Apocalipsis 19:8 - Nuevo Testamento Toba Maskoy

⁸ Nnek alto nkotalhnekhak aktalhnema apmennave lino, akmopai'a apanke, apkapommatemo nhan, ka aktalhnema nak lino akietkesammalhka apkeltemakha apkelpeivomo apkellelto nak apkelpokkenammap —lhta aptangkok ma'a.

Apocalipsis 19:8 Iomraidhean Croise

Marcos 9:3

Apmopai'a pankek nak aptaiekha aptalhnema, malha apkelienmoma lhnak. Mamma lhnak apno ietamopai'a apmopai'a nkaqhok nema alienieskama nak.

Lucas 24:4

Nketlhengamavek nak nkenio'ok mankolvetai'o aphapak Jesús, ka akpelapkeskamo lhnak apkeliephongvai'a apqanet enenlhet apkelteteskai'o lhnak ngkelvana'ak ma'a, apkenmopai'a pankek nak apkelentalhnema m'a, apkelienmomo nhan.

Romanos 13:14

Alpeivekha koka etnamok, eleliehekhok koka mota Apveske engankok Jesucristo, mellanko nkek nkonmama altakha la apvalho'ok aliaspongkomakha nak.

Romanos 3:22

Hai, Eniapom Neten hengeltemeskaskek nengelpeivomo nenlhamakho lhmankek ham aniem'o mongeliaskeiam Jesucristo ngkanek nennavek emmo'ok napaqtek ma'a.

Apocalipsis 15:4

Ellahok hata mota enenlhet'avok lheiap Apveske, eliavenkaskesok hata nhan apvesai'a ngkanek apto Apokkenammap memangveiam ngkolatsekama, lhamakho apkellavakha lhmankek ham elelhiemok hata apnakha lheiap kakpota elteklhengkok aptapno'ok napaqtek ma'a aniem'o apkellai'o, ngkanek apkelvetai'ak akpeivomo qaselha apkelanai'a mota lheiap —lhta aptangkok apkennekmasengko m'a.

Apocalipsis 15:6

Ka apkelentepo lhta 7 ángeles alhta m'a apkelletsekama lhta 7 qaselha akmovana hentevaksek. Apkelentalhnema lhtoka ietamopai'a nema altema lino, apkelalhnai'o nhan, apkellapommatke lhta nhan ma'a, kakpota nhan apkeliapnama akieto neplhet'a koneng apnenio'ok alienmomo nkoie oro.

Apocalipsis 19:14

Neptamen alhto ka apketlheiam kempokhakme apankok apkelleniem'o neten, etanlheng apkenmopai'a lhta apkelkanantema. Apkenmopai'a apanke lhta apkelentalhnema m'a lino apmennave, apkelalhnai'a apankek nahan.

Apocalipsis 3:18

Askangkek ko'o lhema aspaioma lheiap, ¡elheng hengke'e asnakha nak! Ema ta oro nema akiamasma natelh nema alalhnasekha kakpota etnek nkeskama apketsekama lheiap. Ema ta nhan apkelentalhnekha apkenmopei'o apankek kakpota memangkama lheiap aniem'o apkalhnai'o, eltelhnamok hata nhan apaqto'ok ponha kakpota etekhak na lhma lheiap ma'a.