Apocalipsis 17:1 - Nuevo Testamento Toba Maskoy

¹ Hetetes ko'o lhta lhema aphapak ángel apkeniem'o apieseksek alhta m'a 7 ángeles apketsoiangka lhta nhan nohaikok 7, lhta aptak heiano m'a: —Nok, ateskese ta lheiap nema akiaqmongkasekha aktemakha ngkelvana akto neten ankek alanaktema aknema takhalhet'ok iemmen.

Apocalipsis 17:1 Iomraidhean Croise

Lucas 24:32

Koka lhnak aptaiangkok apkelpaqmetkesammakpo mok apankave' ma'a: —Have na niapak Jesús ha'e enenlhet lhek, nkellekkasema lhkek engelvalhok neksa hengelpeiveskasekha lhkek aktemakha aktalhesammalhka Vakkahak Eniapom Neten Apaivoma nalhet amai lhek —lhna aptaiangkok.

Lucas 9:30

Mpelapkeskankek nak apkelenteiapvei'o Moises nnenga kakpota nhan Elias ania'a niapom annenga.

Apocalipsis 1:1

Koka hengka vakkahak anak aktalhesammalhka nietnek qaselha apvetaskeskama Eniapom Neten Jesucristo akmak'akha ta ngkotnek angketvai'a lhmankek ham kakpota elvetaskesek apkellasennaikama. Netamen apkapaso lhta Jesucristo lhema ángel kakpota esantengkesek ania'a m'a apkasennaikama apankok apvesai'a Juan.

Apocalipsis 15:1

Asvet'a lhta mokhom mo'ok qaselha mongenatkeskama akiavai'a nkek neten, akiemaskama engvalhok alhta m'a. 7 ángeles nnangkok 7 aktakha nnelha qaselha akmovana hentevaksek. Hata aksavhelhko ta m'a, aktakha nnelha ta aploma Eniapom Neten.

Apocalipsis 16:19

Nkeliapkesakhe lhta m'a 3 nekha'ak apiav'akha temma Babilonia, apkeliaqnengke lhta nhan lhamakho temma mo'ok apkellavakha. Nlheianvakhave lhta nhan apvalhok Eniapom Neten apkeltemakha ngkolatsekama ko Babilonia kakpota elienkesek hata nohaikok vino akiavai'a nkek aploma m'a.

Apocalipsis 18:1

Netamen asvet'o lhta mokhom lhema ángel aknema apmopvana apanke apvaivantamo lhta nalhepop. Nketsaskesave lhta lhma nalhepop anak aniem'o akiavai'a nkek apommatema apiokha.

Apocalipsis 19:2

ngkanek apkeliekpelkek aptaiangkolha enenlhet'avok akietemo nkek ma'a kakpota nhan akto have niapak ankek, avanhek apiaqmongkasekha aktemakha akiav'akha ngkelvana alanaktema nak, nnaqtevaskek aplhamakho enenlhet'avok aniem'o anmensangveiam alhma. Eniapom Neten apiaqmongkasakhak na aktemakha aniem'o annapma apkellasennaikama m'a —lhta ntak akiennoma lhma m'a.

Apocalipsis 19:9

Netamen lhta aptak heiano mokhom ángel: —Etalhes no ta asmak'ak hata atnek aspaioma: Aktakmelakho nkek apkellelto nak nema allanema elpasengvomok taqmelaikama lhma aliemhapma ta Nepkesek Apketkok, ka stakha nak ko'o alheianma have niapak, aniem'o nhan Eniapom Neten —lhta aptak heiano ángel.

Apocalipsis 21:15

Apto lhta hepaqmetkeskama ángel nietne lhta iamet alietkesammalhka ankok alienmomo nkek oro. Apmak'a lhta elietkesek na temma lhta m'a, atno'ok kakpota nhan akhalhtemommalhka nepiava m'a. Netamen apkelietkeso lhta na temma m'a, aknemo mo'ok alietkesammalhka akvenaktema, akpaihema kanhan neten, 2.220 kilometro lhta m'a.

Apocalipsis 21:9

Asvet'o lhta lhema phapak ángel apkeniem'o m'a apieseksek 7 lhta apnaikamok 7 nohaikok apanko'ok allaneiangko aktakha nnelha 7 qaselha akmovana hentevaksek ma'a, lhta aptak heiano: —Elheng, ateskesek hata apmahai'akha Nepkesek Apketkok kakpota etnek aptava m'a —lhta aptak heiano.

Apocalipsis 4:1

Netamen alhta m'a, asvet'o mokhom atong akmaihekha akieto m'a neten, lhta ntak heiano mokhom nema aliatekama lhta akiennaktema nke lhta apaivoma, malha lhta ntak trompeta nak akpaivoma, lhta ntak: —Enianamet halep, ataskesek hata lhamakho qaselha akmak'akha ta ngkotnek netamen ma'a —lhta ntak heiano nema aliatekama.