Apocalipsis 14:13 - Nuevo Testamento Toba Maskoy

¹³ Netamen ma'a asleng'o lhta mokhom nema aliatekama neten, lhta ntak heiano: —Etalhes hata ham, aktakmelakho nke ta nkotnek apkellelto apkeletsepma nenvanlha nak ma'a kanhan emanie ta apkelpasmekha nak ma'a Apveske engankok. —Hai, ka aptemak na Espíritu m'a eliamposakpok hata m'a aniem'o apkenmakmekama ngkanek metka apkelvatesaikamo apkellanekamok qaselha altaqmelo neksa apkellangiemhaikama m'a nalhepop —lhta ntak ma'a.

Apocalipsis 14:13 Iomraidhean Croise

Lucas 16:25

Koka lhna aptema Abraham apkatemmoiangka: "Etaven, kolheianvakho no apvalhok ntase lhta apnemo lheiap nalhepop, Lazaro lhtoka mangkolatsekama apnemo m'a. Kolhva koka avanhe akpaihekha apvalhok hengke'e, mangkolhnok lheiap, avanhek aplengaiangko akientalhnema ham.

Lucas 16:9

Ka stak ko'o askellano ketlhengkap, enmama ngkeskama nak netsekama nkolietemo kakpota etnangkok apkeltaiangkolha apketlhelhma'ak nengaqtek, neksa aksavhommalhka ta m'a ngkeskama nak netsekama, ngkolhek hata anmo takha ketlhengkap ma'a apkakhaiangkolha mangkotnengvaiam annelha.

Romanos 14:8

Nentaikamok la enhalhnanko'ok anak mokhom ma'a, ankok ma'a nengai'o Apveske. Neletsepo la nhan, ankok na m'a nengai'o Apveske. Nentangko la enhalhnankok mokhom, nlho ka la neletsepo la'a, koka apto Apveske apanko'ok ennengko'o m'a.

1 Corintios 15:18

melvomek na tep apkeletsepma nak apkellelto lhta meliaskeiam Cristo.

1 Corintios 15:20

Aplhatekhangveiakmek koka Cristo m'a, have niapak ankek ma'a, apmanie pankek aplhatekhangveiam ma'a, malha aktonak amanie nkek anammalhka aktekteiapma nak.

1 Corintios 15:58

Ka nkanek na ntasek ketlhengkap elialheng'a askellamelaiam, elienna ta metka apkelvatesaikamok na apkenmakmesaikama Apveske engankok anak, have aqhemo nhan apkenmakmesaikama ketlhengkap ma'a.

2 Corintios 5:8

mongeliaskeiakmok ennengko'o m'a. Ka nkanek nenmak'a niekhe angelieniekhak neliokha nak kakpota angenmangkok ma'a angaqhengvomhok lheme Apveske m'a.

Filipenses 2:17

Meliaskeiam anak ketlhengkap malha niekhe ntak akmatnama nak nentoskama nengaikamok Eniapom Neten, ka asketsepo la ko'o neksa helasennaikama ketlhengkap, ema ehenkok malha ntakhak nema aliangkenaikama nak takhalhet qaselha nema akmeskama Eniapom Neten, hata akto ta askaniemhaikama m'a nkaqhok hato ka ngkotnek ma'a nkopaihekhok ankek hata evalhok lhemek ketlhengkap ma'a.

1 Tesalonicenses 4:14

Mongeliaskeiakmok ennengko'o Jesús apketsepmo lhta kanhan aplhatekhangveiakmo lhta nhan, mang na angeliaskeiakmok Eniapom Neten elaqlakhak hata apkelelto nak apkeletsepma meliaskeiam la Jesús.

1 Tesalonicenses 4:16

Nkolnalhkak hata akiennaktema apatong apkeliatekama, nkolnalhkak hata nhan ma'a apkeliatekama lhema ángel apveske, akpaivoma nhan iompa'at aniem'o Eniapom Neten, evaiventak hata Apveske akieto neten, apmaniaie ta enaklhatekhangvomok apkellelto lhta apkeletsepma meliaskeiam alhta Cristo,

1 Tesalonicenses 5:10

apto lhta apketsepma henianmoma ennengko'o kakpota annakhok lhemek ma'a niekhe neksa neletnaikamok nlho ka la nennaqteianma.

1 Timoteo 5:24

Moklhem'a enenlhet apkellanekamok anak ngkollatsekama apkelvetakpek iokhalhmek ankek nenvanlha nak, ngkolhek hata nhan aliekpelko m'a, napokha nhan enenlhet melvetakpok apkellanekamok qaselha ngkollatsekama nenvanlha nak, koka ngkolhek hata nhan alvet'o m'a.

1 Timoteo 5:25

Moklhem'a nhan enenlhet apkellanekamok anak aktaqmanma apkelvetakpek iokhalhmek ankek nenvanlha nak, kanhan moklhem'a enenlhet anak apkellanekamok qaselha altaqmelo malha akielhammalhko nak, elvetakpok hata nhan ma'a.

Apocalipsis 1:11

lhta ntak heiano: —Etalhes no lhema vakkahak aktakha la apvetai'a, etsaskes hata 7 iglesias akieto m'a iokhalhma akiav'akha Asia, ka alvesai'a hengke'e: Efeso, Esmirna, Pergamo, Tiatira, Sardes, Filadelfia kakpota nhan Laodicea —lhta ntak nema aliatekama netamen ko'o.

Apocalipsis 10:4

Asmak'a lhta niekhe atalhaksek ma'a aktakha lhta aslengai'a 7 apkelelhtenioiam, koka lhta ntak nema aliatekama heiano m'a aniem'o neten: —Metalhes ankek aktakha aplengai'a 7 apkelelhtenioiam anak, eilhaskeso toka —lhta ntak heiano nema aliatekama m'a.

Apocalipsis 11:15

Netamen apaivaso mokhom trompeta septimo ángel, ka asleng'o lhta nema alpaqmeiasma aliennaktema nkek neten, lhta ntak: —Kolhvave nak lhmankek ham aptangkek apkelveskai'e Apveske engankok kakpota nhan apto apkapasammap apvesai'a Cristo, aptaikamok apkelveskaie metka akvaiam annelha aliekaikamok iantelhkapa —lhta ntangkok nema alpaqmeiasma.

Apocalipsis 11:19

Asvet'a lhta nhan ma'a neten atong nema akmaiesekha Eniapom Neten apnemakha. Nietne lhta m'a konne iamet aiseksek aknaiangkolha metaimong nekha alqasemmalhka annemo mo'ok apvalho'ok lhnak nanek apkenmahai'akha etnangkok Eniapom Neten kanhan apkennemolhema. Mpelapkaske lhta apkelienmakmo m'a, akiennoma lhma, apkelelhtenioma, akievhekama lhepop kakpota nhan aliavai'a ahekho'ok ma'a.

Apocalipsis 16:17

Ka apiangkeno lhta mokhom septimo ángel nohaikok takhalhet akieto neten akmeioianlha alhkaiam. Mpelapkaske lhta mokhom aktepo nema aliatekama akiennaktema nkek akieto konne pa'at akpokkenammalhka, naqtek ma'a aptanema apveske, lhta ntak: —¡Mpenesalhkehe! —lhta ntak nema aliatekama.

Apocalipsis 19:9

Netamen lhta aptak heiano mokhom ángel: —Etalhes no ta asmak'ak hata atnek aspaioma: Aktakmelakho nkek apkellelto nak nema allanema elpasengvomok taqmelaikama lhma aliemhapma ta Nepkesek Apketkok, ka stakha nak ko'o alheianma have niapak, aniem'o nhan Eniapom Neten —lhta aptak heiano ángel.

Apocalipsis 2:1

—Etalhes no lheiap ania'a nak kakpota eniapaskesek ma'a ángel apno m'a iglesia akieto Efeso, ka ntak ania'a hengke'e: Apto nak apkenmaikama 7 iav'a akiennakha nak apoktong, apiaihema m'a aiseksek 7 alhvo'ok oro alapommatkeskama, ka aptak nan ma'a:

Apocalipsis 2:7

—¡Eltaqmelkaso no apkellailhemo apaiko'ok anak apmak'akha etnek aplheianma m'a Espíritu aklhamakho nke nak iglesias!: "Apkellelto ta apkeliephongveiakmo, allangkok hata aptekamok akielhna iamet hengaikamok akiennaktema enneniek, amhamo nak ma'a iokhalhma aktaqmanma nkoie' apnemakha nak Eniapom Neten", lhta aptak.

Apocalipsis 20:6

¡Aktaqmelakho nkek apkellelto apnaklhatekhangveiakmo apmaniaie! Apkelpokkenammap asongkek ma'a, mellengankek hata mokhom hanet aktaiekho nengetsepma m'a. Etnangkok hata sacerdotes Eniapom Neten apankok kakpota nhan Cristo, etnangkok hata lhemek apkelveskai'e akvakmo 1.000 anio.

Apocalipsis 21:5

Koka apto lhta apnema aptanema apveske m'a, lhta aptak: —Askelan'ak ko'o alhnankok lhamakho qaselhaha —lhta aptak. Koka lhta aptak na mokhom heiano ko'o m'a: —Etalhes astakha nak aspaioma, akto have niapak ankek, nietavek mei'askamek lheiap —lhta aptak heiano m'a.

Apocalipsis 22:17

Espíritu ka nhan ngkelvana nema akmahai'akha, lhta ntangkok ma'a: —¡Elheng! —lhta ntangkok ma'a. Koka aplhamakho apkellelto apkellengai'a ania'a nak ntasek etnangkok na hengke'e: —¡Elheng! Koka enenlhet apkellelto la aliemai'a apiaspo'ok ntase eliangvetak iemmen hengke'e akto akiennaktema enneniek metka akianmoma.

Apocalipsis 6:11

Ka kno lhta allangko apkelentalhnema apkenmopai'a apankek ma'a, kno lhta nhan allelto elel·halhnek sekhe ketsek akvakmo apsavhekpo ta aptekievekha aplhamakha apkelaimommap apkelialheng'a apketlhelhma'ak ma'a, ka aktemo lhta aptekievekho nhan ma'a.