Apocalipsis 19:10 - Nuevo Testamento Toba Maskoy

¹⁰ Ka askelteklheio lhta etapno'ok napaqtek ángel ma'a kakpota angvahok ma'a, koka lhta aptak heiano mokhom ma'a: —Have, metne ham, koka nietavek elteklheiok aptapno'ok napaqtek ma'a Eniapom Neten, ko'o nhan asto heiasennaikama m'a, snavek ko lheiap ka nhan apkelialheng'a nak meliaskeiam ania'a aplhenammap Jesús. Koka ania'a nak malha akvatepnapma allaikamok ma'a apkeleltennasemmap ania'a —lhta aptak heiano ángel.

Apocalipsis 19:10 Iomraidhean Croise

Marcos 5:22

Ka apvai'o lhnak na lhema apkemhama apmanie nemaknekhelha judios apvesai'a Jairo apnakha Jesús ma'a, apkelpalengvai'o lhnak apkenmangkelha, lhna aptemak:

Marcos 7:25

Nlengai'ak nak ania'a lhema ngkelvana apvaiam Jesús ma'a, atka lhnoka akmaikama kasekapok av'alhok akpaiseiam. Akmeiekho lhnak apnakha m'a, alpalengvekho lhnak akieto apkammelhakha.

Lucas 1:19

Ka apkatemmoiangka lhnak mokhom ángel ma'a, lhna aptemak: —¡Se lha kto hei'askakmo nak lheiap ke! Gabriel ko'o Eniapom Neten hennenkasekama, apto nhan heiapaskama kakpota altennaskatak ania'a aktaqmanma nak.

Lucas 24:44

Netamen nak Jesús ma'a lhna aptemak apkellanemo mokhom: —Aktakha nak asvetammalhka ko'o, askeleltennaskangke lhta mota ketlhengkap, ntemengkek askaniemhaikama aklheianmo lhnak nanek ley Moises, apkeleltennasemmap ania'a annenga kakpota nhan vakkahak Salmo hetlheianma ko'o —lhna aptemak Jesús.

Juan 5:39

Apkeltakmelkasavek niekhe apkelietsatekamok Vakkahak Eniapom Neten Apaivoma ketlhengkap, ngketlheianmek apvalho'ok elvetangvomok hata m'a aliennaktema apnenio'ok mankotnengveianlha nnelha, koka helheianme' ko'o vakkahak anak aktalhesammalhka.

Hechos 10:43

Apketlheianmek nak nanek na apkeleltennasemmap ania'a Eniapom Neten etneskesama lhna lhta apankek meleliehekho apkellaskamakha apkellelto la meliaskeiam apvesai'a Jesús ma'a —lhna aptemak apkellanemo Pedro enenlhet'avok ma'a.

Hechos 13:27

Apkellelto lhta apkelemhama apmaniaie kakpota nhan enenlhet'avok apkellavakha nak ma'a Jerusalen, ma lhta nkotlheianveiakmok apvalho'ok apto m'a Jesús. Lhamakho aknem nennekhelha sabado lhta nha niekhe apkaknekhak ma'a akieto apkaqnekhelha apkelietsateiangko lhta nhan apnaktalheskama apkeleltennasemmap ania'a, koka nkaqhemavek apnaqtevaskangkek Jesús. Aptaiangkek ma'a aktemakha apketlheianma apkeleltennasemmap ania'a annenga ngkotnek hata m'a.

2 Corintios 8:7

Avanhek ankek apkellanekamok qaselha altakmanma ketlhengkap, ka kto nak meliaskeiam, aktaqmanma apkelpaqmetekama, apkeliangveiakmo, akmases apvalho'ok neksa apkenmakmekama, hengellasekhai'o nhan ennengko'o. ¡Elienlhanmamok hata nhan eliavenkasangkok tep mokhom patakkom apkellankesekha kakpota elpasmok po'ok aniem'o apkellasekhai'o!

Efesios 5:15

Ka nkeniemai'ak na m'a eltaqmelkasakpok neksa apkellangiemhaikama ketlhengkap ma'a, metnamo nkek aptaiangkelha enenlhet anak metka apqatko'ok, etnamok koka nema apkeliamoho.

Efesios 5:33

Hai, ka m'a, ntase anke mota ketlhengkap ellamelemma mota apnaqteiangka'a, ka kto nak apkellamelammakpo apankave'. Ketlhengka' nhan apnema nak anakteiangka'a ntasek na nkollaho mota anakteiangka'a.

Filipenses 3:3

ngkanek aplhamakho apkellelto nak apkellasennaikama Eniapom Neten aniem'o nhan Espíritu, malha nhan nema aliaqtemanma nekhatkok apkellammelhakha m'a ntak napaqtek ma'a. Koka akto nhan neten ankek akiaspommalhka m'a mangkolhnok ma'a aliaqtemenammalhka nekhatkok apkellammelhakha judios apankave'. Nkellaqhama ennengko'o engelvalho'ok aniem'o mongeliaskeiam Cristo Jesús, mongelleltemo ennengko'o ngkolhek hengelleltaqmelkeskaso aniem'o nelieplavkeskama aptaiangkolha nak judios.

1 Tesalonicenses 5:15

Mellanko nkek eliaqmongkaskesekhak po'ok apkellaneskeskama la ngkolatsekama, ntasek koka mota eteniangkok ellanangkok qaselha altaqmelo apieseksek anak ketlhengkap kakpota nhan apieseksek po'ok anak enenlhet.

Hebreos 1:14

Nkanek ángeles apkellelto malha eniempehek apkellasennaikama Eniapom Neten kakpota ellapaksek elpasmok apkellelto nak apkelvonkasemmap tep.

Hebreos 12:25

Hai, ntasek ankek ketlhengkap apkelvetai'a neksa apkellangiemhaikama, ka ngkanek ntasek meltaqneve' kno la alpaqmetkeso, ¡ellaho ta nkovak akientalhnema! Mang nak nanek elvaiakmok tep ma'a apkellelto lhnak nanek apkeltaknongkoma apkellanemmakpelha etnangkok m'a aniem'o nhan enenlhet apankek apkellaikamok apaivoma m'a. Aselhtek hata nhan elvomok tep apkellelto la apkeltaknongkoma apto apkennaveskama m'a aniem'o nak neten.

1 Juan 5:10

Apto la enenlhet mei'askeiam Eniapom Neten apketka, apmek na takha aplheianma Eniapom Neten aptemakha Apketka. Koka apiaskakmo la enenlhet, apkeltangkek na apmopvana ania'a Eniapom Neten.

1 Juan 5:21

Eietkak apketko'ok, melpasengvom ankek qaselha akiokha alanemmalhka nak.

Apocalipsis 1:1

Koka hengka vakkahak anak aktalhesammalhka nietnek qaselha apvetaskeskama Eniapom Neten Jesucristo akmak'akha ta ngkotnek angketvai'a lhmankek ham kakpota elvetaskesek apkellasennaikama. Netamen apkapaso lhta Jesucristo lhema ángel kakpota esantengkesek ania'a m'a apkasennaikama apankok apvesai'a Juan.

Apocalipsis 1:9

Ko'o Juan asto elialheng'a ketlhengkap, nengelelto nhan nennemolhema akieto nak aptemakha apveske Eniapom Neten. Aslengaiangkek na lhemek akientalhnema ketlhengkap, nengetlhevaikamok na nengeliennaktema kakpota angelvaskapok ma'a. Asne lhta ko'o m'a akieto akiaqiema lhepop iemmen nekhav'ak akvesai'a Patmos aniem'o aspaieskama mota ania'a apankok Eniapom Neten, kanhan ania'a aktemakha asvetaiangko lhta Jesucristo.

Apocalipsis 12:11

Koka apkeleltemeskesakhe lhta koneng ma'a aniem'o lhta akiangkenammalhka ema apankok Nepkesek Apketkok, aniem'o lhta nhan apketlheianma apvesai'a m'a metka apkellai'a, nkaqhok apkenmahai'a etekio'ok

Apocalipsis 12:17

Ma lhta nkasak ankek aklavo menasma akiavai'a alan'o ngkelvana lhta m'a. Mmeiakhe lhta m'a kakpota nkonnapalhkak aplhamakha atkak netamen ma'a ngkelvana, apkellelto apkelleliehekho mota henganemakha Eniapom Neten, apkellelto nhan apketlhengkeskama apketlheianma apvesai'a Jesucristo.

Apocalipsis 14:7

Lhta aptak apiennakteso apaivoma: —¡Ellaho Eniapom Neten! Eliavenkaskesama ta nhan apvesai'a ngkanek ngva'ak aknem kakpota eliekpelkok aplhamakho enenlhet'avok lhmankek ham apkellanekamok altaqmelo, ngkolatsekama nhan. Elteklhemok hata nhan aptapno'ok napaqtek ma'a aniem'o apkellai'o apto apkelanai'a neten, nalhepop, alvata akiav'akha kakpota nhan akteiapmakha iemmen aktaqmanma —lhta aptak ángel.

Apocalipsis 15:4

Ellahok hata mota enenlhet'avok lheiap Apveske, eliavenkaskesok hata nhan apvesai'a ngkanek apto Apokkenammap memangveiam ngkolatsekama, lhamakho apkellavakha lhmankek ham elelhiemok hata apnakha lheiap kakpota elteklhengkok aptapno'ok napaqtek ma'a aniem'o apkellai'o, ngkanek apkelvetai'ak akpeivomo qaselha apkelanai'a mota lheiap —lhta aptangkok apkennekmasengko m'a.

Apocalipsis 19:9

Netamen lhta aptak heiano mokhom ángel: —Etalhes no ta asmak'ak hata atnek aspaioma: Aktakmelakho nkek apkellelto nak nema allanema elpasengvomok taqmelaikama lhma aliemhapma ta Nepkesek Apketkok, ka stakha nak ko'o alheianma have niapak, aniem'o nhan Eniapom Neten —lhta aptak heiano ángel.

Apocalipsis 4:10

Apkellelteklhengke lhta nhan aptapno'ok metno apketko'ok, apkelel·halhentamo lhta nhan napaqtek apto apnema aptanema apveske m'a aniem'o apkellai'o apto metka akvaiam annelha aliekaikamok iantelhkapa apkaniemhaikama, apkelhangke lhta mota apkelelhnekha apqatko'ok napaqtek apto apnema aptanema apveske, lhta aptangkok ma'a: