaqmelakha lhepop, ntasek ankek nak aktekteiapma m'a, ngvaiakmek nak 100 aktek lhema apvathetma m'a ¡Eltaqmelkaso no apkellailhemo apaiko'ok anak! —lhna aptemak Jesús apiennakteskamo apaivoma m'a.

Juan 16:33

Nkollengaskesangkok hata akientalhnema ketlhengkap hengke'e nalhepop anak aniem'o maniamolhma nak, koka mellaga nkoie ngkanek astemeskesakhek ko koneng aveske nalhepop anak, elvetak hata nhan altaqmelaikama apvalho'ok aptangko la helpasmekha mota —lhta aptak Jesús.

1 Corintios 2:10

Hengelvetaskaskek Eniapom Neten lhamakho qaselha nak aniem'o Espíritu, ngkanek Espíritu apiavek lhamakho qaselha akvakmo konne kankek apvalhok Eniapom Neten.

2 Corintios 12:4

Nnengkek na lhta akiantamo m'a akieto iokhalhma aktaqmanma, aplengai'o lhna lhta qaselha monlengai'akha m'a, manganemmalhka nhan anlhenek.

1 Juan 2:13

Asnaktalheskaskek na ketlhengkap apiapma'ak anak, ngkanek apkeliavek ma'a apnemo lhnak nanek tep nak nanek alanemmalhko sekha lhmankek ham. Asnaktalheskaskek na m'a ketlhengkap apketko'ok, ngkanek apkeltemeskesentanie koneng maniamolhma ngken anak.

Apocalipsis 13:9

¡Eltaqmelkaso no apkellailhemo apaiko'ok anak!

Apocalipsis 14:13

Netamen ma'a asleng'o lhta mokhom nema aliatekama neten, lhta ntak heiano: —Etalhes hata ham, aktakmelakho nke ta nkotnek apkellelto apkeletsepma nenvanlha nak ma'a kanhan emanie ta apkelpasmekha nak ma'a Apveske engankok. —Hai, ka aptemak na Espíritu m'a eliamposakpok hata m'a aniem'o apkenmakmekama ngkanek metka apkelvatesaikamo apkellanekamok qaselha altaqmelo neksa apkellangiemhaikama m'a nalhepop —lhta ntak ma'a.

Apocalipsis 15:2

Asvet'a lhta nhan malha alvata alhnai'o nkek iemmen malha ieiam appok la'a nenvetai'o konne, nema angkaiekha lhtoka talha. Apkelaknama lhta m'a takhalhet iemmen alvata apkellelto lhta apkeltemeskesekha koneng qaselha nevhak alhta nengai'o kanhan nema akietkeskamo lhta alanemmalhka akiokha m'a. Mellaiangko lhta nhan nkolelqaksek numero ankok akvesai'a apiempeiok ma'a. Apnangke lhta nhan arpa apankok Eniapom Neten ma'a.

Apocalipsis 2:11

—¡Eltaqmelkaso no apkellailhemo apaiko'ok anak apmak'akha etnek aplheianma Espíritu aplhamakho apanke nak iglesias!: "Apkellelto ta apkeliephongveiakmo m'a, mmaskek akto hanet aknaqtevasekha nengetsepma m'a", lhta aptak Espíritu.

Apocalipsis 2:17

—¡Eltaqmelkaso no apkellailhemo apaiko'ok anak apmak'akha etnek aplheianma m'a Espíritu ka aklhamakho nke nak iglesias!: "Apkellelto ta apkeliephongveiakmo allangkok hata nentoma mana nema alposkama, ka nhan metaimong aktek anmopai'a akietno aktalhesammalhka nenvesai'a alhnankok melioho' mokhom, vanlha koka enenlhet apto aplhevai'a ta apiavek hata m'a", lhta aptak Espíritu.

Apocalipsis 21:7

Enenlhet apiephongveiakmo la'a, angvangkok hata lhamakho qaselha aktaqmanma, hetnek hata nhan Eniapom Neten apankok, atnek hata nhan eietka.

Apocalipsis 22:14

Aktaqmelakho nkek enenlhet apkellelto malha apkelieniesekamok la apkelentalhnema. Nkelietavek ankek hata nhan elentalhnengvomok atno'ok anak ma'a apiav'akha temma kakpota etavangkok akielhna iamet akiennaktema enneniek ma'a.

Apocalipsis 22:17

Espíritu ka nhan ngkelvana nema akmahai'akha, lhta ntangkok ma'a: —¡Elheng! —lhta ntangkok ma'a. Koka aplhamakho apkellelto apkellengai'a ania'a nak ntasek etnangkok na hengke'e: —¡Elheng! Koka enenlhet apkellelto la aliemai'a apiaspo'ok ntase eliangvetak iemmen hengke'e akto akiennaktema enneniek metka akianmoma.

Apocalipsis 22:2

Apvalhok temma amai alhto ka alvata m'a, nekhav'ak alhta nhan nkemhamak iamet akiennaktema enneniek, moklhem'a pelten alhto ka alielhnemakha mota akielhna, 12 lhta mota akielhna. Ava lhtoka mota apkenmaikama etnangkok ponha apanko'ok kakpota nkoltaqmelkeskamok enenlhet'avok lhmankek ham.