Apocalipsis 18:2 - Nuevo Testamento Toba Maskoy

² Apiennakteso lhta nhan apaivoma m'a, lhta aptak: —Nnek aktevaso apiav'akha temma Babilonia, ntakhek akhaiangkolha kasekapok av'alho'ok, alielhanmomakha nhan lhamakho aktemakha kasekapok av'alho'ok alpaiseiam, ntangkokhek na alhano'ok anata ngkollatsekama alpaiseiam.

Apocalipsis 18:2 Iomraidhean Croise

Apocalipsis 1:15

Alapommatema nke lhta nhan apmanko'ok ma'a, malha lhta kto nak tavapak bronce neksa akhanemmalhka la aimenek kanhan nema alalhnaskama la'a aiempek, nkoihek anke lhta apaivoma m'a malha lhta kto nak iemmen akiav'akha la aksepkanma aiempek.

Apocalipsis 10:3

Akiennaktema nke lhta apielhaivoma m'a ángel anak malha akto nak iama kmeiva. Ka allatemmongka lhta nhan 7 apkelelhtenioma m'a.

Apocalipsis 11:8

Elhnangko ta aphapavok amai aiseksek apiav'akha temma akietemelha lhta nhan ma'a apkelhnammakpelha neten iamet aktenneskama Apveske apanko'ok alhta ma'a, koka apiav'akha ta temma nak ma'a malha niekhe Sodoma kanhan Egipto.

Apocalipsis 14:15

Aptepke lhta nhan konne Eniapom Neten apnemakha lhema ángel, apiennakteske lhta apaivoma apaqmetkeso m'a apto lhta apnema neten iephopai'a, lhta aptak apkano: —Eliaqtemen iama pelettav apvohok anak kakpota nhan enaklhek apielhna ham nalhepop anak ngkanek apataiaptak ma'a, ngvakmek aknem nennaklhemakha akielhna —lhta aptak ma'a.

Apocalipsis 14:8

Ka apteiapvo'o lhta mokhom po'ok ángel, lhta aptak ma'a: —Aptevasekpe apiokho apiav'akha temma Babilonia ngkanek malha alienkeskaiam antak vino nkok anmokhetkeskama enenlhet kakpota nkonmensavkesek mo'ok apkellavakha —lhta aptak ángel.

Apocalipsis 16:13

Asvet'o lhta mokhom menasma akiavai'a lhta m'a kanhan kaselha nevhak alhta nengai'o, kanhan apkeltennasemmap ania'a apmopvana ania'a. Nkelentepke lhta atno'ok mokhelhm'a nak ma'a 3 kasekapo av'alho'ok alpaiseiam malha napnekteng.

Apocalipsis 16:19

Nkeliapkesakhe lhta m'a 3 nekha'ak apiav'akha temma Babilonia, apkeliaqnengke lhta nhan lhamakho temma mo'ok apkellavakha. Nlheianvakhave lhta nhan apvalhok Eniapom Neten apkeltemakha ngkolatsekama ko Babilonia kakpota elienkesek hata nohaikok vino akiavai'a nkek aploma m'a.

Apocalipsis 17:18

Koka ngkelvana apvet'o lhkek lheiap akietkesammalhka m'a apiav'akha temma, akto nhan aveske takhaplhet'ok apkelveskai'e nko'ok lhmankek ham —lhta aptak heiano ángel ma'a.

Apocalipsis 17:5

Nietne lhta nhan aktalhesammalhka akpaihakha na'at akvesai'a mammopvana anioho, lhta ntak alqama hengke'e: "Akiavai'a nkek Babilonia ngkana'ak nan ma'a ngkelvana'ak allanaktema kakpota nhan qaselha ngkollatsekama nkek", lhta ntak aktalhesammalhka akpaihakha na'at ma'a.

Apocalipsis 18:10

Koka melteteskamek hata nhan ma'a aniem'o apkellai'a aktakha aklengaiangko m'a, mokhek hata elaqnek ma'a elammelhok, hata etnangkok na m'a: "¡Ai, mamma nkotneskesek lheia apiav'akha temma Babilonia, nietne lhta niekhe akmovana, koka mpelapkaske akvet'o akientalhnema nkek ham!"

Apocalipsis 18:21

Netamen asvet'o lhta mokhom po'ok ángel aknema apmopvana apanke, apkenenkasakhe lhta neten lhema metaimong akiavai'a akiaqiema malha lhta akto nak akteklheklhema nak trigo, ka apieniantamo lhta takhalhet alvata iemmen, lhta aptak: —Hata ngkotnek lheia hengke'e apiav'akha temma Babilonia, kno ta akieniantamo koneng akiennaktema nkek koka, mankotalhkek hata mokhom.

Apocalipsis 5:2

Ka asvet'o lhta nhan mokhom lhema ángel aknema apmopvana apanke, apiennakteso lhta apaivoma, lhta aptak: —¿Se lha enenlhet nkoietok elentaksek 7 nema aliepetkeskama kakpota emaiesekhak vakkahak nema alpelhiangkamekamok anak, he? —lhta aptak ma'a.