Apocalipsis 17:6 - Nuevo Testamento Toba Maskoy

⁶ Malha anmen ato nke lhta ntak ngkelvana alhta m'a aniem'o akiama ema apanko'ok apkellelto apkelpokkenammap, aptekioma lhta neksa apkelpaieskama apvesai'a Jesús. ¡Ntenkaske lhta ko evalhok asvet'o m'a!

Apocalipsis 17:6 Iomraidhean Croise

Juan 2:10

lhta aptak apkano: —Aptaiangkolha apankavek mota enenlhet ellangkok amanie vino aktaqmanma, koka melleso la apienangko apkellelto apkelpasengvai'a, netamen ellangkok mokhom mo'ok vino iama aktaqmanma. Koka alpeivekha aptak lheiap, alhaie apkellangkok vino neten ankek aktaqmanma —lhta aptak apkemhama apmanie nema allennengkasekama.

Hechos 22:20

Apkeliavek na enenlhet asne lhta nhan ko lha m'a akieto lhta apkennapakha enenlhet Esteban, apto lhta apkasennaikama lheiap, aplhenaikama lhta nhan apvesai'a lheiap ma'a. Nlekave lhta nhan evalhok apkennapo Esteban ma'a, askeltaqmelkaskaske lhta nhan apkelaqlammap apkellelto lhta apkennapma m'a hellangkongvai'a", lhta stak askano m'a.

Apocalipsis 12:11

Koka apkeleltemeskesakhe lhta koneng ma'a aniem'o lhta akiangkenammalhka ema apankok Nepkesek Apketkok, aniem'o lhta nhan apketlheianma apvesai'a m'a metka apkellai'a, nkaqhok apkenmahai'a etekio'ok

Apocalipsis 13:15

Nne lhta ankok akmovana m'a alhaie lhta akteiapma kakpota nkovatepnapok nema akietkeskamo lhta akiokha alanemmalhka m'a amanie lhta akteiapma kakpota nkoliatama m'a. Nkoltok ngkolhek annapo apkellelto la melteklheikamok aptapno'ok naqtek ma'a.

Apocalipsis 13:7

Nne lhta nhan angkoho kakpota nkonnapalhkak apkellelto apkelpokkenammap akvakmo nhan altemeskesakho koneng. Nne lhta nhan angkoho ngkotnek akientalhnemo takhaplhet'ok lhamakho aknema apkelpasmekha apketkak neptamen, lhamakho aptemakha natemma, apkelpaqmeiasma, kanhan lhamakho aptemakha apkellavakha.

Apocalipsis 16:6

aptaiangkolha enenlhet'avok apkellanekamok anak ngkollatsekama, apkeliankenkaseiangke lhta ema apanko'ok apkellelto apkelpokkenammap kakpota nhan apkeleltennasemmap ania'a. Lheiap koka nhan apkellangkokhak ema kakpota einangkok ma'a ngkanek nkelietavek einangkok ma'a —lhta aptak ángel.

Apocalipsis 2:13

"Asiave ko'o apnek lheiap akieto akietnemakha nak aktanema aveske Satanas, man koka heieniekhak lheiap, meietnekhok nahan, mang na hei'askeiakmok lheiap neksa apmatnama alhta Antipas apto lhta nhan ma'a apaieskama mota ania'a asvesai'a ko'o, meietnekho lhta nhan ma'a Antipas, lhtoka apmatnamak ma'a akieto aknemakha Satanas.