Apocalipsis 15:1 - Nuevo Testamento Toba Maskoy

¹ Asvet'a lhta mokhom mo'ok qaselha mongenatkeskama akiavai'a nkek neten, akiemaskama engvalhok alhta m'a. 7 ángeles nnangkok 7 aktakha nnelha qaselha akmovana hentevaksek. Hata aksavhelhko ta m'a, aktakha nnelha ta aploma Eniapom Neten.

Apocalipsis 15:1 Iomraidhean Croise

Apocalipsis 10:3

Akiennaktema nke lhta apielhaivoma m'a ángel anak malha akto nak iama kmeiva. Ka allatemmongka lhta nhan 7 apkelelhtenioma m'a.

Apocalipsis 11:14

Nkelieka lhta m'a segunda akientalhnema, kolhvavek hata nhan nkovak ma'a tercera.

Apocalipsis 14:10

Koka enenlhet anak ma'a einek hata metka apiekai'a vino aniem'o aploma Eniapom Neten, ka vino nke nak apeneskamo lhta nohaikok aploma m'a, elhkak hata nhan akiaqmoiekha aptemakha akieplomo talha kanhan azufre napaqtavek ángeles apkelpokkenammap kakpota nhan Nepkesek Apketkok.

Apocalipsis 14:19

Ka apkeliaqtemeno lhta uva avakheiok akielhna akieplomo iama pelettav akhalhema, ka apkelho lhta nhan konne nemakha alietsemongamo m'a, koka akietkesammalhka m'a aploma Eniapom Neten.

Apocalipsis 16:1

Asleng'o lhta nhan nema aliatekama akiennaktema nkek aktepo m'a konne pa'at akpokkenammalhka, lhta ntak allano 7 ángeles alhta m'a: —Enmeiakha ha'e, eliangkenamok hata 7 nohaikok anak allaneiangko Eniapom Neten aploma takhalhet lhepop anak ma'a —lhta ntak nema aliatekama.

Apocalipsis 17:1

Hetetes ko'o lhta lhema aphapak ángel apkeniem'o apieseksek alhta m'a 7 ángeles apketsoiangka lhta nhan nohaikok 7, lhta aptak heiano m'a: —Nok, ateskese ta lheiap nema akiaqmongkasekha aktemakha ngkelvana akto neten ankek alanaktema aknema takhalhet'ok iemmen.

Apocalipsis 19:15

Ntepke lhta apatong ma'a apveske pelettav hanet nekha'a ahanto'ok kakpota eliensasangkok lhamakho apkellavakha lhmankek ham. Etnek hata apveske apiennaktema apankek ma'a, elteianmok hata apankek na uva malha apkelietsemongama apkelanai'a vino. Koka akietkesammalhka akiavai'a nkek aploma Eniapom Neten apto vanlha lhema aphapak aknema apmopvana apankek ma'a.

Apocalipsis 21:9

Asvet'o lhta lhema phapak ángel apkeniem'o m'a apieseksek 7 lhta apnaikamok 7 nohaikok apanko'ok allaneiangko aktakha nnelha 7 qaselha akmovana hentevaksek ma'a, lhta aptak heiano: —Elheng, ateskesek hata apmahai'akha Nepkesek Apketkok kakpota etnek aptava m'a —lhta aptak heiano.

Apocalipsis 8:13

Netamen ma'a asvet'o neten, asleng'o lhta nhan lhema meivoma apiavai'a apkempangka m'a neten, lhta aptak apiennakteso apaivoma hengke'e: —¡Ai enenlhet'avok la ie' apkelloma nak nalhepop, nkovak hata akientalhnema ham akvakmo ta apkelpaivaskama trompetas apkanetolhem'a ángeles! —lhta aptak ma'a meivoma.

Apocalipsis 8:2

Asvet'o lhta nhan mokhom 7 ángeles apkelaknangka m'a akieto napaqtek Eniapom Neten, akno lhta nhan allangko 7 trompetas moklhem'a m'a.

Apocalipsis 8:6

Ka apkellanakho lhta apkeltakha 7 ángeles lhek ma'a kakpota elpaivasangkok ma'a 7 trompetas.

Apocalipsis 9:20

Ma lhtoka elvatesaiangkok apkellanekamok ngkollatsekama m'a apkellelto lhta metekioma aniem'o m'a qaselha lhkek akmovana hentevaksek. Nheklhe lhtoka apkelteklheikamok aptapno'ok naqtavek kasekapok av'alho'ok kakpota nhan qaselha akiokha la alanemmalhka alienmomo oro, plata, bronce, metaimong kakpota nhan iamet nekha'a. Mankomovana nak nkota lhma, nkonnak nahan, mankomovana nha nkolhong ma'a qaselha akiokha nak ma'a.