Apocalipsis 2:10 - Nuevo Testamento Toba Maskoy

¹⁰ Koka meniaga nkek akmak'o ta nkovak aplengaiangko lheiap. Moklhem'a ta apieseksek anak ketlhengkap ngkolhek hata allaklhengkaso nemmammalhkelha aniem'o aveske keliaqhameio' kakpota nhan ngkolhek aliepkono m'a, ellengangkok hata akvakmo 10 aknem. Ka apvaskapo ta lheiap m'a akvakmo apketsepo niekhe, ko'o ta angvangkok akianmoma apnaksepma akvesai'a akiennaktema apneniek mokhom".

Apocalipsis 2:10 Iomraidhean Croise

Marcos 13:13

Eltaknevakpok hata ketlhengkap ngkanek ko'o askeltamesaikamok, koka ngkolhek hata alvongkaso tep apkellelto nak melvatesaikamok akvakmo ta aktakha nnelha aknem lhmankek ham.

Marcos 8:35

Enenlhet apto la apmahai'a evongkasakpo pankek tep apiokhoho, emaskengvomok hata m'a. Koka enenlhet apto la meniommakpo pankek apiokhoho aniem'o heieplekama kanhan apmama takha ania'a aktaqmanma nak, evongkasakpok hata tep ma'a.

Lucas 21:12

Amanie apmak'akha ngkotnek akientalhnema nak, ngkolhek hata anmenlhenangka ketlhengkap, elpathetakpok hata. Ngkolhek hata allangkongvakmo apkelemhama apmaniaie' apkaqnekhelha judios kakpota ngkolhek aknaktemo' nemmammalhkelha' aniem'o asvesai'a ko'o.

Juan 12:25

Enenlhet apto la apkamelaiakmo neten ankek apkaniemhaikama apanke, emaskengvomok hata m'a. Koka enenlhet meniamelaikama apankek apkaniemhaikama, eloka ta m'a mankotnengvaianlha nnelha apkaniemhaikama.

Juan 13:2

Mpeneske lhta akmaikama aveske keliaqhameiok Judas, Simon Iscariote apketka kakpota eselhnanak Jesús ma'a. Apiave lhta Jesús apto Eniapom Neten apkapaskama kakpota nhan etaqhok apnakha m'a, apiavek na Eniapom apkaiangko lhamakho aktemakha apmopvana m'a. Neksa aptaveikokha lhta pelhasep ma'a, apkenmakho lhta neten Jesús, ka apleko lhta apkaqlammap, aptetakho nhan lhema ietamopai'a napokha neplhet.

Juan 13:27

Neksa apkaikamo lhta pan Judas, kolhvave lhta ntalhnak apvalhok Satanas ma'a, lhta aptak Jesús apkano: —Judas, epekheso ta apkelanai'a qaselha aklhenakha apvalhok —lhta aptak.

Hechos 20:24

Koka mamma aptaikama evalhok angvetsepok kelhaha, askeltavek ko'o asavhok asmakmekama malha askelpaivasemmalhka aptakha lhta apaivoma Apveske Jesús heiano akieplomo akpaihekha evalhok, apkeltemo lhta apaiaksek ania'a aktaqmanma aplhenammap hengellamelaiam Eniapom Neten.

Hechos 21:13

Koka lhta aptak Pablo hengellatemmongka: —Mollaiose nke apvalho'ok ketlhengkap, meliapqalh ankek nahan, aniakha ta ko'o Jerusalen niekhe astetemmalhka ta m'a, niekhe nhan asmatnama ta aniem'o apvesai'a Apveske Jesús —lhta aptak hengellano m'a.

1 Corintios 9:25

Hai, apkellelto la apkenmahai'a elpasengvomok apkelpaivasemmap, elpekkenekha aknaqtevaskama la apiempeiok kakpota ennaksepok ma'a, eteniamo ta apiempeiok kakpota ennaksepok akianmoma qaselha nelhanma nak empatek, koka nkomaskok hata nhan alatsengka m'a. Ka nellaniemhaikama nak ennengko'o nengelelto Eniapom Neten apkennemolhema, malha nelpaivasemmalhka ntemak ma'a, koka akianmoma ta nentetema empatek anak mankavankek nkomaskengvomok ma'a.

Efesios 2:2

Apkellaneiangke lhta nhan ngkollatsekama ketlhengkap aptaiangkolha nak enenlhet'avok lhmankek ham, apkeleliehekhave lhta ketlhengkap kasekapo av'alho'ok aveske alloma nak ma'a neten, anmaikama aplhamakho apkellelto nak meleliehekho Eniapom Neten.

Efesios 6:12

Mongennapelhkak ennengko'o enenlhet lheme nak, koka nengennapelhkak ma'a kasekapok av'alho'ok alleniem'o neten, akietno akmovana, akientalhnemo nhan takhalhet'ok ienaqtesakha lhma neniava alhma nkek ham.

Santiago 1:12

Aktaqmelakho nkek enenlhet meliehekho la akiatekamok akiaspongkomakha apvalhok ngkolatsekama. Apvaskapo la nhan, elhkak hata akianmoma apnaksepma akiennaktema apkaniemhaikama apkelpeneskeskamo lhta apaivoma Eniapom Neten ellangkok hata m'a apkellelto la apkellasekhai'o.

1 Pedro 5:4

Netamen apvaktamo ta m'a Apveske apanko'ok apkellanekama nepkesek, etlhevangkok hata akianmoma apkennaksepma apkelelhnekha apkatko'ok metka aktepelkammalhka nhan ma'a.

1 Pedro 5:8

Amanie la apkenmahai'a ellanangkok qaselhaha, nkaimelhkek nkolketmok apvalho'ok sekhe, elketnamok hata nhan ngkanek mankotno emmo'ok aveske keliaqhameio' nloka motaha malha aktonak akmeiva la'a akielhaivekamaha akteniai'a mota akmak'akha la nkotvok akiokho nkoie.

Apocalipsis 13:14

Nkeliennenkaske lhta aplhamakho enenlhet'avok aniem'o allanai'a qaselha mongenatkeskama, nemo lhta aiangkoho naqtek ma'a kaselha nevhak amanie lhta akteiapma. Nkeleltave lhta nhan ellanangkok apkelietkeskamo akiokha m'a kaselha nevhak akiavai'a lhta akiensaskama pelettav akvenaktema, aktaqmanveiam alhta nhan ma'a.

Apocalipsis 13:2

Malha lhta kemhava kaselha nevhak nengai'o m'a, amankok alhto ka malha oso nak, atong alhto kanhan malha iama akmeiva. Ka menasma lhta akiavai'a nkanke lhta akmovana kakpota nhan aktanema aveske, kanhan akiavai'a akientalhnemo.

Apocalipsis 13:7

Nne lhta nhan angkoho kakpota nkonnapalhkak apkellelto apkelpokkenammap akvakmo nhan altemeskesakho koneng. Nne lhta nhan angkoho ngkotnek akientalhnemo takhaplhet'ok lhamakho aknema apkelpasmekha apketkak neptamen, lhamakho aptemakha natemma, apkelpaqmeiasma, kanhan lhamakho aptemakha apkellavakha.

Apocalipsis 17:14

Nkonnapalhkak hata akieplomo atlhelhma'ak ma'a Nepkesek Apketkok, koka koneng hata etneskasentak ma'a ngkanek apto Apveske neten apankek melhnok po'ok apveske la'a, Apiav'akha Apveske nhan neten apankek melhnok po'ok apiav'akha apveske. Etnangkok hata nhan apketlhelhma'ak apkellelto lhta apkellavommap anak, apkeliekiesammap nahan kanhan apkelleliehekho mota m'a —lhta aptak heiano ángel ma'a.

Apocalipsis 2:13

"Asiave ko'o apnek lheiap akieto akietnemakha nak aktanema aveske Satanas, man koka heieniekhak lheiap, meietnekhok nahan, mang na hei'askeiakmok lheiap neksa apmatnama alhta Antipas apto lhta nhan ma'a apaieskama mota ania'a asvesai'a ko'o, meietnekho lhta nhan ma'a Antipas, lhtoka apmatnamak ma'a akieto aknemakha Satanas.

Apocalipsis 2:9

"Asiave ko'o aplengaiangko mota lheiap, mamma apketsekama, koka malha aptemak nema la apketsekama. Asiavek na ko'o apkeltaknongkoma lheiap ma'a apkellelto nak apkeleltammakpo pankave nak judios, koka apkellelto ankesekhelha mota Satanas ma'a.