Apocalipsis 2:3 - Nuevo Testamento Toba Maskoy

³ Metka lhta nhan apekheskama lheiap ka nhan apvaskapma neksa akientalhnema aniem'o heiasennaikama, ma lhtoka heiamasangvakmok heieplekama m'a.

Apocalipsis 2:3 Iomraidhean Croise

Marcos 15:21

Neksa apkeliantemekha lhnak Jesús soldados ma'a, apkelvetangveiakmo lhnak lhema enenlhet apkeniekta iokhalhma apvesai'a Simon ko Cirene. Apqanet nak apketkak ma'a, Alejandro kakpota nhan Rufo apkelvesai'a m'a. Apkellapekama lhnak soldado apkeleltemo epasmok Jesús kakpota epatmok esakhak iamet aktenneskama akientalhnema.

Lucas 14:27

Enenlhet mankonmahai'a la epatmok akientalhnema malha iamet aktenneskama apankok, heieplok na ko'o, mankoietok etnek askeltameskama.

Lucas 18:1

Apketlhekmoskangkek nak Jesús apkeltamesaikamok aktemakha mota nenmalhnongkoma metka nenhalhemmalhka, lhna aptema Jesús lhema apietkeskama:

Lucas 21:19

¡Apkeliennakkek hata nkek ketlhengkap neksa akvai'a akientalhnema kakpota etlhevangkok apkelvaiam tep ma'a!

Lucas 5:5

Koka apkatemmoiangka lhnak Pedro m'a, lhna aptemak: —Hengetlhekmoskama, pelhaso pvanko nellenlhaneiam aniekhe nenteniaikamok kelasma, mamma koka, nientelhek nenmakmekama. Koka atnek hata ehenkek aptakha nak lheiap —lhna aptemak Pedro.

Lucas 8:15

Kakpota nhan moklhem'a enenlhet ngva'ak aknemo m'a aktek lhek akpalleiam takhalhet aktaqmelakha lhepop. Apkeltakmelkasavek apkellailhemo ania'a, apkenmangkek na takha', apkelleliahakhavek nahan, nkoihek na apketlhengkeskama, ngva'ak na aktema ngkeskama akielhna —lhna aptemak Jesús ma'a.

Juan 15:21

Nkotnek hata akvai'a m'a nema akmenlhenaikama nak ko'o songkek askeltamesaikamok ketlhengkap, enenlhet meliamolhma nak ma'a meliekpelkak apto heiapaskama ko'o.

Romanos 12:12

Kolpaihekha ta mota apvalho'ok aniem'o alel·halhnekama apvalho'ok elvetak hata aktaqmanma. Neksa apkelvetai'a la akientalhnema, elel·halhen hata metka apkelpekheskama apkeleltemo elpasmok Eniapom Neten, elelmalhna ta mota metka nnelha m'a.

Romanos 16:12

Nlhenkek na evalhok Trifena kakpota nhan Trifosa, avanhe kanke lhta anmakmesaikama Apveske. Nlhenkek na evalhok eialheng Perside, avanhek anke lhta akmakmesaikama Apveske m'a.

Romanos 2:7

Ellangkok hata nhan ma'a aliennaktema apnenio'ok apkellelto apkelvaskapma apkellanekamok la aktaqmelo, apteniaikamok na nkolekkasama apvalhok Eniapom Neten, apteniaikamok na ngkolhek allangko aliennaktema apnenio'ok, kakpota nhan ngkolhek altemeskesangko apkelientalhnemo.

Romanos 8:25

Koka nkaimommalhkak ma'a angelel·halhnama ngkolhek akiaqmongkasakho mo'ok neniokha alhnankok nkanek neniokha nak anmaikama mota maniamolhma, ntasek angellailhek nkovak ma'a akieplomo nelvaskapma m'a.

1 Corintios 13:7

Enenlhet akietno la apkasekhai'o po'ok, metka astengangveiam apasmoma po'ok, mei'askeiam lhamakho m'a, apkelailhema qaselhaha, apmopvana nhan evaskapok neksa apieplavkeskama aplengangko la akientalhnema.

1 Corintios 16:16

Ellaho ta aplhamakho enenlhet aptaiangkolha nak apkennemolhema Estefanas, ellaho ta nhan aplhamakho apkellelto nak apkenmakmekama apkellasennaikama apkelialheng'a.

2 Corintios 10:15

Askeleltennaskek lhek mangeleltemo angellalhkok angetlhenek nenmakmekama, po'ok enenlhet la apmakmekama, mankoietok antek ma'a. Vanlha toka angelleltok hata ngkeskama la nenmakmekama apieseksek anak ketlhengkap akvengke panko ta aptaikamok meliaskeiam ketlhengkap ham, metka koka neliekai'a apkenmakmekama po'ok enenlhet la'a.

2 Corintios 11:23

Apketlhenakpavek na apankavek apkellelto apkenmakmesaikama Eniapom Neten, ko'o koka tep ankek asmakmesaikama Eniapom Neten. Niekhe malha anema askeliatekama, nkaqhok koka alhenkesek hata askeliatekama, tep ankek ko asmakmekama m'a enenlhet'avok anak, nlhaniek askaklhengkasemmalhka nenmammalhkelha, nlhanie lhta nhan nema heliaqpelhketaikama, nlhaniek na atlhengkeskama amatong.

2 Corintios 4:1

Eniapom Neten apto apiamolhma hengellanei'o ennengko'o, hengellaiangko nhan nenmakmekama nenlheianma ania'a aktaqmanma. Ka nkeniemai'ak mamma nhan manghengeliaqvaiam la angelpaiaksek ania'a aktaqmanma.

2 Corintios 4:16

Niekhe akmaskema neliennaktema neliokha nak, koka mankolhnankok anmaiosak'a engvalho'ok anak, ngkanek neliavek engelvalho'ok anak nkanantangkek na lhamakho aknem aliennaktema.

2 Corintios 5:9

Ka nkeniemai'ak ma'a angelienlhanmangko mota anlekkeskasama mota apvalhok Apveske neksa mokhom nellaniemhaikama hengke'e neniokha nak, hata nhan angelienlhanmangkok angellekkeskasama apvalho'ok Apveske m'a nengaqhengvakmo ta m'a napaqtek ma'a.

2 Corintios 6:5

Nelvaskapmek na m'a nengaqhengveiakmo nengaqlhengkasemmalhkelha, kakpota nhan apkeliepetkaseiam apieseksek enenlhet apkenmahai'a hennaqtevaksek, nelvaskapmek na m'a nenmakmekama akientalhnema metka nenteianma, metka nentoma nhan.

Galatas 6:2

Elpasmakpo ta pankavek elpatmekhak malha apkelpatama apieseksek anak ham, ka aptangko la ketlhengkap ma'a, apkelieplavkaskek ley apankok Cristo.

Galatas 6:9

Ka ngkanek na ketlhengkap mel·halhiengvomek apkellanekamok qaselha altaqmelo netamen hata m'a akieto la aktaqmelakha aknem avanhek hata ngkotnek apnaklhekamok akielhna altakmanma metko la alvannammalhka apvalho'ok.

Filipenses 2:16

melieniav ankek na ania'a aktaqmanma akto nak hengaikamok neniennaktema, netamen nkaqhama ta evalhok ko'o m'a apvaktamo ta Cristo ngkanek have aqhemo akientalhnema asmakmekama apieseksek ketlhengkap ham.

Filipenses 4:3

Lheiap apto alhelhma heiasekhai'o aptema nengaqte mota asmakmekama, askapiosema askelan'o lheiap askeltemo elpasmok ham ngkelvana'ak anak ngkanek helpasmongke lhta mota aspaieskamo ania'a aktaqmanma. Clemente lhta nhan netlhelhma'ak ma'a kanhan aplhamakha alhta, nnaiangkek koka apkelvesai'a m'a lhema vakkahak akiennaktema enneniek nkotnengvaianlha nnelha.

Colosenses 1:11

Nelelmalhneskaskek na Eniapom Neten etneskesangkok apkeliennaktema aniem'o akiavai'a apmopvana m'a, kakpota ellapvanak elvaskapok metka apkelpekheskama akvo'o la akientalhnema. Netamen hata m'a nkolpaihekhak hata apvalho'ok ma'a,

1 Tesalonicenses 1:3

Neksa nelelmalhnongkoma Eniapom Neten nketlheianvekhe mota engvalho'ok aknaikamo lhta aliennaktema meliaskeiam ketlhengkap nkeltemeskeskangke lhta akiavai'a apkenmakmekama, apkellasennaiangka lhta nhan po'ok akieplomo apkellasekhai'o, nnaianke lhta nhan alel·halhnekamok apvalho'ok nkovak ma'a apkelpasmoma Apveske engankok Jesucristo.

1 Tesalonicenses 2:9

Nketlheianvakhavek kelha apvalho'ok ketlhengkap elialheng'a akiavai'a nenmakmekama akvaiakmo lhta neliampei'o lhamakho aknem apieseksek anak ketlhengkap ham, nekha emmeio'ok alhto ka neleltennaskama ania'a aplhenammap Eniapom Neten, nekha emmeiok alhto ka nhan akiavai'a nenmakmekama kakpota mankolientelhek apvalho'ok ketlhengkap hengellangko nlho lhamakho qaselha alaimelhkelha la'a ennengko'o.

1 Tesalonicenses 5:12

Ketlhengkap elialheng'a, nengeleltavek ennengko'o ellahok apkelemhama apmaniaie apanko'ok apkenmakmekama mota akientalhnema m'a, apkennaveskama mota kakpota nhan apketlhekmosekamok aktemakha Apveske engankok.

2 Tesalonicenses 3:13

Koka ketlhengkap engelialheng'a nengeleltavek ellanangko mota qaselha altaqmelo.

2 Tesalonicenses 3:5

Nengeleltavek na ennengko'o elpasmok Apveske Jesús kakpota ellasekhok po'ok ka aptemo nak ma'a Eniapom Neten apkellamelaiakmek aplhamakho enenlhet'avok, ellangkok na apkeliennaktema kakpota elvaskapok neksa akvai'a la akientalhnema.

2 Tesalonicenses 3:8

ma lhta antoiangkok nentekamok pan metka akianmoma la'a, nientelhek anke lhta mota nenmakmekama lhamakho aknem kakpota mongelientalhneskesek apvalho'ok ketlhengkap ham hengellangko nlho mota nentekamok.

1 Timoteo 4:10

Ka ngkanek na ennengko'o nenteniaiangkavek eniempeiok nenmakmeiangka, nellammelhmek na hengellammelhmakha la'a ngkanek nietnek alel·halhnekama engelvalho'ok hengelpasmok hata Eniapom Neten apto metnenvaiam annelha, apto nhan hengelvonkeskama tep aplhamakho enenlhet'avok, tep ankek ma'a apkellelto la meliaskeiam.

1 Timoteo 5:17

Nietavek etlhevangkok akianmoma akietemo nkoie aniem'o nhan apkellai'o metno apketko'ok anak apkellelto apkenmakmekama akientalhnema apieseksek anak ham, apkellelto nak apkeleltennaikama, apketlhekmosekamok nahan.

Hebreos 10:36

Elel·halhen hata metka apkelpekheskama ellanangko mota nhan apkellanemakha etnangkok Eniapom Neten, netamen etlhevangkok hata qaselha apeneskamo lhta aplheianma ellangkok hata m'a.

Hebreos 12:1

Ka aplhamakma lhnak nanek enenlhet'avok alheno lhkek malha hengellanekama aptaiangkok ennengko'o m'a neksa nellaniemhaikama hengke'e. Ka ngkanek ntasek annengkenekha malha nelpatmekama akientalhnema la'a, ngkollatsekama nak nahan hengeliaseiangko mota lhma, kakpota anganiemhama metka akpekhai'a. Malha aktonak ma'a apkelpaivasemmap anak enenlhet apkeniema metka akpekhai'a ngkanek aholhek amai.

Hebreos 13:13

Ennengko'o nhan nkaimelhkek antangkok malha nelenteiapma m'a apiav'akha temma, angenmangkok na takha akientalhnema aniem'o neltaqnommalhka malha aktemo lhta apkaniemhaikama Jesús ma'a.

Hebreos 6:10

Ngkanek Eniapom Neten apto apeivomo panke', melelvangkamek na ketlhengkap ma'a apkelpasmomo lhta, apkellasekhai'o lhta nhan apkelpokkanma nak akvakmo nenvanlha nak.

Hebreos 6:12

Moltok nkovak aknem aptaikamok mankonmahai'a enmakmama ketlhengkap, ntasek koka elvanangkok ma'a malha aptaiangkolha nak ma'a apkellelto ta apketlhevaikamok qaselha aplheianmo lhta Eniapom Neten aniem'o nhan ma'a meliaskeiam, metka nhan apkelpekheskama apkellailhema qaselha nkovak hata.

Hebreos 6:15

Mang nak nanek epekheskamak Abraham apkelailhemo apkeltennaskamo lhnak nanek apaivoma Eniapom Neten ellangkok hata, netamen lhnak nanek aplhevai'o lhamakho qaselha m'a.

Apocalipsis 1:9

Ko'o Juan asto elialheng'a ketlhengkap, nengelelto nhan nennemolhema akieto nak aptemakha apveske Eniapom Neten. Aslengaiangkek na lhemek akientalhnema ketlhengkap, nengetlhevaikamok na nengeliennaktema kakpota angelvaskapok ma'a. Asne lhta ko'o m'a akieto akiaqiema lhepop iemmen nekhav'ak akvesai'a Patmos aniem'o aspaieskama mota ania'a apankok Eniapom Neten, kanhan ania'a aktemakha asvetaiangko lhta Jesucristo.

Apocalipsis 3:10

Aptaqmelkaskek na aspaioma askanemakha etnek lheiap metka apkelvateskaiam heieplekama, ka ngkanek ataqmelkesek hata akvo'o ta aplengaiangko akientalhnema takhalhet lhmankek ham.