Apocalipsis 17:2 - Nuevo Testamento Toba Maskoy

² Malha apkenmensekamo mota aptaiangkok aplhamakho apkelveskai'e m'a lhmankek ham, nkelieieskangkek na lhma m'a aniem'o allaikamok vino anmensoma ankok —lhta aptak heiano ángel.

Apocalipsis 17:2 Iomraidhean Croise

Juan 2:10

lhta aptak apkano: —Aptaiangkolha apankavek mota enenlhet ellangkok amanie vino aktaqmanma, koka melleso la apienangko apkellelto apkelpasengvai'a, netamen ellangkok mokhom mo'ok vino iama aktaqmanma. Koka alpeivekha aptak lheiap, alhaie apkellangkok vino neten ankek aktaqmanma —lhta aptak apkemhama apmanie nema allennengkasekama.

Apocalipsis 14:8

Ka apteiapvo'o lhta mokhom po'ok ángel, lhta aptak ma'a: —Aptevasekpe apiokho apiav'akha temma Babilonia ngkanek malha alienkeskaiam antak vino nkok anmokhetkeskama enenlhet kakpota nkonmensavkesek mo'ok apkellavakha —lhta aptak ángel.

Apocalipsis 17:13

Ka 10 anak apkelveskaie' annemo mo'ok apvalho'ok ma'a akmak'akha nha nkotnek, nkollangkok hata apkelientalhnemo kanhan apkenmopvanka'a kaselha nevhak nengai'o lhkek.

Apocalipsis 17:17

Eniapom Neten alhtoka apkeltemeskasak nkotlhenek apvalho'ok 10 lhek apkelveskaie kakpota ellangkok akientalhnemo kaselha nevhak lhek nengai'o, akvakmo toka nhan aknem aklheianmakha apvalhok ma'a.

Apocalipsis 17:5

Nietne lhta nhan aktalhesammalhka akpaihakha na'at akvesai'a mammopvana anioho, lhta ntak alqama hengke'e: "Akiavai'a nkek Babilonia ngkana'ak nan ma'a ngkelvana'ak allanaktema kakpota nhan qaselha ngkollatsekama nkek", lhta ntak aktalhesammalhka akpaihakha na'at ma'a.

Apocalipsis 17:8

Ka kaselha nevhak lhek nengai'o, lhennenga lhnak nanek akienaqtemakha m'a, mmaskengvakmek koka nenvetai'a m'a. Koka nkotiepok hata mokhom ma'a konne malhek konne kankek, nkoiaihama ta takhalhet lhepop anak lhmankek ham, koka nkotvasalhkak hata mokhom ma'a. Nkopalesemmak hata apvalho'ok apkelvet'o ta apkellelto nak nkolhnaikamok apkelvesai'a vakkahak akiennaktema enneniek, lhennenga lhnak na nek na akietnemakha m'a vakkahak anak, amanie alanemmalhka lhnak na ne lhma nkek ham.

Apocalipsis 18:23

Ienaqtesa lhma ta nhan ngkotnek akieto nak lheia, nkomaskengvomok hata nhan aklengammalhka apaivoma nema aptava kanhan nema atava aliemhapakha la'a. Nkanek macatero anko lhta lheia' apkellelto neten apankavek ma'a, nkeliennenkeskangkek lheia lhamakho apkellavakha lhmankek ham aniem'o aktema iolhma nkoihamolhma —lhta aptak ángel.

Apocalipsis 18:3

Nnek aktevasakho m'a ngkanek nkelieieskangke lhma aplhamakho apkelveskai'e lhmankek ham aniem'o allaikamok vino anmensangveiam alhma ankok ma'a. Lhamakho macatero nhan aptangke nkeskama patakkom apanko'ok ngkanek alanai'a mota allangkemmalhka ankok ma'a ngkolatsekama, ntevaskangkek na patakkom ankok ma'a —lhta aptak apiennakteso apaivoma ángel.

Apocalipsis 18:9

Elvetak hata akmeta eten ankok aplhamakho apkelveskai'e apkellelto lhta apkelpasengvaiam amota allangkemmalhka nkok ma'a kanhan apkelvanekamok aktemakha alanaktema, elleklhamong hata, eiapqalhek hata nhan apkelietnai'o na'at ma'a.

Apocalipsis 2:22

Angvapaskesek hata akiavai'a akmaska aiempek, kanhan akientalhnemo takhaplhet'ok enenlhet'avok apkellelto la apkelpathetaikamo mota m'a, melvatesanko la nhan apkelvanekamok aktemakha alanaktema m'a.

Apocalipsis 3:10

Aptaqmelkaskek na aspaioma askanemakha etnek lheiap metka apkelvateskaiam heieplekama, ka ngkanek ataqmelkesek hata akvo'o ta aplengaiangko akientalhnema takhalhet lhmankek ham.

Apocalipsis 9:21

Ma lhta nhan eliaqmongkasekhak mo'ok apvalho'ok enenlhet'avok anak, melvatesaiangkok na aptaikamok ntekioma niapma'ak, apkeliolhma meliamolhma, apkenmensangveiam alhma kakpota nhan apkenmenielhma.