Apocalipsis 13:6 - Nuevo Testamento Toba Maskoy

⁶ Nkeliatakke lhta m'a ammelho akpaivoma Eniapom Neten kakpota nhan apnemakha akpokkenammalhka. Nkeliatakke lhta nhan alammelho apkellelto apkakhaikamok ma'a neten.

Apocalipsis 13:6 Iomraidhean Croise

Juan 1:14

Apaivoma nak aktaiekho lhnak enenlhet apanke, apnengke lhta nhan nenieseksa ennengko'o m'a. Nelvetai'a lhta nhan apmopvana ka nhan apientalhnemo ngkanek apto lhta vanlha lhema Eniapom Neten Apketka m'a, akiavai'a nke lhta hengamelaiakmo kanhan akto iokhalhmek ankek ma'a.

Romanos 3:13

«Alhva'ak apiaspo'ok anak malha niekhe nemakha nak akpekkanveianlha enghapak metka nema alapekha la atno'ok, apalhko'ok koka nkelpaqmetkek vanlha aktaikamok anmovanka ania'a». «Apkeliatekama malha veneno nkok anak nonempa menasma».

Colosenses 1:19

Apkeltave lhta Eniapom Neten ngkoitek apmopvana apankok ma'a Cristo,

Colosenses 2:9

Ka apiokha nak Cristo apnek ma'a Eniapom Neten apiokho panke nak,

Hebreos 9:2

akvesai'a m'a akpaklhenammalhka kaselha aiempek. Amanie nkek amhama av'alhok konne akvesai'a lhnak nanek akpokkenammalhka, nkemhankek nak ma'a alhva apommatkeskama kanhan asota akieplomo pan nema alpokkenkeskama Eniapom Neten.

Hebreos 9:24

Ma lhta etalhnengvekha Cristo pa'at akpokkenammalhka apto enenlhet apankek apkelanai'a, ngkanek apietkesammap ma'a pa'at anak hengke'e apietnemo m'a neten apto have niapak anke nak. Neten koka aptalhnengvekhak ma'a napaqtek Eniapom Neten kakpota enianak hengelleltaqmelkeskesek nengellaniemhaikama ennengko'o m'a.

Apocalipsis 11:12

Koka apkellelto lhta apnaklhatekhangveiam ma'a apkelleng'o lhta nhan nema aliatekama akiennaktema nkek aniem'o lhta m'a neten, lhta ntak: —¡Enmeianta hengke'e! —lhta ntak ma'a. Ka apkenmeiakho lhta neten ma'a lhema iephopai'a lhta apkelkanantema, apkelvet'a lhta nhan ma'a apkellelto apkellammelhmakha lhta.

Apocalipsis 12:12

¡Kopaihekha ta av'alhok neten kanhan apkellelto apkelloma m'a neten! ¡koka ketlhengkap la ie' apkelloma nak takhalhet lhepop kanhan apkelloma nak alvata! Ngkanek ngvaivantaniek aveske keliaqhameiok apkelammelhma ta ketlhengkap ham, mangkasak aknatheskama m'a ngkanek niavek na ketsek nkaimelhka aknem nkotvasalhkak hata m'a —lhta ntak nema aliatekama m'a.

Apocalipsis 15:5

Netamen ma'a asvet'a lhta nhan neten, akmaihakho m'a pa'at akpokkenammalhka, kaselha aiempeiok akpaklhenammalhka. Nnankek ma'a metaimong nema alpaieskama alqasemmalhka annemo mo'ok apvalho'ok Eniapom Neten kanhan Israel.

Apocalipsis 18:20

Kolpaihekha toka apvalho'ok ketlhengkap apkakhaikamok neten ngkanek nnek aktevaso apiav'akha temma nak. Kolpaihekha nhan apvalho'ok ketlhengkap apkellelto nak apkelpokkenammap, nema allapaskamo kakpota nhan apkeleltennasemmap ania'a ngkanek Eniapom Neten apiaqmongkasakhek aktemakha ngkolatsekama lhta allanei'o ketlhengkap —lhta ntak nema aliatekama aniem'o neten.

Apocalipsis 21:3

Asleng'o lhta nhan nema aliatekama akiennaktema nkek aniem'o m'a neten, lhta ntak: —Ka natemma apankok Eniapom Neten ham, elloka ta lhemek enenlhet'avok ma'a, etnek hata nhan Apveske apanko'ok ma'a, etnangkok hata nhan apkennemolhema.

Apocalipsis 4:1

Netamen alhta m'a, asvet'o mokhom atong akmaihekha akieto m'a neten, lhta ntak heiano mokhom nema aliatekama lhta akiennaktema nke lhta apaivoma, malha lhta ntak trompeta nak akpaivoma, lhta ntak: —Enianamet halep, ataskesek hata lhamakho qaselha akmak'akha ta ngkotnek netamen ma'a —lhta ntak heiano nema aliatekama.

Apocalipsis 4:4

Nnangke lhta nhan 24 apkeltanema apkelveskai'e nema alpeneskeskamo m'a nekhav'ak apnakha m'a aptanema apveske. Apkakhengveiakmo lhta nhan 24 metno apketko'ok ma'a, apkenmopai'a lhta apkelentalhnema, nnaianke lhta nhan apkelelhnekha apqatko'ok oro alanemmalhka.

Apocalipsis 5:13

Asleng'a lhta nhan aklhamakho qaselha apkelentepkeskama lhta Eniapom Neten akieto neten, nalhepop, alvata kanhan koneng lhepop anak, lhta ntangkok ma'a: —Nietavek eliavenkaskesok apkelvesai'a, ellahok nahan, elteskasangkok na apkelientalhnemo kanhan apkenmopvanka'a m'a metka akvaiam annelha aliekaikamok iantelhkapa apto apnema aptanema apveske, kakpota nhan Nepkesek Apketkok —lhta ntangkok ma'a.

Apocalipsis 7:15

Ka ngkanek elloka mota napaqtek Eniapom Neten apnema aptanema apveske m'a, ellasennama mota nhan knem anke, pelhasep nahan akieto m'a apnemakha. Apto apnema nak aptanema apveske etnangko mota apketlhelhma'ak, eltaqmelkesek nahan.

Apocalipsis 7:9

Netamen na m'a asvet'o lhta apentalhnema apanke enenlhet lhmankek ham, lhamakho aptemakha apkellavakha, aknema apkelpasmekha apketkak neptamen, natemma kanhan lhamakho aktemakha apkelpaqmeiasma. Aplhanie panke lhta enenlhet ma'a, mammopvana angelietsete lhta m'a, apkelanvakhe lhta m'a akieto naqtek aptanema apveske kanhan napaqtek Nepkesek Apketkok. Apkenmopai'a panke lhta nhan apkelentalhnema, kakpota nhan ietapa'ang apva'a apmeio'ok.