Apocalipsis 14:15 - Nuevo Testamento Toba Maskoy

¹⁵ Aptepke lhta nhan konne Eniapom Neten apnemakha lhema ángel, apiennakteske lhta apaivoma apaqmetkeso m'a apto lhta apnema neten iephopai'a, lhta aptak apkano: —Eliaqtemen iama pelettav apvohok anak kakpota nhan enaklhek apielhna ham nalhepop anak ngkanek apataiaptak ma'a, ngvakmek aknem nennaklhemakha akielhna —lhta aptak ma'a.

Apocalipsis 14:15 Iomraidhean Croise

Marcos 4:29

Netamen ngvakmek hata nkek akmokhetmakha akielhna m'a, eliaqtemenek hata nhan akieplomo pelettav akhalhema apmaikama ngkanek ngvakmek aknem apnaklhemakha m'a —lhna aptemak Jesús ma'a.

1 Tesalonicenses 2:16

Ma lhta nhan hengellaiangkoho angelpaiaksek ania'a aktaqmanma nenvongkasemmalhka tep apieseksek metnangko judios, koka m'a niaveiangke lhta nhan ngkollatsekama apkellanekamok, koka nkovak hata nhan akiavai'a nema aliaqmongkaskesekha apkeltemakha m'a.

Apocalipsis 11:19

Asvet'a lhta nhan ma'a neten atong nema akmaiesekha Eniapom Neten apnemakha. Nietne lhta m'a konne iamet aiseksek aknaiangkolha metaimong nekha alqasemmalhka annemo mo'ok apvalho'ok lhnak nanek apkenmahai'akha etnangkok Eniapom Neten kanhan apkennemolhema. Mpelapkaske lhta apkelienmakmo m'a, akiennoma lhma, apkelelhtenioma, akievhekama lhepop kakpota nhan aliavai'a ahekho'ok ma'a.

Apocalipsis 13:12

Nte lhta aveske naqtek kaselha nevhak nengai'o amanie lhta akteiapma, mmaikama lhta nhan akientalhnemo ankok ma'a. Nkeleltave lhta lhamakho enenlhet'avok elteklhengkok aptapno'ok naqtek kaselha nevhak nengai'o amanie lhta akteiapma, akto lhta nhan nema aktaqmelkeskaiam akiavai'a akiensema.

Apocalipsis 14:14

Asvet'a alhta nhan lhema iephopai'a akmopai'a nke, apne lhta neten iephopai'a lhema enenlhet malha lhta Enenlhet Apketka nak ma'a. Nietne lhta apkelhanma apqatek oro alienmoma, apmaikama lhtoka apmek iama pelettav akhalhema akmahante nkoie.

Apocalipsis 14:16

Ka apkeliaqtemeno lhta apvohok ma'a takhalhet lhepop anak akieplomo iama pelettav akhalhema apto lhta apnema neten iephopai'a, apkankesakho nhan apielhna m'a.

Apocalipsis 14:17

Netamen mokhom aptepo lhta po'ok ángel konne Eniapom Neten apnemakha, apsopme lhta nhan iama pelettav akhalhema aknema ahantek.

Apocalipsis 14:18

Netamen ma'a aptepke lhta mokhom po'ok ángel akieto alvanlhemmalhkelha qaselha, apmopvana lhta nnak talha m'a. Apkavengka lhta nhan ma'a apiennakteso apaivoma apto lhta apmaikama iama pelettav akhalhema, lhta aptak apkano: —¡Eliaqtemen uva akielhna avakheiok nalhepop anak ham, iama pelettav akhalhema nak nema ahantek anko ie, ataiantak ham! —lhta aptak ángel.

Apocalipsis 15:6

Ka apkelentepo lhta 7 ángeles alhta m'a apkelletsekama lhta 7 qaselha akmovana hentevaksek. Apkelentalhnema lhtoka ietamopai'a nema altema lino, apkelalhnai'o nhan, apkellapommatke lhta nhan ma'a, kakpota nhan apkeliapnama akieto neplhet'a koneng apnenio'ok alienmomo nkoie oro.

Apocalipsis 16:17

Ka apiangkeno lhta mokhom septimo ángel nohaikok takhalhet akieto neten akmeioianlha alhkaiam. Mpelapkaske lhta mokhom aktepo nema aliatekama akiennaktema nkek akieto konne pa'at akpokkenammalhka, naqtek ma'a aptanema apveske, lhta ntak: —¡Mpenesalhkehe! —lhta ntak nema aliatekama.

Apocalipsis 6:10

Lhta antangkok akiennaktema nkek alpaqmeiasma: —Apveske, lheiap apto Apokkenammap memangveiam ngkolatsekama, apto nhan have niapak anke ¿Se lha aknem hata eliekpelkok lheiap eliaqmongkaskesekhak hata apkeltemakha enenlhet alhta hengennapma ennengko'o, he? —lhta ntangkok alpaqmeiasma apkel·hangok ma'a.