Apocalipsis 17:16 - Nuevo Testamento Toba Maskoy

¹⁶ Ka 10 lhek nkapet'ok kanhan kaselha nevhak lhek nengai'o eltaknongvakhak hata ngkelvana lhkek alanaktema, elieniekhak hata nhan alhnai'o m'a, etavokhak hata nhan apetek ankok ma'a, elvanlhekhak hata nhan akieplomo talha apak ma'a.

Apocalipsis 17:16 Iomraidhean Croise

Apocalipsis 12:3

Asvet'o lhta nhan mokhom kaselha mongenatkeskama neten, lhema kaselha nevhak akloma akielhvasema lhta m'a. Malha menasma akiavai'a lhta m'a, 7 lhta apqatko'ok ma'a, 10 alhtoka nhan apet'ok, 7 lhta nhan aknaktetema apqatkok.

Apocalipsis 16:12

Ka apiangkeno lhta mokhom sexto ángel nohaikok takhalhet alvata Eufrates, akiemak'o lhta nhan iemmen ma'a, apkelpeneso lhta nhan amai apkeliav'akha apkelveskaie apkelleniem'o ko tep aknem.

Apocalipsis 17:10

akietkesammalhka nhan 7 apkeliav'akha apkelveskaie'. Apkeletsepke lhtoka m'a 5, kolhva koka lhema aphapak apankek apveske nenvanlha nak. Netamen hata m'a evak po'ok, akiakvatakho nkek hato ka etnek apveske m'a.

Apocalipsis 18:19

Elelhpakhangkok hata lhepop aktek apqatko'ok aniem'o anmaiosak'a apvalho'ok, apkelleklhangvoma kakpota nhan apkelvenema, hata etnangkok akiennaktema nkek apkelvenema m'a: "¡Ai, lheia la ie apiav'akha temma! Hengeltemeskeskangke nkeskama patakkom enganko'ok aniem'o nelletsavkesaikama qaselha ankok nelhaikama loma nemmen enganko'ok, mpelapkaskek koka akno aktevaso lheia", hata etnangkok neksa apkelvenema m'a.

Apocalipsis 18:8

Koka lhema aknem hato ka nkovak qaselha akmovana hentevaksek ma'a, mek, akiapqalhemmalhka kakpota nhan netsepma, ngkolhek hata nhan akvanlhakho m'a nkanek Eniapom Neten aknema apmopvana apanke elhenek akselhnanemmalhka m'a.

Apocalipsis 19:18

kotavamok aphapetek apkelveskai'e, apveske kempokhakme, enenlhet apkeliennaktema, etanlheng aphapetek, apkellelto nhan apkelkanantema, aphapetek enenlhet'avok aplhamakho apkeltemakha, nema allasennaikama nema apkelianmoma, metnangko nema apkelianmoma, enenlhet aptangko neten apankavek kanhan metnangko neten apankavek —lhta aptak ángel apkellano anata aktekamok enghapak.