Apocalipsis 16:11 - Nuevo Testamento Toba Maskoy

¹¹ Apkeltaknevakke lhta nhan apvesai'a Eniapom neten aniem'o akiavai'a apkellengaiangko akientalhnema m'a, avanhek anke lhta nhan anmaska al'ok apanko'ok. Nheklhe lhtoka meliaqmongkasekhak mo'ok apvalho'ok aniem'o qaselha ngkollatsekama apkellanekamok ma'a.

Apocalipsis 16:11 Iomraidhean Croise

2 Timoteo 3:13

koka apkellelto nak meliamolhma kanhan apkeliennengkeskama nak po'ok, nkovenke pankok hata apkellanekamok qaselha ngkollatsekama nak, aplhaniek hata etnangkok apkeliennengkeskama enenlhet'avok, koka ngkolhek hata nhan aliennengkasakho m'a.

Apocalipsis 11:13

Mpelapkaske lhta akievhengka lhepop akiavai'a, apkeliaqnengke lhta decima lhema nekha pa'at apiav'akha temma lhta m'a, apkeletsepke lhta 7.000 enenlhet'avok aniem'o akievhekama lhepop, koka apkellelto lhta meletsepma kolhvave lhta apkeliavenkaskesama apvesai'a Eniapom Neten aniem'o apkellai'a m'a.

Apocalipsis 16:2

Ka apmeiakho lhta apmanie ángel ma'a, apiangkeno lhta nohaikok takhalhet lhepop, aktepo lhta nhan al'ok ngkolatsekama nkek, anmaska nkek nahan takhaplhet'ok apkellelto lhta aknaikamok apiempeiok alqama ankok kaselha nevhak nengai'o m'a. Apkellelto lhta nhan apkelteklheikamok aptapno'ok naqtek akiokha nema akietkeskamo lhta akiokha m'a kakpota ellahok ma'a.

Apocalipsis 16:21

Akpallakmo lhta nhan ahekho'ok alleniem'o neten takhaplhet'ok enenlhet'avok lhmankek ham. Aliavai'a nkek ma'a, malha 40 kilo lhta lhema akiaqiema. Netamen enenlhet'avok apkeltaknevangka lhta apvesai'a Eniapom Neten aniem'o akiavai'a akientalhnema qaselha akmovana hentevaksek apiaqmongkasekha apkeltemakha meliamolhma m'a.

Apocalipsis 16:9

Avanhek anke lhta apkenmeiasma aplhamakho enenlhet'avok aniem'o akmate nkoie. Nheklhe lhtoka meliaqmongkasekhak mo'ok apvalho'ok ma'a, ma lhta nhan eliavenkaskesaikama apvesai'a Eniapom Neten apto akietnema apmopvana takhalhet'ok qaselha akmovana nak hentevaksek, apkeltaqnevakke lhtoka mota apvesai'a m'a.

Apocalipsis 2:21

Askangke lhta ko'o aknem askelailhema nkoiaqmongkasekha mo'ok av'alhok ma'a, koka mankomaskengvaiakmok akmahai'a nkomenso'ok m'a.