Apocalipsis 13:7 - Nuevo Testamento Toba Maskoy

⁷ Nne lhta nhan angkoho kakpota nkonnapalhkak apkellelto apkelpokkenammap akvakmo nhan altemeskesakho koneng. Nne lhta nhan angkoho ngkotnek akientalhnemo takhaplhet'ok lhamakho aknema apkelpasmekha apketkak neptamen, lhamakho aptemakha natemma, apkelpaqmeiasma, kanhan lhamakho aptemakha apkellavakha.

Apocalipsis 13:7 Iomraidhean Croise

Lucas 4:6

lhna ntemak anemo: —Elanhono ha'e, lhamakho apkellavakha nak kakpota nhan qaselha apanko'ok akmennave ngkeskama nak alhevai'a lhta ko'o, evankek angvangkok asmak'akha la angvangkok.

Juan 19:11

Ka apkatemmoiangka lhna lhta Jesús ma'a, lhna lhta aptemak: —Mamma apientalhnemo lheiap elana aktakha aplheianma, koka aklhamakho akmak'akha nak ngkotnek Eniapom Neten apkeltemo. Koka apto lhta heiangkongvai'a lheiap, koka apto neten apankek meihamolhma m'a, melhnok lheiap —lhna lhta aptemak.

Apocalipsis 10:11

Netamen alhta aptak heiano mokhom: —Eltennes hata mokhom ania'a apmak'akha etnek Eniapom neten napaqtavek enenlhet'avok apnakha la temma, apiav'akha temma, lhamakho aktemakha la apkelpakmeiasma apkellavakha, kakpota nhan napaqtavek apkeliav'akha apkelveskai'e —lhta ntak heiano nema aliatekama.

Apocalipsis 11:18

Avanhek apkelloma enenlhet'avok lhmankek ham ngkanek ngva'ak aknem aploma lheiap. Eliekpelkok hata nhan aktaqmanma nlho ka la ngkollatsekama apkelanai'a apkeletsepma nak, ellangkok hata nhan apianmongkeskama apkellelto lhta apkellasennaikama apkeleltennaskamo ania'a apankok. Ellangkok hata nhan apianmongkeskama apkellelto apkelpokkenammap, apkellelto nhan apkellai'o apvesai'a, nlho ka la nhan apkelientalhnemo, melientalhnemo nhan, nkolhok hata mo'ok apkellaikamok akiaqmoiekha m'a. Koka enaqtevaksek hata lheiap apkellelto nak apnaqtevaskama takhalhet lhepop —lhta aptangkok metno apketko'ok ma'a.

Apocalipsis 11:7

Hata apkelpeneso ta apkelpaieskama ania'a astemakha ko'o m'a, nkotiepok hata nhan lhema kaselha nevhak nengai'o nkek konne malhek konne kankek, nkonnapalhkak hata m'a apqanet anak askellasennaikama apkelioho ko'o astemakha, nkoltemeskasenta ta koneng, nkonnapok hata nhan ma'a.

Apocalipsis 12:17

Ma lhta nkasak ankek aklavo menasma akiavai'a alan'o ngkelvana lhta m'a. Mmeiakhe lhta m'a kakpota nkonnapalhkak aplhamakha atkak netamen ma'a ngkelvana, apkellelto apkelleliehekho mota henganemakha Eniapom Neten, apkellelto nhan apketlhengkeskama apketlheianma apvesai'a Jesucristo.

Apocalipsis 17:15

Netamen ma'a lhta aptak mokhom heiano ángel: —Koka iemmen apvet'o lhkek aknema takhalhet ngkelvana alanaktema m'a, akietkesammalhka koka m'a enenlhet'avok lhmankek ham, lhamakho apkellavakha, apkelpakmeiasma nhan.

Apocalipsis 5:9

Ka apkennekmasengko lhta nhan lhema nennekmaskama alhnankok ma'a, lhta ntemak: —Vanlha lheiap apto akietemo nkek emok, emaiesekhak na nema aliepetkeskama vakkahak anak ngkanek apmatnangke lhta lheiap, apianmongkeskekho lhta ema apankok kakpota hengel·hatsoskakhak neksa hengenmaikama mongeliamolhma, henlaqlekho lhta nhan ma'a napaqtek Eniapom Neten nenlhamakho ennengko'o kakpota nhan apkakhangko natemma lhmankek ham, aknema apkelpasmekhak apketkak kanhan lhamakho aktemakha apkelpaqmeiasma.