Apocalipsis 19:15 - Nuevo Testamento Toba Maskoy

¹⁵ Ntepke lhta apatong ma'a apveske pelettav hanet nekha'a ahanto'ok kakpota eliensasangkok lhamakho apkellavakha lhmankek ham. Etnek hata apveske apiennaktema apankek ma'a, elteianmok hata apankek na uva malha apkelietsemongama apkelanai'a vino. Koka akietkesammalhka akiavai'a nkek aploma Eniapom Neten apto vanlha lhema aphapak aknema apmopvana apankek ma'a.

Apocalipsis 19:15 Iomraidhean Croise

2 Tesalonicenses 2:8

netamen eiephongvak hata m'a. Koka evatak hata nhan ma'a Apveske akieplomo apkapommatema, apvatepnapma ta nhan nkotvaksek ma'a, metka apiennaktema ta nhan etnek ma'a.

Apocalipsis 1:16

7 iav'a lhta apmaikama apmek akiennakha, apatong alhta ntepak pelettav akpeivoma hanet nekha nema anmalhnongkoma ahanto'ok, apommatma lhta napa'at malha lhta aknem katelho nak.

Apocalipsis 12:5

Ngvet'a lhta atka ngkelvana apkennavo lhta m'a kakpota etnek hata apveske apiennaktema takhaplhet'ok lhamakho apkellavakha lhma nkek ham, emama ta m'a iaqiopvahek tavapak koka. Nne lhta akvo'o nematka apietnakha m'a, kno lhta nhan aksakho napaqtek Eniapom Neten, naqtek na aptanema apveske m'a.

Apocalipsis 14:10

Koka enenlhet anak ma'a einek hata metka apiekai'a vino aniem'o aploma Eniapom Neten, ka vino nke nak apeneskamo lhta nohaikok aploma m'a, elhkak hata nhan akiaqmoiekha aptemakha akieplomo talha kanhan azufre napaqtavek ángeles apkelpokkenammap kakpota nhan Nepkesek Apketkok.

Apocalipsis 19:21

Netamen ma'a apvo'o lhta apto apkanantema etanlheng, apkennapke lhta aplhamakho kempokhakme ankok ma'a akieplomo pelettav akvenaktema hanet ahanto'ok akteiapma lhta apatong. Nkellempave lhta anata aktekamok enghapak aktavengko aphapavok akvakmo aliapqanakmo lhta m'a.

Apocalipsis 2:12

—Etalhes no mokhom lheiap ania'a kakpota eniapaskesek ángel apno m'a iglesia akieto Pergamo, ka ntak ania'a hengke'e: Apto nak akietnema pelettav hanet ahanto'ok nema anmalhnongkoma, ka aptak na m'a:

Apocalipsis 2:16

¡Eiaqmongkasekha toka mo'ok apvalhok! Koka melanakho ta heng, avatak hata ham kolhvave nak, annapalhkak hata enenlhet'avok anak akieplomo pelettav akvenaktema akteiapma ehetong anak".

Apocalipsis 2:27

ka aptemo lhta helanei'o tata heiaiangko lhta asientalhnemo. Etnangkok hata nhan apkelveskai'e apkeliennaktema, enmama ta m'a iaqiopvahek tavapak koka. Elelhpokhaksek hata m'a apkellavakha lhmankek ham, malha ngvenka nak nialpa apkelhpokhammap hata ngkotnek ma'a.