Apocalipsis 14:11 - Nuevo Testamento Toba Maskoy

¹¹ Mankotnengvomek hata nha nnelha anmekha neten talha eten ankok nema akiaqmongkasekha aktemakha m'a. Mankotnengvome ta nnelha apkeliampai'a apkellelto nak apkelteklheikamok aptapno'ok naqtavek kaselha nevhak nengai'o kanhan nema akietkeskamo lhta akiokha alanemmalhka m'a. Meliamposakpek hata nhan aknem, pelhasep, apkellelto nak nema alqaskama akvesai'a kaselha nevhak nengai'o apiempeiok ma'a —lhta aptak ángel.

Apocalipsis 14:11 Iomraidhean Croise

Hebreos 1:8

Koka aptemak aplheianmo aptemakha apketka hengke'e: «Lheiap Eniapom Neten, etnek hata apveske metka akvaiam annelha aliekaikamok iantelhkapa, elanak hata mota akto akpeivomo.

Apocalipsis 11:15

Netamen apaivaso mokhom trompeta septimo ángel, ka asleng'o lhta nema alpaqmeiasma aliennaktema nkek neten, lhta ntak: —Kolhvave nak lhmankek ham aptangkek apkelveskai'e Apveske engankok kakpota nhan apto apkapasammap apvesai'a Cristo, aptaikamok apkelveskaie metka akvaiam annelha aliekaikamok iantelhkapa —lhta ntangkok nema alpaqmeiasma.

Apocalipsis 13:12

Nte lhta aveske naqtek kaselha nevhak nengai'o amanie lhta akteiapma, mmaikama lhta nhan akientalhnemo ankok ma'a. Nkeleltave lhta lhamakho enenlhet'avok elteklhengkok aptapno'ok naqtek kaselha nevhak nengai'o amanie lhta akteiapma, akto lhta nhan nema aktaqmelkeskaiam akiavai'a akiensema.

Apocalipsis 13:15

Nne lhta ankok akmovana m'a alhaie lhta akteiapma kakpota nkovatepnapok nema akietkeskamo lhta akiokha alanemmalhka m'a amanie lhta akteiapma kakpota nkoliatama m'a. Nkoltok ngkolhek annapo apkellelto la melteklheikamok aptapno'ok naqtek ma'a.

Apocalipsis 13:17

Mankollapvanke lhta nhan enmankok qaselha kakpota nhan metlhankek apanko'ok la'a apkellelto metko la mongenatkeskama alqama apiempeiok, nlho ka nhan akvesai'a kakpota nhan alqama ankok akvesai'a.

Apocalipsis 14:9

Ka apteiapvo'o lhta mokhom po'ok ángel, apqanet'olhema lhta apvakmok ma'a, lhta aptak mokhom apiennakteso apaivoma: —Hata apkelteklheio ta aptapno'ok naqtavek kaselha nevhak nengai'o lhta, akiokha lhta nhan nema akietkeskamo m'a, apkaiangko la nhan alqaskama akpaihakha napa'at nlho ka la nhan apmek.

Apocalipsis 18:18

Elvetak hata akmeta eten ankok ma'a apiav'akha temma, elvenama ta nhan ma'a, hata etnangkok: "Koka apiav'akha lhta temma, akto lhta niekhe neten ankek akiaspommalhka melhnok po'ok la temma"

Apocalipsis 18:9

Elvetak hata akmeta eten ankok aplhamakho apkelveskai'e apkellelto lhta apkelpasengvaiam amota allangkemmalhka nkok ma'a kanhan apkelvanekamok aktemakha alanaktema, elleklhamong hata, eiapqalhek hata nhan apkelietnai'o na'at ma'a.

Apocalipsis 19:3

Apkeliennakteske lhta mokhom apkelpaqmeiasma apkeliennengkeskama lhke lhma neten, lhta aptangkok: —¡Aleluya! Angeliavenkaskesok nenlhamakho apvesai'a Eniapom Neten ngkanek mankolvataksek hata anmekha neten eten ankok akmeta ngkelvana alanaktema nak ma'a —lhta aptangkok ma'a.

Apocalipsis 20:10

Netamen ma'a ngkolhek hata akienievo aveske keliaqhameio aniem'o aliennengkasekama akieto m'a sanga akietnemakha talha kanhan azufre. Akieniommalhkelha lhta nhan ma'a kaselha nevhak nengai'o lhta kakpota nhan altennaskama ania'a ankok alhta apmopvana ania'a. Nkolhek hata aliaqmongkaskesakho altemakha m'a lhamakho aknem, pelhasep nahan metka akvaiam annelha aliekaikamok iantelhkapa.

Apocalipsis 22:5

Melhek hata pelhasep ma'a, mankaimalhkek hata nhan talha alhankok ma'a kakpota nhan aknem apommatema la'a, ngkanek Eniapom Neten apto apveske hata eniapommetek ma'a. Etnangkok hata nhan apkelveskai'e metka akvaiam annelha aliekaikamok iantelhkapa.

Apocalipsis 7:12

—Amen, angeliavenkeskasama ta mota apvesai'a Eniapom Neten engankok, angeltangkok na apiavai'a apankek, apientalhnemo kanhan nema apiamo. Antangkok hata mota gracias, nengellai'o nhan, angeltangkok na nema apmopvana, apiennaktema nhan metka akvaiam annelha aliekaikamok iantelhkapa. Amen —lhta aptangkok ma'a ángeles.